ரூ.10,000 போதும்.. சொந்த தொழில் தொடங்கலாம்! வருமானம் கொட்டும்!!

ரூ.10,000-க்கும் குறைவான முதலீட்டில் தொடங்கக்கூடிய சிறு தொழில் வாய்ப்புகள் என்னென்ன என்பதை இக்கட்டுரையில் விரிவாக பார்க்கலாம். இதன் மூலம் ஆபத்து இல்லாமல் வருமானம் ஈட்டலாம்.

ரூ.10,000 பிசினஸ் ஐடியா

குறைந்த முதலீட்டில் சொந்தமாக ஒரு தொழிலைத் தொடங்க வேண்டும் என்பது இன்று பலரின் கனவாக உள்ளது. ரூ.10,000க்குள் தொடங்கக்கூடிய சிறு தொழில்கள், பெரிய ஆபத்து இல்லாமல் வருமானம் தரக்கூடிய வாய்ப்புகளை உருவாக்குகின்றன. மாணவர்கள், வீட்டிலிருக்கும் பெண்கள், ஓய்வு நேரத்தில் கூடுதல் வருமானம் தேடுபவர்கள் என அனைவருக்கும் இதுபோன்ற தொழில்கள் ஏற்றவை. சரியான திட்டமிடல் மற்றும் தொடர்ச்சியான முயற்சி இருந்தால், சிறிய தொடக்கம் பெரிய வளர்ச்சியாக மாற முடியும்.

முதலாவது நல்ல தேர்வு வீட்டிலேயே உணவு தயாரித்து விற்பனை செய்வது. வீட்டுச் சங்கத்திற்கு எப்போதும் வரவேற்பு இருப்பதால், இட்லி–தோசை மாவு, சாம்பார், சட்னி, ஸ்நாக்ஸ் போன்றவற்றை தயாரித்த அருகிலுள்ள கடைகள் அல்லது நேரடி வாடிக்கையாளர்களுக்கு விற்கலாம். ஆரம்ப மூலப்பொருட்கள் மற்றும் பாத்திரங்களுக்கு ரூ.5,000 முதல் ரூ.8,000 வரை போதுமானது. சுவை மற்றும் சுத்தம் இருந்தால் வாடிக்கையாளர்கள் தானாகவே அதிகரிப்பார்கள்.

குறைந்த முதலீட்டு தொழில்

இரண்டாவது, மொபைல் ரீசார்ஜ் மற்றும் ஆன்லைன் சேவை மையம் தொடங்கலாம். ரீசார்ஜ், மின்சாரம், கேஸ், DTH பில் கட்டணம், ஆன்லைன் விண்ணப்பங்கள் போன்ற சேவைகள் மூலம் கமிஷன் வருமானம் பெற முடியும். ஒரு ஸ்மார்ட்போன், இணைய இணைப்பு மற்றும் அடிப்படை அறிவு இருந்தால் இந்த தொழிலை எளிதில் நடத்தலாம். குறிப்பாக கிராமப்புறங்களில் இதற்கு நல்ல தேவை உள்ளது.

மூன்றாவது, சுற்றுச்சூழலுக்கு ஏற்ற பொருட்கள் தயாரிப்பு. பேப்பர் கவர்கள், துணி பைகள் போன்றவற்றுக்கு இன்றைக்கு அதிக வரவேற்பு உள்ளது. காகிதம், துணி மற்றும் பிரிண்டிங் செலவுகள் சேர்த்து ரூ.7,000–ரூ.10,000 முதலீட்டில் இந்தத் தொழிலைத் தொடங்கலாம். அருகிலுள்ள கடைகள், மார்க்கெட்டுகளில் நேரடியாக விற்பனை செய்ய முடியும்.

நான்காவது, வீட்டுத் தோட்டம் மற்றும் சிறு விவசாய முயற்சி. சிறிய இடத்திலேயே கீரைகள், மூலிகைகள், மிளகாய் போன்றவற்றை வளர்த்து விற்கலாம். விதைகள், குடுவைகள், மண் உள்ளிட்டவற்றுக்கு குறைந்த செலவுதான். இது குடும்ப தேவைகளையும் பூர்த்தி செய்து, கூடுதல் வருமானத்தையும் தரும்.