8வது ஊதியக் குழுவின் கூட்டங்கள் நடந்து வரும் நிலையில், ஓய்வூதியதாரர்கள் மத்தியில் ஒருவித பதற்றம் அதிகரித்துள்ளது. 'ஓய்வுபெற்ற ஊழியர் நலச் சங்கம்' (REWA) கமிஷனின் பணி வரம்புகளில் (ToR) சில முக்கிய திருத்தங்களைக் கோரியுள்ளது.
சென்னையின் ஐடிசி கிராண்ட் சோழாவில் நடந்த சந்திப்பு
8வது ஊதியக் குழு, செப்டம்பர் 7 மற்றும் 8 தேதிகளில் சென்னையின் ITC கிராண்ட் சோழா ஹோட்டலில் ஆலோசனை நடத்தியது. இதைத் தொடர்ந்து, இன்று புதுச்சேரியில் கூட்டம் நடக்கிறது. இந்த கூட்டங்கள் சம்பளம், ஓய்வூதியம் மற்றும் படிகளை மாற்றி அமைப்பதற்கான அடித்தளத்தை உருவாக்குகின்றன.
29
பென்ஷனை மாற்றி அமைக்க கோரிக்கை
'ஓய்வுபெற்ற ஊழியர் நலச் சங்கம்' (REWA) போன்ற முக்கிய ஓய்வூதியதாரர் அமைப்புகள், 8வது ஊதியக் குழுவின் 'பணி வரம்புகளில்' (ToR) திருத்தம் செய்ய வேண்டும் என வலியுறுத்துகின்றன. ஓய்வூதியதாரர்கள் மற்றும் குடும்ப ஓய்வூதியதாரர்களின் பென்ஷனை மாற்றி அமைக்கும் விஷயத்தை இதில் சேர்க்க வேண்டும் என்பதே இவர்களின் கோரிக்கை.
39
ஊதியக் குழுவின் ஓய்வூதிய திருத்தப் பரிந்துரைகளில் சேர்க்க வேண்டும்
இந்த அமைப்பு செப்டம்பர் 7 அன்று இந்தியப் பிரதமருக்கு ஒரு கடிதம் அனுப்பியது. அதில், ஜனவரி 1, 2026-க்கு முன் ஓய்வு பெற்றவர்களையும், ஊதியக் குழுவின் ஓய்வூதிய திருத்தப் பரிந்துரைகளில் தெளிவாகச் சேர்க்க வேண்டும் என்று மத்திய அரசிடம் கோரிக்கை வைத்துள்ளது.
பெரிய குழப்பம் நிலவுவதாக REWA சங்கம் குற்றச்சாட்டு
சுமார் 69 லட்சம் ஓய்வூதியதாரர்கள் மற்றும் குடும்ப ஓய்வூதியதாரர்கள் மத்தியில் ஒரு பெரிய குழப்பம் நிலவுவதாக REWA சங்கம் தெரிவித்துள்ளது. 8வது ஊதியக் குழு தங்களின் ஓய்வூதியத்தை மாற்றி அமைக்கப் பரிந்துரைக்குமா இல்லையா என்பதே அந்தக் குழப்பம். ஊதியக் குழுவின் பணி வரம்பு (ToR) விதி 2(e) தான் இந்தக் கவலைக்கு முக்கிய காரணம் என்று சங்கம் கூறுகிறது.
59
ஓய்வூதிய கட்டமைப்பை மதிப்பாய்வு செய்வது அவசியம்
இந்த விதியானது, ஊழியர்களுக்கான 'இறப்பு மற்றும் ஓய்வுக்கால பணிக்கொடை' (Death-cum-Retirement Gratuity) மற்றும் ஓய்வூதிய கட்டமைப்பை மதிப்பாய்வு செய்வது பற்றி பேசுகிறது. இதில் NPS, UPS மற்றும் NPS அல்லாத ஓய்வூதியங்களும் அடங்கும். ஆனால், ஜனவரி 1, 2026-க்கு முன் ஓய்வு பெற்றவர்களைப் பற்றி இந்த விதி தெளிவாகக் குறிப்பிடவில்லை என REWA வாதிடுகிறது.
69
ஓய்வூதியதாரர்களுக்கு புதிய சலுகைகள் தேவை
முந்தைய ஊதியக் குழுக்களின் பணி வரம்புகளையும் (ToR) இந்த சங்கம் சுட்டிக்காட்டியுள்ளது. 7வது ஊதியக் குழுவின் ToR-ல், ஓய்வுக்குப் பிந்தைய பலன்கள் (ஓய்வுக்கு முந்தைய ஓய்வூதிய திருத்தம் உட்பட) தெளிவாகக் குறிப்பிடப்பட்டிருந்தது. அதேபோல, 5வது மற்றும் 6வது ஊதியக் குழுக்களின் விதிகளிலும் ஓய்வூதியதாரர்கள் பற்றி குறிப்பிடப்பட்டிருந்ததாக REWA கூறுகிறது.
79
எந்த பதிலும் கிடைக்கவில்லை - REWA
இந்த விஷயம் குறித்து தெளிவுபடுத்தக் கோரி, தாங்கள் ஏற்கெனவே நிதி அமைச்சர் மற்றும் நிதிச் செயலாளரைத் தொடர்பு கொண்டதாகவும், ஆனால் எந்த பதிலும் கிடைக்கவில்லை என்றும் REWA தெரிவித்துள்ளது. இந்த நிச்சயமற்ற தன்மை காரணமாக, ஓய்வூதியதாரர்கள் மத்தியிலும், சமூக வலைதளங்களிலும் இது ஒரு பெரிய விவாதப் பொருளாக மாறியுள்ளது.
89
பணி வரம்புகளை (ToR) திருத்த வேண்டும்
எனவே, 8வது ஊதியக் குழுவின் பணி வரம்புகளை (ToR) திருத்த வேண்டும் என்று சங்கம் அரசிடம் கோரியுள்ளது. ஜனவரி 1, 2026-க்கு முன் ஓய்வு பெற்ற அனைத்து ஓய்வூதியதாரர்களின் பென்ஷனையும் இந்த கமிஷன் மறுசீரமைக்கப் பரிந்துரைக்கும் என்பதை அதில் தெளிவாகக் குறிப்பிட வேண்டும்.
99
என்ன நடக்குதுனு சொல்லுங்கப்பா.!
மேலும், அதிகாரப்பூர்வ திருத்தம் வரும் வரை, இந்த விவகாரம் குறித்து அரசு ஒரு தெளிவான விளக்கத்தையோ அல்லது பத்திரிகை செய்தியையோ வெளியிட வேண்டும் என்றும் சங்கம் கோரிக்கை விடுத்துள்ளது.
