Business Ads Free : காசு இல்லையா? கவலை வேண்டாம்! AI உங்க பிசினஸை வைரலாக்கும்!

உங்கள் பிசினஸுக்கு இலவசமாக விளம்பரம் உருவாக்க வேண்டுமா? Google Gemini, Meta AI போன்ற டாப் AI டூல்ஸை பயன்படுத்தி, தரமான போட்டோ, வீடியோ விளம்பரங்களை எப்படி உருவாக்குவது என்று இங்கே பார்க்கலாம்.

பட்ஜெட் இல்லாம பிராண்ட் உருவாக்கலாம்!

இப்போதெல்லாம் ஒரு சின்ன கஃபே முதல் பெரிய ஷாப்பிங் மால் வரை, எல்லா பிசினஸுக்கும் நல்ல விளம்பரம் ரொம்ப முக்கியம். முன்னெல்லாம் இதுக்கு பெரிய பட்ஜெட், பெரிய டீம் தேவைப்பட்டது. ஆனால், இப்போது AI வந்த பிறகு, கதையே மாறிவிட்டது. பைசா செலவில்லாமல், வீட்டில் இருந்தபடியே சூப்பரான விளம்பரங்களை நீங்களே உருவாக்கலாம்.

கூகுள் ஜெமினி (Google Gemini)

போட்டோ, வீடியோ உருவாக்குவதில் Google Gemini இப்போது முன்னணியில் இருக்கிறது. இதில் நீங்கள் டிரெண்டிங்கான ஸ்டைலில் படங்களை உருவாக்கலாம். அதுமட்டுமில்லாமல், 'Google Vids' பயன்படுத்தி சினிமா தரத்தில் வீடியோக்களையும் ரெடி பண்ணலாம். இதற்கு பின்னணி இசை (Soundtrack) சேர்க்கும் ஆப்ஷனும் உள்ளது.

மெட்டா ஏஐ (Meta AI)

சோஷியல் மீடியா மார்க்கெட்டிங்கிற்கு Meta AI ஒரு சிறந்த சாய்ஸ். இது வீடியோக்களுக்கு மியூசிக் சேர்ப்பது, ரீமிக்ஸ் செய்வது, லிப்-சிங்க் போன்ற ஆப்ஷன்கள் மூலம் அசத்தலான ரீல்ஸ் டைப் விளம்பரங்களை உருவாக்க உதவுகிறது. பிரபலமான வசனங்களை வைத்து உங்கள் பிராண்டை விளம்பரப்படுத்த இது ஒரு எளிமையான வழி.

ஒரே நிமிஷத்துல விளம்பரம் ரெடி!

நிறைய AI அப்ளிகேஷன்கள் வெறும் போட்டோக்களை மட்டும் தருவதில்லை, அதற்குத் தேவையான டெக்ஸ்ட் (Text) மற்றும் லோகோவை எங்கே வைக்கலாம் என்றும் ஐடியா கொடுக்கும். உங்கள் பிசினஸ் தேவைக்கு ஏற்ப போட்டோ, வீடியோவைச் சேர்த்து, ஒரே நிமிடத்தில் விளம்பரத்தை ரெடி செய்துவிடலாம்.