பெட்டி பெட்டியாக தக்காளி.! மூட்டை மூட்டையாக வெங்காயம்.! லாரியில் குவிந்த காய்கறிகள்! இதோ விலை நிலவரம்?

Tomato and Onion Price: சமையலுக்கு அத்தியாவசியமான தக்காளி மற்றும் வெங்காயத்தின் விலை, வரத்து அதிகரிப்பால் சென்னை கோயம்பேடு சந்தையில் போட்டி போட்டு குறைந்து வருகிறது. 

சமையலுக்கு எவ்வளவு காய்கறிகள் போட்டு செய்தாலும் ருசியை தூக்கிக்கொடுப்பது தக்காளி, வெங்காயம். இவை சமையலுக்கு இன்றியமையாத ஒன்றாக இருந்து வருகிறது. ரசம் முதல் பிரியாணி வரை அனைத்து வகையான சமையலுக்கு உபயோகிப்பதால் இதன் தேவை மிக அதிகமாக உள்ளது. மற்ற காய்றகறிகளை கம்மியாக வாங்கினாலும் பை நிறைய தக்காளி, வெங்காயத்தை வாங்கி செல்வது வழக்கம்.

இதன் காரணமாகவே லாரியில் மூட்டை மூட்டையாக வெங்காயமும், பெட்டி பெட்டியாக தக்காளி சந்தையில் அதிகளவில் குவிந்து வருகின்றது. மேலும் காய்கறிகளின் வரத்தை பொறுத்து விலையும் நிர்ணயிக்கப்படுகிறது. இந்நிலையில் வரத்து அதிகரிப்பால் தக்காளி மற்றும் வெங்காயம் விலை போட்டி போட்டு குறைந்து வருகிறது.

அதன்படி சென்னை கோயம்பேடு காய்கறி சந்தையில் எந்தெந்த காய்கறிகள் விலைகளை பார்ப்போம். பெரிய வெங்காயம் ஒரு கிலோ 22 முதல் 27 ரூபாய்க்கும், சின்ன வெங்காயம் ஒரு கிலோ 50 முதல் 63 ரூபாய்க்கும், தக்காளி ஒரு கிலோ 19 முதல் 24 ரூபாய்க்கும், பச்சை மிளகாய் 55 ரூபாய்க்கும், பீட்ரூட் ஒரு கிலோ 38 முதல் 48 ரூபாய்க்கும், உருளைக்கிழங்கு ஒரு கிலோ 24 முதல் 30 ரூபாய்க்கும், நெல்லிக்காய் 96 முதல் 120, குடைமிளகாய் ஒரு கிலோ 54 முதல் 68 ரூபாய்க்கும், பாகற்காய் ஒரு கிலோ 46 முதல் 57 ரூபாய்க்கும், சுரைக்காய் ஒரு கிலோ 26 முதல் 33 ரூபாய்க்கும் விற்பனையாகிறது.

பட்டர் பீன்ஸ் ஒரு கிலோ 46 முதல் 57 ரூபாய்க்கும், அவரைக்காய் ஒரு கிலோ 38 முதல் 48 ரூபாய்க்கும், முட்டைக்கோஸ் ஒரு கிலோ 25 முதல் 33 ரூபாய்க்கும், கேரட் ஒரு கிலோ 42 முதல் 53 ரூபாய்க்கும், காலிஃபிளவர் 35 முதல் 44 ரூபாய், வெள்ளரிக்காய் ஒரு கிலோ 32 முதல் 41 ரூபாய்க்கும், முருங்கைக்காய் ஒரு கிலோ 72 முதல் 90 ரூபாய்க்கும், கத்திரிக்காய் ஒரு கிலோ 34 முதல் 42 ரூபாய்க்கும் விற்பனையாகிறது.

சேனைக்கிழங்கு ஒரு கிலோ 38 முதல் 48 ரூபாய்க்கும், பீன்ஸ் ஒரு கிலோ 52 முதல் 65 ரூபாய்க்கும், இஞ்சி ஒரு கிலோ 90 முதல் 113 ரூபாய்க்கும், மாங்காய் 48 முதல் 60 ரூபாய்க்கும், வெண்டைக்காய் ஒரு கிலோ 45 ரூபாய்க்கும், பூசணி ஒரு கிலோ 25 முதல் 32 ரூபாய்க்கும், முள்ளங்கி ஒரு கிலோ 30 முதல் 38 ரூபாய்க்கும், பீர்க்கங்காய் ஒரு கிலோ 42 முதல் 53 ரூபாய்க்கும், கோவைக்காய் ஒரு கிலோ 35 முதல் 44 ரூபாய்க்கும் விற்பனை செய்யப்படுகிறது.