துபாய் அரசு இந்தியர்களுக்கு ரூ.23 லட்சத்தில் வாழ்நாள் குடியிருப்பு வழங்கும் கோல்டன் வீசா திட்டத்தை அறிமுகம் செய்துள்ளது. முதலீடு தேவையில்லை, குடும்பத்துடன் செல்லலாம்
துபாய் அரசு தற்போது இந்தியர்களுக்கு வாழ்நாள் குடியிருப்பு வழங்கும் திட்டத்தை அறிமுகம் செய்துள்ளது. ரூ.23 லட்சம் செலவில் எந்தவித முதலீடும் தேவையில்லாமல் இந்த கோல்டன் வீசா பெறலாம். இது மிகப்பெரிய அளவில் புதிய வாழ்க்கைத் தரம், தொழில் வாய்ப்பு மற்றும் குடும்ப வசதிகளை தரும் என நிபுணர்கள் தெரிவித்துள்ளனர்.
26
எந்த முதலீடும் தேவையில்லை
பொதுவாக பிற நாடுகளில் குடியிருப்பு அனுமதி பெற, மிகப்பெரிய அளவில் சொத்து முதலீடு அல்லது பங்குகள் வாங்குதல் தேவைப்படுகிறது. ஆனால் துபாய் கோல்டன் வீசா திட்டத்தில், இதுபோன்ற கட்டாயங்கள் எதுவும் இல்லை. ரூ.23 லட்சம் செலவு செய்தால் மட்டும் போதும். இதனால், பலர் தங்கள் குடும்பத்துடன் வாழ்நாள் தங்க திட்டத்தை ஆராய்ச்சி செய்யத் தொடங்கியுள்ளனர்.
36
குடும்பத்தையும் தொழிலையும் கொண்டு செல்லலாம்
இந்த விசா பெற்றவர்கள் தங்களுடன் குடும்ப உறுப்பினர்களை அழைத்துச் செல்லலாம். மேலும், தனியார் ஊழியர்கள், வேலைப்பார்வையாளர்கள் ஆகியோரையும் கொண்டு செல்லும் உரிமை உண்டு. துபாயில் தனித்தொழில் தொடங்கலாம் அல்லது வேறு நிறுவனங்களில் வேலை செய்யலாம் என்றதும் பெரிய வசதியாகும்.
இந்தியாவில் உயர்வருமானம் கொண்டவர்கள், கல்வி மற்றும் தொழில் வாய்ப்புகளுக்காக வெளிநாட்டில் குடியேறும் எண்ணிக்கை ஏற்கனவே அதிகரித்துள்ளது. இப்போது இத்தகைய விசா வாய்ப்பு அவர்களின் வெளியேறும் எண்ணத்தை இன்னும் அதிகரிக்கும் என பொருளாதார நிபுணர்கள் கவலை தெரிவித்துள்ளனர். இது திறமையான மனித வள இழப்புக்கு காரணமாகலாம் என்று அவர்கள் குறிப்பிட்டுள்ளனர்.
56
விண்ணப்ப நடைமுறை எளிதானது
இந்த விசா பெறுவதற்கான விண்ணப்ப நடைமுறை மிக எளிமையாகவும், நேரடியாகவும் உள்ளது. துபாய் அரசின் அதிகாரப்பூர்வ இணையதளம் அல்லது அங்கீகரிக்கப்பட்ட ஏஜென்சி மூலம் விண்ணப்பிக்கலாம். தேவையான ஆவணங்களைச் சமர்ப்பித்த பின்பு, சில வாரங்களில் அனுமதி வழங்கப்படும் என்று அதிகாரிகள் தெரிவித்துள்ளனர்.
66
ஒரு வரப்பிரசாதமா? கவலையா?
ஒருபுறம் இது வாழ்க்கை தரம் உயர்த்தும் மிகப்பெரிய வாய்ப்பாகவே இருக்கிறது. நல்ல சுகாதாரம், வருமான வாய்ப்பு, குழந்தைகளுக்கான கல்வி ஆகியவையும் இங்கு ஈர்ப்பு தருகின்றன. ஆனால், நாட்டின் திறமைகள், தொழில் மூலதனங்கள் வெளியில் செல்லும் அபாயம் இருந்தே இருக்கிறது என்பதும் உண்மை.
வணிகம் (Business Ideas in Tamil), வங்கிகள் (Banking News), நிதி, இந்திய பொருளாதாரம் , உலக சந்தை, பங்கு சந்தை, முதலீடு உள்ளிட்ட பல்வேறு தகவல்கள் மற்றும் சமீபத்திய நிதி செய்திகள் அனைத்தையும் ஏஷ்யாநெட் தமிழ் நியூஸில் படிக்கலாம்.
