Railway No Exam Jobs: ரயில்வே துறையில் பயிற்சி வாய்ப்பை எதிர்பார்க்கும் இளைஞர்களுக்கு முக்கிய அறிவிப்பு வெளியாகியுள்ளது. எழுத்துத் தேர்வு, நேர்முகத் தேர்வு இல்லாமல் மதிப்பெண் அடிப்படையில் தேர்வு நடைபெற உள்ளது.
ரயில்வே ஆட்சேர்ப்பு பிரிவின் வடக்கு ரயில்வே நிர்வாகம், 2026-27ஆம் ஆண்டுக்கான 4,651 அப்ரண்டிஸ் பயிற்சி இடங்களை நிரப்ப அறிவிப்பு வெளியிட்டுள்ளது. லக்னோ, டெல்லி, அம்பாலா, ஃபிரோஸ்பூர், மொராதாபாத், ஜம்மு ஆகிய ஆறு பிரிவுகளில் இந்தப் பயிற்சி இடங்கள் உள்ளன. லக்னோவில் 1,525, டெல்லியில் 1,312, அம்பாலாவில் 979, ஃபிரோஸ்பூரில் 740, மொராதாபாத்தில் 63, ஜம்முவில் 32 இடங்கள் ஒதுக்கப்பட்டுள்ளன. இணையவழி விண்ணப்பங்கள் நவம்பர் 11 முதல் பெறப்படுகின்றன. டிசம்பர் 11 கடைசி நாளாகும்.
25
கல்வித் தகுதி மற்றும் வயது வரம்பு
விண்ணப்பதாரர்கள் அங்கீகரிக்கப்பட்ட கல்வி வாரியத்தில் 10ஆம் வகுப்பில் குறைந்தது 50 சதவீத மதிப்பெண்களுடன் தேர்ச்சி பெற்றிருக்க வேண்டும். இதனுடன், இந்திய அரசால் அங்கீகரிக்கப்பட்ட NCVT அல்லது SCVT அமைப்பின் கீழ் தொடர்புடைய பிரிவில் ஐடிஐ சான்றிதழும் பெற்றிருக்க வேண்டும். ஃபிட்டர், எலக்ட்ரீஷியன், மெக்கானிக், வெல்டர், கார்பெண்டர், பெயிண்டர், டர்னர், மெஷினிஸ்ட் உள்ளிட்ட அறிவிப்பில் குறிப்பிடப்பட்ட தொழிற்பிரிவுகளில் பயிற்சி முடித்தவர்கள் விண்ணப்பிக்கலாம். டிசம்பர் 11, 2026 அன்று 15 வயது நிறைவடைந்தும் 24 வயதை நிறைவு செய்யாமலும் இருக்க வேண்டும். இடஒதுக்கீட்டுப் பிரிவினருக்கு அரசு விதிகளின்படி வயது தளர்வு உண்டு.
35
எழுத்துத் தேர்வு கிடையாது
இந்தப் பயிற்சி இடங்களுக்கான தேர்வில் எழுத்துத் தேர்வு அல்லது நேர்முகத் தேர்வு கிடையாது. 10ஆம் வகுப்பு மற்றும் ஐடிஐ தேர்வுகளில் பெற்ற மதிப்பெண்களின் சராசரி கணக்கிடப்பட்டு, இரண்டுக்கும் சமமான முக்கியத்துவம் வழங்கப்படும். இதன் அடிப்படையில் தகுதிப் பட்டியல் தயாரிக்கப்படும். தேர்வுப் பட்டியலில் இடம்பெறுபவர்கள் சான்றிதழ் சரிபார்ப்பு மற்றும் மருத்துவத் தகுதிச் சோதனைக்கு அழைக்கப்படுவார்கள். ஒரே மதிப்பெண் பெற்றவர்களில் வயதில் மூத்தவருக்கு முன்னுரிமை வழங்கப்படும்.
பொது, ஓபிசி உள்ளிட்ட கட்டணம் செலுத்த வேண்டிய பிரிவினருக்கு ரூ.100 விண்ணப்பக் கட்டணமாக நிர்ணயிக்கப்பட்டுள்ளது. எஸ்சி, எஸ்டி, மாற்றுத்திறனாளிகள் மற்றும் பெண்களுக்கு விண்ணப்பக் கட்டணம் கிடையாது. விண்ணப்பதாரர்கள் கல்விச் சான்றிதழ்கள், ஐடிஐ மதிப்பெண் பட்டியல், புகைப்படம், கையொப்பம் உள்ளிட்ட தேவையான ஆவணங்களை இணையதளத்தில் பதிவேற்ற வேண்டும். இறுதியாக விண்ணப்பத்தைச் சமர்ப்பித்த பிறகு மாற்றம் செய்ய முடியாது என்பதால், விவரங்களைச் சரிபார்த்த பிறகே சமர்ப்பிக்க வேண்டும்.
55
டிசம்பர் 11 கடைசி நாள்: முக்கிய எச்சரிக்கை
தகுதியுள்ளவர்கள் வடக்கு ரயில்வேயின் அதிகாரப்பூர்வ இணையதளமான rrcnr.org மூலம் டிசம்பர் 11, 2026 அன்று இரவு 11.59 மணிக்குள் விண்ணப்பிக்க வேண்டும். ஒருவருக்கு ஒரு விண்ணப்பம் மட்டுமே அனுமதிக்கப்படும். மேலும், தங்களது ஐடிஐ தொழிற்பிரிவுக்கு பயிற்சி இடங்கள் அறிவிக்கப்பட்டுள்ள பிரிவு மற்றும் பணியிடத்தையே தேர்வு செய்ய வேண்டும். இது பயிற்சி வாய்ப்பு மட்டுமே; பயிற்சி முடித்ததும் நிரந்தர ரயில்வே வேலை வழங்கப்படும் என்ற உத்தரவாதம் இல்லை. எனவே விண்ணப்பிக்கும் முன் முழுமையான அதிகாரப்பூர்வ அறிவிப்பைப் படித்துத் தகுதியை உறுதிப்படுத்துவது அவசியம்.
