TRB Assistant Professor தமிழ்நாடு அரசு கலை மற்றும் அறிவியல் கல்லூரிகளில் 2708 உதவிப் பேராசிரியர் பணிக்கான பணி அனுபவச் சான்றிதழ்களைப் பதிவேற்றம் செய்ய டிசம்பர் …..வரை கால அவகாசம் நீட்டிக்கப்பட்டுள்ளது. அதிகாரப்பூர்வ அறிவிப்பு விவரங்கள் உள்ளே.
TRB Assistant Professor டிஆர்பி (TRB) வெளியிட்ட முக்கிய அறிவிப்பு
கல்லூரிப் பேராசிரியர் கனவோடு காத்திருக்கும் ஆயிரக்கணக்கான பட்டதாரிகளுக்கு ஒரு நிம்மதிப் பெருமூச்சு விடும் வகையிலான அறிவிப்பை ஆசிரியர் தேர்வு வாரியம் (TRB) இன்று வெளியிட்டுள்ளது. அரசு கலை மற்றும் அறிவியல் கல்லூரிகளில் உதவிப் பேராசிரியர் பணிக்கான சான்றிதழ்களைப் பதிவேற்றம் செய்வதில் இருந்த சிக்கல்களுக்குத் தீர்வு காணும் வகையில் கால அவகாசம் நீட்டிக்கப்பட்டுள்ளது.
25
2708 காலிப்பணியிடங்களுக்கான மெகா ஆட்சேர்ப்பு
தமிழ்நாடு அரசு கலை மற்றும் அறிவியல் கல்லூரிகள் மற்றும் அரசு கல்வியியல் கல்லூரிகளில் காலியாக உள்ள 2708 உதவிப் பேராசிரியர்கள் பணியிடங்களை நிரப்புவதற்கான அறிவிப்பு (எண்.04/2025) கடந்த அக்டோபர் மாதம் வெளியிடப்பட்டது. இதற்கான இணையவழி விண்ணப்பப் பதிவு அக்டோபர் 17 முதல் நவம்பர் 10 வரை நடைபெற்றது. இது பேராசிரியராக வேண்டும் என்ற லட்சியம் கொண்டவர்களுக்கு ஒரு பொன்னான வாய்ப்பாக அமைந்தது.
35
விண்ணப்பதாரர்கள் சந்தித்த சிக்கல்
விண்ணப்பப் பதிவு முடிந்தாலும், பணி அனுபவச் சான்றிதழ்களை (Experience Certificates) பதிவேற்றம் செய்வதற்கு நவம்பர் 30 வரை ஏற்கனவே கால அவகாசம் வழங்கப்பட்டிருந்தது. இருப்பினும், இந்தச் சான்றிதழ்களில் உரிய அதிகாரிகளிடம் மேலொப்பம் (Countersignature) பெறுவதில் பல நடைமுறைச் சிக்கல்கள் மற்றும் காலதாமதம் ஏற்படுவதாக விண்ணப்பதாரர்கள் தரப்பில் தெரிவிக்கப்பட்டது. இதனால் பலர் குறிப்பிட்ட தேதிக்குள் சான்றிதழைப் பதிவேற்ற முடியுமா என்ற அச்சத்தில் இருந்தனர்.
விண்ணப்பதாரர்களின் இந்தக் கோரிக்கையைப் பரிசீலித்த ஆசிரியர் தேர்வு வாரியம், தற்போது கூடுதல் கால அவகாசத்தை வழங்கியுள்ளது.
இதன்படி, விண்ணப்பதாரர்கள் தங்கள் பணி அனுபவச் சான்றிதழ்களை மட்டும் இணையதளத்தில் பதிவேற்றம் செய்ய 05.12.2025 (டிசம்பர் 5, 2025) வரை கால நீட்டிப்பு வழங்கப்பட்டுள்ளது.
55
கடைசி வாய்ப்பை நழுவ விடாதீர்கள்
இந்தக் கூடுதல் அவகாசத்தைப் பயன்படுத்தி, விண்ணப்பதாரர்கள் கடைசி நாள் வரை காத்திருக்காமல், முன்கூட்டியே உரிய அலுவலர்களிடம் மேலொப்பம் பெற்று, சான்றிதழ்களைப் பிழையின்றி பதிவேற்றம் செய்யுமாறு அறிவுறுத்தப்படுகிறார்கள்.
