ஜூன் மாதத்தில் 10 நாள் வங்கி விடுமுறை... ரிசர்வ் வங்கி பட்டியல் வெளியீடு

Bank Holidays in June 2026 : ஜூன் மாதத்திற்கான வங்கி விடுமுறைப் பட்டியலை ரிசர்வ் வங்கி வெளியிட்டுள்ளது. நாடு தழுவிய மற்றும் பிராந்திய விடுமுறைகள் காரணமாக பல நாட்கள் வங்கிகள் மூடப்பட்டிருக்கும். விடுமுறை பட்டியலை பார்க்கலாம்.

ஜூன் வங்கி விடுமுறை

ஜூன் மாதம் தொடங்க உள்ள நிலையில், வங்கி வாடிக்கையாளர்கள் கவனிக்க வேண்டிய முக்கிய தகவல் வெளியாகியுள்ளது. ஒவ்வொரு மாதமும் போல, ஜூனிலும் தேசிய, மத மற்றும் பிராந்திய விடுமுறைகள் காரணமாக வங்கி சேவைகளில் மாற்றங்கள் இருக்கும். இதற்கான அதிகாரப்பூர்வ விடுமுறை பட்டியலை இந்திய ரிசர்வ் வங்கி வெளியிட்டுள்ளது. அதன்படி, நாடு முழுவதும் பல நாட்களில் வங்கி கிளைகள் செயல்படாது.

வங்கி சேவை அப்டேட்

வங்கிகள் மூடப்பட்டாலும், டிஜிட்டல் சேவைகள் தொடர்ந்து இயங்கும் என்பது வாடிக்கையாளர்களுக்கு முக்கிய நிம்மதியாகும். யூபிஐ பரிவர்த்தனை, மொபைல் வங்கி, இணைய வங்கி மற்றும் ஏடிஎம் சேவைகள் வழக்கம்போல கிடைக்கும். இருப்பினும், பணம் வைப்பு, காசோலை பரிமாற்றம், கிளை சேவை அல்லது ஆவணச் சரிபார்ப்பு போன்ற பணிகள் கிளைகளில் மட்டுமே செய்ய முடியும் என்பதால், அவசர வங்கி வேலைகளை முன்கூட்டியே திட்டமிடுவது அவசியம்.

ஜூன் வங்கி லிஸ்ட்

ஜூன் மாத வார விடுமுறைகள் முக்கிய பங்கு வகிக்கின்றன. ஞாயிற்றுக்கிழமைகள் மற்றும் மாதத்தின் இரண்டாவது, நான்காவது சனிக்கிழமைகளில் வங்கிகள் மூடப்படும். இதனுடன், மொஹரம் பண்டிகை காரணமாக நாடு தழுவிய விடுமுறையும் அமலில் இருக்கும். மேலும் சில மாநிலங்களில் உள்ளூர் மற்றும் பிராந்திய விழாக்களை முன்னிட்டு தனித்தனி விடுமுறைகளும் அறிவிக்கப்பட்டுள்ளன.

வங்கி மூடும் நாட்கள்

ஜூன் 7, 14, 21 மற்றும் 28 ஆகிய தேதிகளில் ஞாயிற்றுக்கிழமைகள் என்பதால் வங்கிகள் மூடப்படும். ஜூன் 13 மற்றும் 27 இரண்டாவது மற்றும் நான்காவது சனிக்கிழமைகள். ஜூன் 26 மொஹரம் பண்டிகை காரணமாக நாடு முழுவதும் விடுமுறை. மேலும், ஜூன் 15 அன்று ஒடிசா மாநிலத்தில் ‘ராஜா சங்கராந்தி’, ஜூன் 17 அன்று மிசோரம் மற்றும் ஹரியானாவில் பிராந்திய நிகழ்வுகளை முன்னிட்டு வங்கிகள் மூடப்படும். எனவே, ஜூன் மாதத்தில் கிளை சார்ந்த வங்கி சேவைகளை பயன்படுத்த நினைப்பவர்கள் விடுமுறை பட்டியலை கவனமாக பார்த்து திட்டமிடுவது நல்லது.