பழைய தங்கத்தை விற்றால் லாபமா? மாற்றினால் லாபமா? உங்கள் பணத்தை மிச்சப்படுத்தும் ரகசியம் இதோ!

நீங்கள் பழைய தங்கத்தை மாற்றவோ அல்லது விற்கவோ திட்டமிட்டுள்ளீர்களா? இதில் எது உங்களுக்கு அதிக லாபத்தை கொடுக்கும் என்பது குறித்து இந்த செய்தியில் விரிவாக பார்க்கலாம்.

தங்கம் வெறும் ஆபரணமல்ல; கலாசாரம்

இந்தியாவில் தங்கம் என்பது வெறும் ஆபரணம் மட்டுமின்றி நமது கலாசாரத்தின் ஒருபகுதியாகவே மாறி விட்டது. எவ்வளவு விலை உயர்ந்தாலும் தங்கம் மீதான மக்கள் மோகம் குறையாமல் இருப்பதற்கு இதுதான் காரணம். தலைமுறை தலைமுறையாக மக்கள் தங்கத்தை வாங்கி சேமித்து வருகின்றனர். பலர் பழைய நகைகளை அதிகம் வைத்திருப்பார்கள். அந்த நகையை விற்று பணமாக மாற்றலாமா? இல்லை அந்த நகையை மாற்றி விட்டு புது நகை வாங்கலாமா? என அவர்கள் குழப்பத்தில் இருப்பார்கள்.

தங்கத்தின் தரத்தை சரிபாருங்கள்

ஆகவே பழைய தங்கத்தை விற்றால் லாபமா? மாற்றினால் லாபமா? என்பது குறித்து இந்த செய்தியில் பார்க்கலாம். நீங்கள் பழைய தங்கத்தை மாற்றவோ அல்லது விற்கவோ திட்டமிட்டுள்ளீர்களா? என்றால் முதலில் நீங்கள் செய்ய வேண்டிய முக்கிய வேலை தங்கத்தின் தரத்தை சரிபார்ப்பதுதான். ஏனெனில் சமீபத்திய ஆண்டுகளில் தங்கம் வாங்கியிருந்தால் அதில் ஹால்மார்க் முத்திரை இருக்கும். ஆனால் பழைய தங்கத்தில் ஹார்ல்மார்க் முத்திரை இருக்காது.

நகையை விற்கும்போது பணம் குறையும்

உங்களிடம் ஹால்மார்க் முத்திரை உள்ள தங்கம் இருந்தால், நகைக்கடைகாரர்கள் அல்லது நடகுகடைக்காரர்கள் அதிக விலைக்கு வாங்குவார்கள். ஹால்மார்க் இல்லை என்றால் விலை சற்று குறைய வாய்ப்புள்ளது. மேலும் நீங்கள் வாங்கிய விலைக்கு தங்கம் எடுக்கப்பட மாட்டாது. தங்கத்தை உருக்கும்போது ஏற்படும் இழப்பு (Melting loss) மற்றும் மார்க்கெட் விலையில் இருந்து 3% முதல் 5% வரை குறைத்தே பணமாக உங்களுக்கு தருவார்கள்.

நகையை மாற்றி புது நகை வாங்கினால் சிறந்ததா

உதாரணத்துக்கு இன்றைய விலையின்படி ஒரு கிராம் 22 காரட் தங்கத்தின் விலை ரூ.14,680 என வைத்துக்கொள்வோம். நீங்கள் 10 கிராம் தங்கத்தை விற்றால் உங்களுக்கு சுமார் ₹1.35 லட்சம் மட்டுமே கிடைக்கக்கூடும். அதே வேளையில் அந்த 10 கிராம் பழைய தங்கத்தைக் கொடுத்து புதிய நகைகளை எடுக்க விரும்பினால், உங்களுக்கு சுமார் ரூ.1.45 லட்சம் மதிப்புள்ள நகைகள் கிடைக்கும். இதில் சிறிதளவு மட்டுமே சேதாரம் (Wastage) கழிக்கப்படும். நீங்கள் எந்தக் கடையில் நகையை வாங்கினீர்களோ, அங்கேயே மாற்றினால் சேதாரம் குறைவாகக் கணக்கிடப்படும்.

தங்கத்தை விற்றால் லாபமா? மாற்றினால் லாபமா?

மேலும் தங்கம் விலை உச்சத்தில் இருக்கும்போது பழைய நகையை மாற்றினால் உங்களுக்கு அதிக மதிப்பு கிடைக்கும். மேலும் உங்கள் நகை பிஸ்கட் வடிவில் இருந்தால் முழுமையான தொகை கிடைக்கும். இதுமட்டுமின்றி உங்களுக்கு பிடித்தமான புதிய டிசைன் நகையை வாங்கிக் கொள்ள முடியும். ஆகவே பழைய தங்கத்தை விற்று பணமாக்குவதை விட அதனை மாற்றி புதிய நகைகள் வாங்குவதே சிறந்தது. இதுதான் என்றென்றும் உங்களுக்கு லாபகரமாக இருக்கும்.