ஜப்பானில் செட்டில் ஆகணுமா? ஆசிய வளர்ச்சி வங்கியில் சூப்பர் வேலை.. எகனாமிக்ஸ் முடிச்சவங்களுக்கு நல்ல சான்ஸ்!

ஜப்பானில் உள்ள ஆசிய வளர்ச்சி வங்கி நிறுவனம் (ADBI), 'ரிசர்ச் அசோசியேட்' பணிக்கு விண்ணப்பங்களை வரவேற்கிறது. பொருளாதாரத்தில் முதுகலைப் பட்டம் மற்றும் ஆராய்ச்சி அனுபவம் உள்ள, ஜப்பானில் வசிக்கும் தகுதியானவர்கள் இந்த வாய்ப்புக்கு விண்ணப்பிக்கலாம்.

ஆசிய வளர்ச்சி வங்கியில் வேலை

ஆசிய வளர்ச்சி வங்கி நிறுவனம் (ADBI), பொருளாதாரத் துறையில் சிறந்த ஆராய்ச்சியாளர்களைத் தேடி வருகிறது. ஜப்பானின் டோக்கியோ நகரைத் தலைமையிடமாகக் கொண்டு செயல்படும் இந்த நிறுவனத்தில் 'ரிசர்ச் அசோசியேட்' (Research Associate) பணிக்கான விண்ணப்பங்கள் வரவேற்கப்படுகின்றன.

யாரெல்லாம் விண்ணப்பிக்கலாம்?

இந்த வேலைக்கு ஆசிய வளர்ச்சி வங்கியில் உறுப்பினராக உள்ள நாடுகளைச் சேர்ந்தவர்கள் விண்ணப்பிக்கலாம். (இந்தியா இதில் ஒரு உறுப்பினர் நாடு).

• கல்வித் தகுதி: பொருளாதாரம் (Economics) அல்லது அது சார்ந்த துறையில் குறைந்தபட்சம் முதுகலைப் பட்டம் (Master's Degree) பெற்றிருக்க வேண்டும். (PhD முடித்தவர்களுக்கு முன்னுரிமை வழங்கப்படும்).

• அனுபவம்: குறைந்தது 2 ஆண்டுகள் ஆராய்ச்சி அனுபவம் அவசியம். ஆய்வுக் கட்டுரைகளைத் தயாரிப்பதிலும், தரவுகளைப் பகுப்பாய்வு செய்வதிலும் (Data Analysis) அனுபவம் இருக்க வேண்டும்.

• தொழில்நுட்பத் திறன்: STATA, EViews, MATLAB அல்லது R போன்ற புள்ளியியல் மென்பொருட்களைக் கையாளுவதில் வல்லவராக இருக்க வேண்டும்.

• முக்கிய நிபந்தனை: விண்ணப்பதாரர் தற்போது ஜப்பானில் வசிப்பவராகவும், அங்கு பணியாற்றுவதற்கான முறையான அனுமதி (Working Permission) பெற்றவராகவும் இருக்க வேண்டும்.

பணிப் பொறுப்புகள்

தேர்வு செய்யப்படும் நபர்கள் டோக்கியோ அலுவலகத்தில் இருந்து கீழ்க்கண்ட பணிகளைச் செய்வார்கள்:

1. தரவுகளைச் சேகரித்தல் மற்றும் பொருளாதார ஆய்வுகளுக்குத் தேவையான புள்ளிவிவரங்களைத் தயாரித்தல்.

2. ஆய்வுக் கட்டுரைகளை எழுதுதல், மதிப்பாய்வு செய்தல் மற்றும் திருத்துதல்.

3. டோக்கியோ அல்லது சர்வதேச அளவில் நடைபெறும் மாநாடுகள் மற்றும் பயிற்சிப் பட்டறைகளை ஒருங்கிணைத்தல்.

விண்ணப்பிப்பது எப்படி?

ஆர்வமுள்ளவர்கள் தங்கள் சுயவிவரக் குறிப்பு (CV), சமீபத்திய ஆய்வுக் கட்டுரை மற்றும் தனிப்பட்ட வரலாற்றுப் படிவம் (Personal History Form) ஆகியவற்றைச் சமர்ப்பிக்க வேண்டும்.

• கடைசி தேதி: 20 ஜனவரி 2026 (மாலை 5 மணி - டோக்கியோ நேரப்படி).

• விண்ணப்பிக்கும் தளம்: ADBI-ன் அதிகாரப்பூர்வ இணையதளம் மூலம் விண்ணப்பிக்கலாம்.