Today Gold Rate: ரூ.58,000ஐ நெருங்கும் தங்கம் விலை: விழி பிதுங்கும் நடுத்தர மக்கள்

நாளுக்கு நாள் தங்கம் விலை உயர்ந்து வரும் நிலையில் இன்று ஒரே நாளில் சவரன் ரூ.640 ஏற்றம் கண்டு விற்பனை ஆவதால் பெண்கள் கலக்கம் அடைந்துள்ளனர்.

Gold Rate

இரும்பு, தகரம் போன்று தங்கமும் ஒரு உலோகம் தான் என்றாலும் தங்கம் அணிகலானா இருப்பதால் அதன் மீது பெண்கள் அதிக ஆர்வம் காட்டுகின்றனர். மேலும் பல ஆண்டுகளாக தங்கம் பாதுகாப்பான முதலீடு என்பதை தொடர்ந்து நிரூபித்து வருகிறது. இதனால் அதன் மீதான மோகம் துளியும் குறையாமல் நாளுக்கு நாள் உச்சம் தொட்டு வருகிறது.

Gold Rate

தங்கம் வாங்க அதிக முனைப்பு காட்டுபவர்கள் இரு வகைகளாக உள்ளனர். ஒருவர் சொத்து மதிப்பை உயர்த்தும் நோக்கில் தங்கத்தை வாங்கி அடுக்குகிறார். மற்றொருவர் அழகியலுக்காக ஆபரணத் தங்கத்தை வாங்கிக் குவிக்கிறார். இந்நிலையில் நாட்டில் தங்கம் விலை நாளுக்கு நாள் மாற்றம் கண்டு வருகிறது. சில தினங்களுக்கு முன்பு வரை தங்கத்தின் விலை கணிசமாகக் குறைந்த நிலையில் தற்போது மீண்டும் ஏற்றம் கண்டு வருகிறது. 

Gold Rate

இதனிடையே தற்போது ஆயுத பூஜை, விஜயதசமி, தீபாவளி பண்டிகை, கிறிஸ்துமஸ், புத்தாண்டு என அடுத்தடுத்து பண்டிகைகள் வரிசை கட்டி வருவதால் தற்போது தங்கத்தின் விலை அசுர வேகத்தில் உயர்ந்து வருகிறது. அந்த வகையில் இன்று ஆபரணத் தங்கம் கிராம் ஒன்றுக்கு ரூ.80 உயர்ந்து ரூ.7,240க்கு விற்பனை செய்யப்படுகிறது. 

Gold Rate

மேலும் ஆபரண தங்கம் சவரனுக்கு ரூ.640 உயர்ந்து 1 சவரன் தங்கம் ரூ.57,920க்கு விற்பனை செய்யப்படுகிறது. நேற்று முன்தினம் தங்கம் சவரன் ரூ.57,120 என்று இருந்த நிலையில் இரு தினங்களில் ரூ.57,920ஐ தொட்டுள்ளது. இது அடுத்த ஓரிரு தினங்களில் ரூ.58,000ஐ கடக்கும் என்று எதிர்பார்க்கப்படுகிறது. தங்கத்தின் தொடர் விலை அதிகரிப்பால் நகை பிரியர்கள் கலக்கத்தில் உள்ளனர்.