8வது ஊதியக் குழு வரும் அக்டோபர் மாதம் பெங்களூரு மற்றும் மும்பையில் முக்கிய ஆலோசனைக் கூட்டங்களை நடத்தவுள்ளது. இதில் ஃபிட்மென்ட் ஃபேக்டர் மற்றும் சிவிலியன் அரசு ஊழியர்களுக்கான OROP கோரிக்கைகள் குறித்து முக்கியமாக விவாதிக்கப்பட உள்ளது.
அக்டோபரில் பெங்களூரு, மும்பையில் முக்கிய கூட்டங்கள்
8வது ஊதியக் குழு: நவம்பர் 3, 2025 அன்று 8வது ஊதியக் குழு அமைக்கப்பட்ட பிறகு, அக்டோபர் 3-ம் தேதியுடன் அதற்கு 11 மாதங்கள் நிறைவடையும். இதைத் தொடர்ந்து, அக்டோபர் 7 மற்றும் 22 ஆகிய தேதிகளில் பெங்களூரு மற்றும் மும்பையில் இரண்டு முக்கிய கூட்டங்களை இந்தக் குழு நடத்தவுள்ளது. முன்னதாக செப்டம்பரில் சண்டிகர் மற்றும் புதுச்சேரியில் நடந்த கூட்டங்களின் தொடர்ச்சியாக இந்த ஆலோசனைகள் நடைபெறும்.
210
குறிப்பிட்ட அஜெண்டா எதுவும் அறிவிக்கப்படவில்லை
இந்தக் கூட்டங்களுக்கான குறிப்பிட்ட அஜெண்டா எதையும் 8வது ஊதியக் குழு இதுவரை அதிகாரப்பூர்வமாக அறிவிக்கவில்லை. ஆனாலும், ஃபிட்மென்ட் ஃபேக்டர், சம்பள திருத்தம், படிகள் மற்றும் பென்ஷன் சீர்திருத்தங்கள் ஆகியவற்றை மையமாக வைத்தே முக்கிய கோரிக்கைகள் முன்வைக்கப்படுகின்றன.
310
அரசு ஊழியர்களுக்கான 'ஒரே ரேங்க் ஒரே பென்ஷன்'
லெவல் 1 முதல் 18 வரை உள்ள மத்திய சிவிலியன் அரசு ஊழியர்களுக்கும் 'ஒரே ரேங்க் ஒரே பென்ஷன்' (OROP) முறையைக் கொண்டுவர வேண்டும் என்பது இதில் உள்ள மற்றொரு முக்கிய கோரிக்கையாகும். ஒரே பதவியில் இருந்து வெவ்வேறு காலகட்டங்களில் ஓய்வு பெற்ற ஊழியர்களின் பென்ஷன் தொகையில் உள்ள முரண்பாடுகளைக் குறைக்கும் நோக்கத்திலேயே இந்தக் கோரிக்கை எழுந்துள்ளது.
ஒரே பதவியில் இருந்து, ஒரே அளவிலான பணிக்காலத்தை முடித்து ஓய்வு பெற்றவர்களுக்கு, அவர்கள் எந்த வருடம் ஓய்வு பெற்றிருந்தாலும் சமமான பென்ஷன் கிடைப்பதை OROP உறுதி செய்கிறது. ஆனால் தற்போதைய நடைமுறையில், சம்பளம் மற்றும் பென்ஷன் விதிகளில் தொடர்ந்து ஏற்படும் மாற்றங்களால், ஒரே பதவியில் இருந்து ஓய்வு பெற்றவர்களின் பென்ஷன் தொகையில் பெரிய அளவில் வித்தியாசம் காணப்படுகிறது.
510
OROP நடைமுறை
ஆயுதப் படையினருக்காக 2015-ம் ஆண்டு OROP முறையை அரசு அறிமுகப்படுத்தியது. இதன் பலன்கள் ஜூலை 1, 2014 முதல் முன்தேதியிட்டு அமல்படுத்தப்பட்டன. இதுமட்டுமின்றி, உச்ச நீதிமன்றம் மற்றும் உயர் நீதிமன்றங்களின் ஓய்வுபெற்ற நீதிபதிகள், இந்தியாவின் தலைமை கணக்குத் தணிக்கையாளர் (CAG) ஆகியோருக்கும் பென்ஷனை சமன் செய்யும் நடைமுறை ஏற்கனவே அமலில் உள்ளது.
610
சிவிலியன் பென்ஷனர்களின் முக்கிய கோரிக்கைகள்
சிவிலியன் பென்ஷனர்களின் முக்கிய கோரிக்கைகள் என்னென்ன என்பதைப் பார்ப்போம். சிவிலியன் பென்ஷனர்கள் என்பது ஆயுதப் படைகளில் இல்லாத மற்ற மத்திய அரசு ஓய்வூதியதாரர்களைக் குறிக்கும். சிவிலியன் ஊழியர்களின் பென்ஷன் மற்றும் ஓய்வுக்கால பலன்கள் தொடர்பாக 'அகில இந்திய பாதுகாப்பு ஊழியர் சம்மேளனம்' (AIDEF) பல முக்கிய கோரிக்கைகளை முன்வைத்துள்ளது.
710
OROP கட்டமைப்பின் முக்கிய அம்சங்கள்
AIDEF முன்மொழிந்துள்ள OROP கட்டமைப்பின் முக்கிய அம்சங்கள் என்னென்ன?
நோஷனல் ஃபிக்சேஷன் - பழைய பென்ஷனை, அந்தந்த பதவிக்கான திருத்தப்பட்ட புதிய சம்பளத்தோடு இணைப்பது.
ஒரே பதவி/நிலை - ஓய்வு பெறும்போது எந்தப் பதவியில் இருந்தார்கள் என்பதைக் கருத்தில் கொள்வது.
கெரியர் ப்ரோக்ரெஷன் - இன்கிரிமென்ட் மற்றும் பதவி உயர்வுகளைக் கணக்கில் எடுத்துக்கொள்வது.
பதவி உயர்வு - பிற்காலத்தில் அந்தப் பதவியில் ஏற்படும் மாற்றங்கள் அல்லது மேம்படுத்தல்களை (upgradation) கவனிப்பது.
பென்ஷன் அடிப்படை - நிர்ணயிக்கப்பட்ட 'நோஷனல் பென்ஷன் தகுதியுள்ள சம்பளத்தில்' 50 சதவீதத்தை பென்ஷனாக வழங்க வேண்டும் என AIDEF பரிந்துரைத்துள்ளது.
குறிப்பு: இந்தக் கோரிக்கைகள் உதாரணத்திற்காக மட்டுமே. முழுமையான விவரங்களுக்கு ஊழியர் சங்கத்தின் அதிகாரப்பூர்வ அறிவிப்பைப் பார்க்கவும்.
810
பென்ஷன் குறித்து AIDEF-ன் கோரிக்கைகள் என்ன?
பென்ஷனை சமன் செய்யும்போது, ஊழியர்கள் ஓய்வு பெற்ற காலத்தில் இருந்த பழைய சம்பள விகிதத்தை மட்டும் பார்க்கக் கூடாது. அதற்குப் பதிலாக, அடுத்தடுத்த ஊதியக் குழுக்களின் பரிந்துரைகளால் சம்பள விகிதத்தில் ஏற்பட்ட தொடர்ச்சியான மாற்றங்களையும் (நோஷனல் ப்ரோக்ரெஷன்) கணக்கில் எடுத்துக்கொள்ள வேண்டும் என AIDEF வலியுறுத்துகிறது.
910
ஊழியர் சங்கத்தின் பரிந்துரை
ஓய்வு பெறும்போது இருந்த பதவி, இன்கிரிமென்ட், பதவி உயர்வு மற்றும் பிற்காலத்தில் அந்தப் பதவியில் செய்யப்பட்ட மாற்றங்கள் ஆகிய அனைத்தையும் 8வது ஊதியக் குழு கருத்தில் கொள்ள வேண்டும் என ஊழியர் சங்கம் பரிந்துரைத்துள்ளது. மேலும், குறைந்தபட்ச பென்ஷன் விதிகளுக்கு உட்பட்டு, நிர்ணயிக்கப்பட்ட 'நோஷனல் பென்ஷன் தகுதியுள்ள சம்பளத்தில்' 50 சதவீதத்தை பென்ஷனாக வழங்க வேண்டும் எனவும் கோரியுள்ளது.
1010
8வது ஊதியக் குழுவின் இறுதி அறிக்கை
8வது ஊதியக் குழு அமைக்கப்பட்டு 18 மாதங்களுக்குப் பிறகு, அதாவது 2027 மே-ஜூன் மாத வாக்கில் அதன் இறுதி அறிக்கை தாக்கல் செய்யப்படும் என எதிர்பார்க்கப்படுகிறது. நீதிபதி ரஞ்சனா பிரகாஷ் தேசாய் தலைமையிலான இந்தக் குழு, தனது இறுதி அறிக்கையை மத்திய அரசிடம் சமர்ப்பிக்கும். இந்தக் கோரிக்கைகள் ஏற்கப்பட்டால், சிவிலியன் பென்ஷனர்கள் மத்தியில் உள்ள பென்ஷன் முரண்பாடுகள் பெருமளவு குறையும்.
