LPG Subsidy: சிலிண்டர் வாடிக்கையாளர்களுக்கு முக்கிய அலர்ட்! ஜூன் 30-க்குள் இதை செய்யாட்டி மானியம் கட்?

LPG Subsidy: சிலிண்டர் வாடிக்கையாளர்கள் ஜூன் 30‍ம் தேதிக்குள் e-KYCசெய்யவில்லை என்றால் மானியம் ரத்தாகும் என எச்சரிக்கப்பட்டுள்ளது. வீட்டில் இருந்தே இ-கேஒய்சி செய்வது எப்படி? செய்யலாம் என பார்ப்போம்.

எல்பிஜி சிலிண்டர் வாடிக்கையாளர்களுக்கு மத்திய அரசு உத்தரவு

சர்வதேச அளவில் ஏற்பட்டுள்ள எரிசக்தி விநியோக சவால்களை கருத்தில் கொண்டு, எல்பிஜி சிலிண்டர் விநியோகத்தை முறைப்படுத்தவும், முறைகேடுகளைத் தவிர்க்கவும் பயோமெட்ரிக் முறையிலான ஆதார் இ-கேஒய்சி சரிபார்ப்பை மத்திய அரசு கட்டாயமாக்கியுள்ளது.

முன்னதாக, பிரதான் மந்திரி உஜ்வலா யோஜனா (PMUY) திட்டப் பயனாளிகளுக்கு இது கட்டாயமாக்கப்பட்டிருந்த நிலையில், தற்போது இதுவரை இ-கேஒய்சி செய்யாத அனைத்து எல்பிஜி வாடிக்கையாளர்களும் இந்தச் செயல்முறையை முடிக்க வேண்டும் என்று அமைச்சகம் தெளிவுபடுத்தியுள்ளது. ஏற்கனவே இ-கேஒய்சி செய்துள்ள பொதுவான வாடிக்கையாளர்கள் (Non-PMUY) இதனை மீண்டும் செய்யத் தேவையில்லை.

வீட்டில் இருந்தபடியே இ-கேஒய்சி செய்வது எப்படி?

அதே வேளையில் ஜூன் 30-க்குள் இந்தச் சரிபார்ப்பை முடிக்காவிட்டால், இண்டேன் (Indane), பாரத் (Bharat), மற்றும் ஹெச்பி (HP) கேஸ் வாடிக்கையாளர்களின் மானியம் நிறுத்தப்பட வாய்ப்புகள் அதிகம் உள்ளதாக இந்தியன் ஆயில் நிறுவனம் எச்சரித்துள்ளது. இந்த நிலையில் வீட்டில் இருந்தே இ-கேஒய்சி செய்வது எப்படி? என்பது குறித்து பார்ப்போம்.

இண்டேன், பாரத் மற்றும் ஹெச்பி என மூன்று முக்கிய கேஸ் நிறுவனங்களின் வாடிக்கையாளர்களும் தங்களின் மொபைல் செயலி மூலமாகவே இந்தச் செயல்முறையை எளிதாக முடிக்கலாம்.

இண்டேன் கேஸ் வாடிக்கையாளர்கள் இ-கேஒய்சி செய்வது எப்படி?

* முதலில் கூகுள் பிளே ஸ்டோர் அல்லது ஆப்பிள் ஆப் ஸ்டோரிலிருந்து 'IndianOil One' செயலி மற்றும் 'AadhaarFaceRD' செயலியைப் பதிவிறக்கம் செய்து கொள்ளவும்.

* 'IndianOil One' செயலியைத் திறந்து, உங்களது பதிவு செய்யப்பட்ட மொபைல் எண் மற்றும் மின்னஞ்சல் முகவரியைக் கொண்டு கணக்கைத் தொடங்கவும் (Sign up).

* உங்களது கேஸ் ரசீதில் உள்ள 16 இலக்க எல்பிஜி ஐடியை (LPG ID) இதனுடன் இணைத்தால், உங்களது பயனர் விவரங்கள் திரையில் தோன்றும்.

* முகப்புப் பக்கத்தில் உள்ள 'My Profile' பகுதிக்குச் செல்லவும்.

* விவரங்களைச் சரிபார்த்துவிட்டு, 're-KYC' என்ற விருப்பத்தைத் தேர்வு செய்யவும்.

* திரையில் தோன்றும் நிபந்தனைகளைப் படித்துப் பார்த்து உங்களது ஒப்புதலை வழங்கவும்.

* 'Face Scan' பொத்தானைக் கிளிக் செய்வதன் மூலம் 'AadhaarFaceRD' செயலி வழியாக முகத்தை ஸ்கேன் செய்து சரிபார்ப்பை முடிக்கலாம். (குறிப்பு: உங்களது ஆதார் பயோமெட்ரிக் லாக் செய்யப்பட்டிருந்தால், முதலில் அதை அன்லாக் செய்ய வேண்டும்).

பாரத் கேஸ் வாடிக்கையாளர்கள் இ-கேஒய்சி செய்வது எப்படி?

* முதலில் உங்களது மொபைலில் 'Hello BPCL' செயலியை பதிவிறக்கம் செய்யவும்.

* செயலியைத் திறந்து, பதிவு செய்யப்பட்ட மொபைல் எண்ணை உள்ளிட்டுப் பதிவு செய்யவும்.

* முகப்புப் பக்கத்தில் உள்ள 'e-KYC' என்ற ஆப்ஷனைத் தேர்ந்தெடுக்கவும்.

* உங்களது மொபைல் எண்ணிற்கு வரும் 6 இலக்க ஓடிபி (OTP) எண்ணை உள்ளிட்டுச் சரிபார்க்கவும்.

* விதிமுறைகள் மற்றும் நிபந்தனைகளைப் படித்து ஒப்புதல் அளிக்கவும்.

* 'Proceed' என்பதைக் கிளிக் செய்து, முக அங்கீகார (Face Authentication) செயல்முறையை நிறைவு செய்யவும்.

ஹெச்பி கேஸ் வாடிக்கையாளர்கள் இ-கேஒய்சி செய்வது எப்படி?

* உங்களது மொபைலில் 'HP Pay' மற்றும் 'AadhaarFaceRD' ஆகிய செயலிகளைப் பதிவிறக்கம் செய்யவும்.

* 'HP Pay' செயலியைத் திறந்து, கேஸ் கணக்குடன் இணைக்கப்பட்ட மொபைல் எண்ணை உள்ளிட்டுப் பதிவு செய்யவும்.

* மொபைலுக்கு வரும் ஓடிபி (OTP) மூலம் சரிபார்ப்பை முடிக்கவும்.

* பாதுகாப்பான அணுகலுக்கு 4 இலக்க எம்பிஐஎன் (MPIN) குறியீட்டை உருவாக்கவும்.

* எம்பிஐஎன் மூலம் லாகின் செய்து, லொகேஷன் (Location) அனுமதியை வழங்கவும்.

* 'MY HP' பகுதிக்குச் சென்று 'LPG' என்பதைத் தேர்வு செய்யவும்.

* அங்குள்ள 'e-KYC' ஆப்ஷனைக் கிளிக் செய்து, நிபந்தனைகளைப் படித்து ஒப்புதல் அளிக்கவும்.

* 'Capture Face' என்பதைக் கிளிக் செய்யும்போது, 'AadhaarFaceRD' செயலி இயங்கத் தொடங்கும்.

* திரையில் காட்டும் அறிவுறுத்தல்களின்படி உங்களது முகத்தை ஸ்கேன் செய்து இ-கேஒய்சி செயல்முறையை வெற்றிகரமாக முடிக்கலாம்.

முக்கிய குறிப்பு: மொபைல் செயலி தவிர, வாடிக்கையாளர்கள் தங்களின் கேஸ் விநியோகஸ்தர் (Distributor) அலுவலகத்திற்கு நேரில் சென்றோ அல்லது சிலிண்டர் டெலிவரி செய்யும் ஊழியர்கள் மூலமாகவோ இந்த இ-கேஒய்சி சரிபார்ப்பை இலவசமாக செய்துகொள்ளலாம் என்பது குறிப்பிடத்தக்கது.