PPF Scheme: மாசம் ரூ.12,500 மட்டும் போதும்.. ரூ.43 லட்சம் சொளையா கிடைக்கும் போஸ்ட் ஆபீஸ் சூப்பர் திட்டம்

PPF Scheme: எதிர்காலத்துக்காக பாதுகாப்பா முதலீடு செய்யணுமா? அப்போ போஸ்ட் ஆபீஸ் பொது வருங்கால வைப்பு நிதி (PPF) ஒரு சூப்பர் சாய்ஸ். மார்க்கெட் ரிஸ்க் இல்லாம, ஒழுங்கா முதலீடு செஞ்சா 15 வருஷத்துல ரூ.43 லட்சம் வரை சேர்க்கலாம்.

போஸ்ட் ஆபீஸ் திட்டம்

பொது வருங்கால வைப்பு நிதி (PPF) கணக்குல ஒரு நிதி ஆண்டுக்கு அதிகபட்சமா ரூ.1.5 லட்சம் வரை முதலீடு செய்யலாம். அதாவது, ஒரு நாளைக்கு சுமார் ரூ.411 சேமிச்சா, மாசத்துக்கு ரூ.12,500, வருஷத்துக்கு ரூ.1.5 லட்சம் ஆகும். இதேபோல 15 வருஷம் தொடர்ந்து முதலீடு செஞ்சா, உங்க மொத்த முதலீடு ரூ.22.50 லட்சம். தற்போதைய 7.9% வட்டி விகிதத்தின்படி, மெச்சூரிட்டி சமயத்துல உங்க கைக்கு வட்டியோட சேர்த்து சுமார் ரூ.43.60 லட்சம் கிடைக்கும். இதுல வட்டி மட்டுமே ரூ.21 லட்சம்! ஆனா, வட்டி விகிதங்களை மத்திய அரசு மாற்றி அமைக்க வாய்ப்பு இருக்கு.

பொது வருங்கால வைப்பு நிதி திட்டம்

பொது வருங்கால வைப்பு நிதி ஒரு நீண்ட கால சேமிப்புத் திட்டம். குறைந்தபட்சம் ரூ.500 வெச்சு கணக்கைத் தொடங்கலாம். அதிகபட்சமா வருஷத்துக்கு ரூ.1.5 லட்சம் வரை முதலீடு செய்யலாம். பணத்தை மொத்தமாகவோ அல்லது தவணைகளாவோ கட்டலாம். இதுக்கு கூட்டு வட்டி கிடைக்குறதால, காலம் போகப் போக உங்க பணம் வேகமா வளரும். பிள்ளைகளின் படிப்பு, கல்யாணம், ஓய்வுக்காலம் போன்ற நீண்ட கால தேவைகளுக்கு இந்தத் திட்டம் கச்சிதமா இருக்கும்.

வரிச்சலுகை உண்டு

பொது வருங்கால வைப்பு நிதி முதலீட்டுக்கு சூப்பரான வரிச் சலுகைகளும் இருக்கு. வருமான வரிச் சட்டம் பிரிவு 80C-யின் கீழ், வருஷத்துக்கு ரூ.1.5 லட்சம் வரையிலான முதலீட்டுக்கு வரி விலக்கு உண்டு. இதுல வர்ற வட்டிக்கும் வரி கிடையாது. மெச்சூரிட்டி பணத்துக்கும் வரி கட்டத் தேவையில்லை. அதனாலதான் இதை EEE (Exempt-Exempt-Exempt) திட்டம்னு சொல்றாங்க. இது மத்திய அரசு திட்டம்ங்கிறதால உங்க பணத்துக்கு 100% பாதுகாப்பு.

அவசரத் தேவைக்கு கடன்

பொது வருங்கால வைப்பு நிதி கணக்குல பணம் போட்ட பிறகு, அவசரத் தேவைக்கு கடன் வாங்குற வசதியும் இருக்கு. கணக்கு ஆரம்பிச்ச மூணாவது வருஷத்துல இருந்து ஆறாவது வருஷத்துக்குள்ள, உங்க கணக்குல இருக்குற தொகையில இருந்து கடன் வாங்கிக்கலாம். இப்போ போஸ்ட் ஆபீஸ் சேவைகள் டிஜிட்டல் ஆகிடுச்சு. இந்தியா போஸ்ட் பேமெண்ட்ஸ் பேங்க் (IPPB) மற்றும் DakPay ஆப் மூலமா, வீட்ல இருந்தே பொது வருங்கால வைப்பு நிதி கணக்கை இயக்கலாம். பணம் கட்டுறது, ஸ்டேட்மென்ட் பாக்குறது எல்லாம் மொபைல்லயே செஞ்சுக்கலாம்.