தொலைதூரப் பயணங்களின் போது உணவு முக்கிய பங்கு வகிக்கிறது. சரியான உணவுத் திட்டமிடல் இல்லாதது உடல் நலப் பிரச்சினைகளை ஏற்படுத்தும். இந்தப் பிரச்சினைகளைத் தவிர்க்க, சப்பாத்தி, சோள ரொட்டி, உலர் பழங்கள் மற்றும் வீட்டில் தயாரிக்கப்பட்ட சிற்றுண்டிகளை உணவில் சேர்த்துக் கொள்ள பரிந்துரைக்கப்படுகிறது.
சிலர் பயணம் செய்ய அடிக்கடி விரும்புவார்கள். அதனால் தான் எவ்வளவு தூரம் சென்றாலும் பயணத்தை ரசிக்கிறார்கள். தொலைதூரப் பயணம் எளிதானது அல்ல. ஏனென்றால், இத்தனை நாட்களாக நாம் உண்ணும் உணவில் இருந்து குடிக்கும் தண்ணீர் வரை அனைத்தையும் வெளியில் இருந்து எடுக்க வேண்டும் என்ற நிலை ஏற்படும்.
இது நமது ஆரோக்கியத்தில் பல்வேறு விளைவுகளை ஏற்படுத்துகிறது. இது பல பிரச்சனைகளுக்கு வழிவகுக்கிறது. பயணத்தைத் தொடங்கும் முன் சில முக்கியமான முன்னெச்சரிக்கை நடவடிக்கைகளை மேற்கொண்டால், உங்கள் பயணம் இனிமையாகவும், ஆரோக்கியமாகவும் இருக்கும்.
பயணத்திற்கு முன் நீண்ட சேமிப்பு உணவை பேக் செய்யவும். நீங்கள் ரயிலிலோ அல்லது விமானத்திலோ பயணம் செய்யும்போது நீங்கள் விரும்பும் உணவை உங்களுடன் எடுத்துச் செல்லலாம். பசிக்கும் போது சாப்பிடலாம். இவற்றில், சப்பாத்தி மற்றும் சோள ரொட்டி மிகவும் நல்ல சாய்ஸ் ஆக இருக்கும்.
இவை இரண்டையும் 2-3 நாட்கள் வைத்திருக்கலாம். அதேபோல தண்ணீர் சேர்க்காமல் சட்னியோ, ஊறுகாயோ இதற்கு ஏற்றாற்போல செய்து எடுத்துச் செல்லலாம். மற்ற தின்பண்டங்களை காலை உணவோடு சேர்த்து சாப்பிடலாம். வீட்டில் பொரித்த தின்பண்டங்களை பயணத்தின்போது சாப்பிடலாம்.
ஆனால் அதிகமாக சாப்பிட வேண்டாம். பயணத்தின் போது அது நல்லதல்ல. ஆரோக்கியமான, சுவையான உணவைத் தேர்ந்தெடுக்க மறக்காதீர்கள். அளவாக சாப்பிடுவது அவசியம் ஆகும். பொரித்த உணவுகளை விரும்புபவர்கள் உருளைக்கிழங்கிற்கு பதிலாக வாழைப்பழ சிப்ஸ் சாப்பிடலாம்.
ஏனெனில் அவை அதிக நேரம் புத்துணர்ச்சியுடன் இருக்கும். ஆனால் வீட்டிலேயே செய்து எடுத்துச் செல்வது நல்லது ஆகும். மக்கானா, வால்நட், பாதாம், திராட்சை, முந்திரி போன்ற பல்வேறு வகையான உலர் பழங்கள் விதைகளை சிறிது உப்பு மற்றும் மிளகு சேர்த்து நெய்யில் வறுத்தால் மிகவும் சுவையாக இருக்கும்.
அல்லது அவற்றை அப்படியே எடுத்துக் கொள்ளலாம். இவை ஆரோக்கியமான உணவுகள் மற்றும் ஜங்க் உணவுகளை சாப்பிடாமல் இந்த உலர் பழங்களை உட்கொள்வது ஆரோக்கியத்தை பராமரிப்பதில் முக்கிய பங்காற்றுகிறது. எனவே மேற்கொண்ட உணவுகளை ரயில் பயணத்தின்போது மறக்காமல் எடுத்து செல்லுங்கள்.
சேனலை கிளிக் செய்து பின்தொடரவும்