அபிஷன் ஜீவிந்த்,அனஸ்வரா ராஜன் நடிப்பில் வெளியான 'வித் லவ்' திரைப்படம் வசூலில் சாதனை படைத்துள்ளது. 90 களின் காதல் படங்களை நினைவுபடுத்தும் இப்படம், இந்த ஆண்டின் 'ப்யூர் பிளாக்பஸ்டர்' என கொண்டாடப்படுகிறது.
தமிழ் திரையுலகில் அவ்வப்போது சில திரைப்படங்கள் எவ்வித எதிர்பார்ப்பும் இன்றி வெளியாகி, ரசிகர்களின் இதயங்களை வென்று பிரம்மாண்ட வெற்றியைப் பதிவு செய்யும். அந்த வரிசையில், 90-களின் கிளாசிக் காதல் படங்களை நினைவுபடுத்தும் விதமாக, தற்போதைய இளைஞர்களுக்கு ஒரு 'காதல் கோட்டை'யாக உருவெடுத்துள்ளது 'வித் லவ்' (With Love) திரைப்படம். அறிமுக நாயகன் அபிஷன் ஜீவிந்த் மற்றும் அனஸ்வரா ராஜன் நடிப்பில் வெளியான இப்படம், பாக்ஸ் ஆபீஸில் தற்போது வசூல் வேட்டையைத் தொடர்ந்து வருகிறது.
25
பட்ஜெட்டை மிஞ்சிய பிரம்மாண்ட வசூல்
வெறும் ரூ.4 கோடி என்ற சிறிய பட்ஜெட்டில் நேர்த்தியாக உருவாக்கப்பட்ட இப்படம், வெளியாகி இரண்டு வாரங்களுக்குள்ளேயே உலகளவில் ரூ.20 கோடிக்கும் அதிகமான வசூலை ஈட்டி சாதனை படைத்துள்ளது. படத்தின் பட்ஜெட்டை விட ஐந்து மடங்கு அதிக லாபத்தை ஈட்டியுள்ளதால், திரையுலக வர்த்தக நிபுணர்கள் இப்படத்தை இந்த ஆண்டின் 'ப்யூர் பிளாக்பஸ்டர்' என கொண்டாடுகிறார்கள்.
35
அபிஷன் ஜீவிந்தின் இரட்டைச் சிகரம்
கடந்த ஆண்டு 'டூரிஸ்ட் பேமிலி' படத்தின் மூலம் இயக்குநராகத் தடம் பதித்த அபிஷன் ஜீவிந்த், இப்படத்தின் மூலம் ஹீரோவாகவும் ரசிகர்களின் மனதைக் கவர்ந்துள்ளார். ஒரு அறிமுக நாயகனின் படம் முதல் வாரத்திலேயே ரூ.20 கோடி கிளப்பில் இணைவது என்பது கோலிவுட்டில் மிக அரிதான சாதனை. இவருக்கு ஜோடியாக நடித்த அனஸ்வரா ராஜனின் எதார்த்தமான நடிப்பு, திரையரங்கிற்கு வரும் ரசிகர்களை நெகிழ்ச்சியில் ஆழ்த்துகிறது.
இயக்குநர் மதன் செதுக்கியுள்ள அழகான காதல் காட்சிகளும், சௌந்தர்யா ரஜினிகாந்தின் தரமான தயாரிப்பும் படத்திற்குப் பெரும் பலமாக அமைந்தன. குறிப்பாக பிப்ரவரி 14 காதலர் தினத்தன்று தமிழகம் முழுவதும் உள்ள திரையரங்குகளில் 'ஹவுஸ்புல்' காட்சிகளாக இப்படம் ஓடியது. இளைஞர்கள் மட்டுமின்றி குடும்பம் குடும்பமாக மக்கள் இப்படத்தைப் பார்க்க ஆர்வம் காட்டி வருகின்றனர்.
55
டிஜிட்டல் உலகிலும் மவுசு
திரையரங்குகளில் வசூல் மழை பொழிந்து கொண்டிருக்கும் வேளையிலேயே, இப்படத்தின் டிஜிட்டல் உரிமையை நெட்ஃபிளிக்ஸ் நிறுவனம் மிகப்பெரிய விலைக்கு வாங்கியுள்ளது. தரமான கதைக்களம் இருந்தால், பெரிய நட்சத்திரங்கள் இல்லாவிட்டாலும் மக்கள் பேராதரவு தருவார்கள் என்பதற்கு 'வித் லவ்' ஒரு சான்றாக மாறியுள்ளது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
