தங்கம் விலை இதுவரை இல்லாத புதிய உச்சத்தை எட்டியுள்ளது. ஒரு கிராம் தங்கத்தின் விலை ரூ.45 உயர்ந்து ரூ.7,140 ஆக உள்ளது. சென்னையில் ஒரு சவரன் தங்கம் ரூ.57,120 விலையில் விற்கப்படுகிறது.
கடந்த சில நாட்களாக ஏறுமுகமாக உள்ள தங்கத்தின் விலை இன்று புதிய உச்சத்தை எட்டியிருக்கிறது. ஒரு கிராம் ஆபரணத் தங்கத்தின் விலை ரூ.57,000 ஐக் கடந்துள்ளது.
சென்னையில் 22 காரட் ஆபரணத் தங்கத்தின் விலை கிராமுக்கு 45 ரூபாய் உயர்ந்துள்ளது. ஒரு கிராமுக்கு ரூ.7,140 விலையில் விற்பனை செய்யப்படுகிறது.
சென்னையில் 22 காரட் ஆபரணத் தங்கம் ஒரு சவரன் ரூ.57,120 விலையில் விற்கப்படுகிறது. தங்கத்தின் விலை முதல் முறையாக 57 ஆயிரத்தைத் தாண்டியுள்ளது.
வெள்ளியின் விலையில் மாற்றம் இல்லாமல் உள்ளது. சென்னையில் ஒரு கிராம் வெள்ளி 103 ரூபாய்க்கு விற்பனை செய்யப்படுகிறது.
கடந்த இரண்டு நாட்களாக கச்சா எண்ணெய் விலை குறைந்து வருகிறது. அமெரிக்காவில் பத்து ஆண்டுகளுக்கான கடன் பத்திரங்கள் கிட்டத்தட்ட நான்கரை சதவீதம் சரிவைச் சந்தித்துள்ளன. இதுபோன்ற காரணங்களால் முதலீட்டாளர்கள் பாதுகாப்பான முதலீடாக இருக்கும் தங்கத்தில் முதலீடு செய்கிறார்கள். இது தங்கம் விலை உயரக் காரணமாகக் கருதப்படுகிறது.
அண்மையில், சீனாவில் முதலீட்டாளர்களுக்கு ஊக்க சலுகைகள் அறிவிக்கப்பட்டன. அதன் எதிரொலியாக கடந்த சில நாட்களாக சீனப் பங்குச்சந்தையில் ஏற்றம் காணப்பட்டது. ஆனால், ஊக்க சலுகைகளால் பெரிய நன்மை கிடைக்காது எனக் கருதும் முதலீட்டாளர்கள் பலர் பங்குகளை விற்கத் தொடங்கியுள்ளனர். அவர்களும் மாற்று முதலீடாக தங்கத்தைத் தேர்வு செய்கின்றனர். இதுவும் தங்கத்தின் விலையில் தாக்கம் செலுத்தி இருப்பதாகக் கருதப்படுகிறது.
சேனலை கிளிக் செய்து பின்தொடரவும்