ஒரு மாதத்திற்கு இலவசமாக பயணிக்கலாம்!.. டோல் பிளாசாவில் கிடைக்கும் இலவச சேவைகள் தெரியுமா?

தினமும் டோல் கட்டணம் செலுத்தி வருகிறீர்களா? மாதம் முழுவதும் டோல் கட்டணம் இல்லாமல் செல்லலாம் என்று சொன்னால் நம்புவீர்களா? மேலும், டோல் பிளாசாக்களில் குடிநீர், கழிப்பறை, முதலுதவி போன்ற இலவச சேவைகளும் கிடைக்கும்.

டோல் வரி விலக்கு

தேசிய நெடுஞ்சாலைகளிலும், மாநில நெடுஞ்சாலைகளிலும் தினமும் லட்சக்கணக்கான வாகனங்கள் டோல் பிளாசாக்கள் வழியாக செல்கின்றன. பொதுவாக ஒவ்வொரு வாகனமும் கட்டணம் செலுத்த வேண்டியது கட்டாயம். ஆனால் சிலர் மாதத்திற்கு வெறும் ரூ.340 செலுத்தி, ஒரு மாதம் முழுவதும் அந்த டோல் பிளாசாவை எத்தனை முறை வேண்டுமானாலும் கடக்கலாம் என்பது பலருக்கும் தெரியாத தகவல். இது விஐபிகளுக்கான சலுகை அல்ல. சாதாரண மக்களுக்கே வழங்கப்படும் சிறப்பு அனுமதி தான்.

டோல் மாத பாஸ் திட்டம்

இந்த ரூ.340 மாத பாஸ், டோல் பிளாசாவிற்கு 20 கிலோமீட்டர் சுற்றளவில் வசிப்பவர்களுக்கு மட்டுமே கிடைக்கும். வீட்டிலிருந்து வேலைக்கோ, தொழிலுக்கோ தினமும் இரண்டு அல்லது மூன்று முறை டோல் கடக்க வேண்டியவர்களுக்கு இது பெரும் நிவாரணமாக இருக்கும். தினசரி ரூ.60 முதல் ரூ.100 வரை செலுத்த வேண்டியிருந்தால், மாதத்திற்கு ரூ.2,000–ரூ.3,000 வரை செலவாகும். அதற்கு பதிலாக ரூ.340 செலவில் மாதம் முழுவதும் சுலபமாக பயணம் செய்யலாம்.

தேசிய நெடுஞ்சாலை டோல்

இந்த சலுகை தனியார் வாகனங்களுக்கு மட்டுமே பொருந்தும். டாக்சி, வணிக வாகனங்கள் போன்றவற்றுக்கு இது வழங்கப்படாது. பாஸ் பெற டோல் பிளாசா அலுவலகத்தில் நேரடியாக விண்ணப்பிக்க வேண்டும். ஆதார் அட்டை, மின்சார கட்டண ரசீது அல்லது ரேஷன் கார்டு மூலம் முகவரி சரிபார்ப்பு செய்யப்படும். அதன் பிறகு ரூ.340 கட்டணம் செலுத்தினால், மாதந்திர பாஸ் வழங்கப்படும்.

டோல் பிளாசா சலுகை

டோல் பிளாசாக்களில் கட்டணம் வசூலிப்பதுடன் சில இலவச சேவைகளும் வழங்கப்படுகின்றன. குடிநீர், ஆண்கள் மற்றும் பெண்களுக்கு தனி கழிப்பறை வசதி போன்றவை பயணிகளுக்காக இலவசமாக உள்ளது. சிறிய வாகனம் நிறுத்தும் இடங்கள் அமைக்கப்பட்டுள்ளன, ஆனால் நீண்ட நேரம் நிறுத்தம் செய்ய அனுமதி இல்லை.

டோல் இலவச சேவைகள்

மேலும் அவசர நிலைகளில் முதலுதவி வசதி, ஆம்புலன்ஸ் சேவை, வாகனம் பழுதானால் கிரண் உதவி போன்றவையும் இலவசமாக கிடைக்கும். ஒவ்வொரு டோல் பிளாசாவிலும் உதவி எண் வழங்கப்படும்; அவசர உதவி தேவைப்பட்டால் அதைத் தொடர்புகொள்ளலாம். இந்த தகவல்களை அறிந்திருப்பது பயணிகளை நிதி சுமையிலிருந்து மட்டுமல்ல, அவசர சூழ்நிலைகளிலும் பாதுகாக்கும்.