வங்கிகளில் நிரந்தர வைப்புநிதி திட்டங்களிலும் தொடர் வைப்புநிதி திட்டங்களிலும் வழங்கப்படும் வட்டி விகிதங்கள் 10% வரை உயர்ந்துள்ளன. ரிசர்வ் வங்கி கடந்த ஆண்டு முதல் ரெப்போ வட்டி விகித்ததை உயர்த்தி வருவதே இதற்குக் காரணமாக உள்ளது.
மே 2023 இல், சூர்யோதய் சிறு நிதி வங்கி (Suryoday Small Finance Bank) மூத்த குடிமக்களுக்கான 5 ஆண்டு வைப்புநிதி திட்டங்கள் மீது 9.6% வட்டியை அறிவித்தது. இது கிட்டத்தட்ட 10% ஆகும். யூனிட்டி சிறு நிதி வங்கி (Unity Small Finance Bank) மூத்த குடிமக்களுக்கு 9.5% வட்டியை வழங்குகிறது. இந்த வங்கிகளில் பொது குடிமக்களுக்கான அதிகபட்ச வட்டிவிகிதமும் 9% ஆகும்.
இந்த வங்கியில் 5 வருட தொடர் வைப்புநிதி திட்டத்தில் முதலீடு செய்யும் மூத்த குடிமக்களுக்கு 9.6% வட்டி வழங்கப்படுகிறது. முதியோர் அல்லாத மற்றவர்களும் 9.1% வட்டி பெறலாம். மூத்த குடிமக்கள் 5 ஆண்டுகளில் ரூ.3.85 லட்சம் ஈட்டலாம்.
யூனிட்டி வங்கி மூத்த குடிமக்களுக்கு 1001 நாட்கள் முதலீட்டுக்கு 9.5% வட்டி வழங்குகிறது. 5 வருட டெபாசிட்டுகளுக்கு, மூத்த குடிமக்களுக்கு யூனிட்டி வங்கி 8.15% வட்டி வழங்குகிறது. மற்றவர்கள் 1001 நாட்களுக்கான டெபாசிட்டுகளுக்கு 9% வட்டியும், 5 வருட தொடர் வைப்புநிதி திட்டத்தில் 7.65% வட்டியும் பெறலாம். மூத்த குடிமக்களுக்கு 5 ஆண்டுகளில் ரூ.3.7 லட்சம் கிடைக்கும்.
பாரத ஸ்டேட் வங்கி (SBI) மூத்த குடிமக்களுக்கு 5 வருட தொடர் வைப்புநிதி திட்டத்தில் 7.5% வட்டி வழங்குகிறது. மற்றவர்கள் 6.6% வட்டி பெறலாம். மூத்த குடிமக்கள் 5 ஆண்டுகள் முடிவில் ரூ.3.6 லட்சம் முதிர்வுத் தொகை பெறலாம்.
ஹெச்டிஎப்சி வங்கி மூத்த குடிமக்களுக்கு 5 வருட தொடர் வைப்புநிதி திட்டத்தில் 7.5% வட்டி வழங்குகிறது. மற்றவர்கள் தொடர் வைப்புநிதி திட்டத்தில் 7% வட்டி பெறலாம். 5 ஆண்டுகளில் மூத்த குடிமக்களுக்கு சுமார் ரூ 3.6 லட்சம் முதிர்வுத்தகை கிடைக்கும். 10 ஆண்டுகள் முதலீடு செய்யும் மூத்த குடிமக்களுக்கு 0.25% கூடுதலாக 7.75% வட்டி கிடைக்கும்.
ஐசிஐசிஐ வங்கி மூத்த குடிமக்களுக்கு 5 ஆண்டு தொடர் வைப்புநிதி திட்டத்தில் 7.5% வட்டியை வழங்குகிறது. மற்றவர்கள் 5 வருட தொடர் வைப்புநிதி திட்டத்தில் 6.9% வட்டி பெறலாம். இந்த வங்கியில் மூத்த குடிமக்கள் முதலீடு செய்தால் 5 ஆண்டுகளில் சுமார் 3.6 லட்சம் கிடைக்கும்.