ஏப்ரல் 1 முதல் பான் கார்டு விண்ணப்பிக்கும் முறையில் புதிய விதிகள் அமலுக்கு வந்துள்ளன. விண்ணப்பத்தில் உள்ள பெயர் ஆதார் அட்டையில் உள்ள பெயருடன் சரியாகப் பொருந்த வேண்டும். மேலும் பல விதிகள் கொண்டுவரப்பட்டுள்ளது.
புதிய பான் கார்டு பெற திட்டமிட்டுள்ளவர்களுக்கு முக்கியமான மாற்றங்கள் அமலுக்கு வந்துள்ளன. ஏப்ரல் 1 முதல் பான் கார்டு விண்ணப்பிக்கும் முறை பல புதிய விதிகள் அறிமுகப்படுத்தப்பட்டுள்ளன. இதனால், முன்பு போல எளிதாக விண்ணப்பிக்க முடியாது; சில கூடுதல் ஆவணங்களும் கட்டாயமாக உள்ளன.
25
படிவம் 95-ஐ நிரப்ப வேண்டும்
முன்னதாக பான் கார்டு பெற படிவம் 49A பயன்படுத்தப்பட்டது. ஆனால் இப்போது, இந்திய குடிமக்கள் அனைவரும் படிவம் 93-ஐ பயன்படுத்தி விண்ணப்பிக்க வேண்டும். மேலும், வெளிநாட்டு குடியிருப்பாளர்கள் (குடியிருப்பு இல்லாதவர்கள்) படிவம் 49AA-க்கு பதிலாக படிவம் 95-ஐ நிரப்ப வேண்டும். இந்த மாற்றம் புதிய நடைமுறைக்கு கொண்டு வரப்பட்டுள்ளது.
35
PAN கார்டு பெற கூடுதல் ஆவணங்கள் அவசியம்
முக்கியமாக, முன்பு பான் கார்டுக்கு ஆதார் கார்டு மட்டும் போதுமானதாக இருந்தது. ஆனால் இப்போது அது மட்டும் போதாது. ஆதாருடன் பிறந்த தேதி மற்றும் அடையாளத்தை உறுதி செய்ய கூடுதல் ஆவணங்கள் சமர்ப்பிக்க வேண்டும். பிறப்புச் சான்றிதழ், வாக்காளர் அடையாள அட்டை, 10ம் வகுப்பு சான்றிதழ், ஓட்டுநர் உரிமம், பாஸ்போர்ட் அல்லது அரசு வழங்கிய பிற ஆவணங்கள் இதற்காகப் பயன்படுத்தப்படலாம்.
மேலும், பான் கார்டில் வரும் பெயர், ஆதார் பதிவில் உள்ள பெயருடன் முழுமையாக பொருந்த வேண்டும் என்பது முக்கிய நிபந்தனையாகும். பெயரில் சிறிய வேறுபாடுகள் இருந்தாலும் விண்ணப்பம் நிராகரிக்கப்பட வாய்ப்பு உள்ளது. எனவே, விண்ணப்பிக்கும் முன் உங்கள் விவரங்களை சரிபார்ப்பது அவசியம்.
55
விண்ணப்பிக்கும் முறை
விண்ணப்பிக்கும் முறையும் மிகவும் எளிதாக உள்ளது. NSDL அல்லது UTIITSL இணையதளத்தில் சென்று படிவம் 93-ஐ தேர்வு செய்ய வேண்டும். அதன் பிறகு, பிறந்த தேதி, மொபைல் எண், மின்னஞ்சல் போன்ற தகவல்களை உள்ளிட்டு, ஆதார் எண்ணை சரிபார்ப்பதற்கு வழங்க வேண்டும். தேவையான ஆவணங்களை பதிவேற்றி கட்டணத்தை செலுத்தியவுடன், உங்களுக்கு அங்கீகார எண் வழங்கப்படும். இந்த புதிய நடைமுறையை பின்பற்றி எளிதாக பான் கார்டை பெறலாம்.
வணிகம் (Business Ideas in Tamil), வங்கிகள் (Banking News), நிதி, இந்திய பொருளாதாரம் , உலக சந்தை, பங்கு சந்தை, முதலீடு உள்ளிட்ட பல்வேறு தகவல்கள் மற்றும் சமீபத்திய நிதி செய்திகள் அனைத்தையும் ஏஷ்யாநெட் தமிழ் நியூஸில் படிக்கலாம்.
