Jio Platforms IPO: ரிலையன்ஸ் இண்டஸ்ட்ரீஸின் டிஜிட்டல் சேவை நிறுவனமான ஜியோ பிளாட்ஃபார்ம்ஸ், விரைவில் ஐபிஓ வெளியிட உள்ளது. இதற்கான அனுமதியை சந்தை கட்டுப்பாட்டு அமைப்பான செபியிடமிருந்து (SEBI) பெற்றுள்ளது.
ரிலையன்ஸ் இண்டஸ்ட்ரீஸின் ஜியோ பிளாட்ஃபார்ம்ஸ், தனது பொதுப் பங்களிப்புக்கு (IPO) ஜூன் மாதம் செபியிடம் விண்ணப்பித்தது. தற்போது ஆகஸ்ட் 28 அன்று, செபியிடமிருந்து இறுதி ஒப்புதல் கிடைத்துள்ளதாக தகவல் வெளியாகியுள்ளது. இந்த ஒப்புதல் ஐபிஓ செயல்முறையில் ஒரு முக்கிய படியாகும்.
25
ஜியோ பிளாட்ஃபார்ம்ஸ் ஐபிஓ
ஜியோ பிளாட்ஃபார்ம்ஸ் இந்த ஐபிஓ மூலம் சுமார் 4 பில்லியன் டாலர், அதாவது கிட்டத்தட்ட ரூ.37,700 கோடியை திரட்ட இலக்கு வைத்துள்ளது. நிறுவனத்தின் மதிப்பு சுமார் 137 பில்லியன் டாலர்களாக கணக்கிடப்பட்டுள்ளது. இந்த மதிப்பீட்டில் ஐபிஓ நடந்தால், இதுவே இந்தியாவின் மிகப்பெரிய பொதுப் பங்களிப்பாக மாறும்.
35
புதிய பங்குகள்
ஜியோ பிளாட்ஃபார்ம்ஸ் சமர்ப்பித்த விவரக்குறிப்பின்படி, நிறுவனம் 27 கோடி புதிய பங்குகளை வெளியிட உள்ளது. ஐபிஓ-வுக்குப் பிறகு, இந்த புதிய பங்குகள் நிறுவனத்தின் மொத்த பங்குகளில் சுமார் 2.9 சதவீதமாக இருக்கும். இதன் மூலம் கிடைக்கும் நிதியை நிறுவனம் தனது வர்த்தகத் தேவைகளுக்குப் பயன்படுத்தும்.
ரூ.37,700 கோடி திரட்டும் இலக்கு நிறைவேறினால், ஜியோ பிளாட்ஃபார்ம்ஸ் ஐபிஓ இந்திய வரலாற்றிலேயே மிகப்பெரிய ஐபிஓ-வாக சாதனை படைக்கும். தற்போது, தேசிய பங்குச் சந்தையின் (NSE) உத்தேச ஐபிஓ சுமார் ரூ.30,000 கோடி அளவில் இருக்கலாம் என மதிப்பிடப்பட்டுள்ளது. எனவே, ஜியோ ஐபிஓ அதைவிட பெரியதாக இருக்கும் எனத் தெரிகிறது.
55
ஜியோ பிளாட்ஃபார்ம்ஸ்
ஜியோ பிளாட்ஃபார்ம்ஸ், ரிலையன்ஸ் இண்டஸ்ட்ரீஸின் டிஜிட்டல் வர்த்தகத்தில் ஒரு முக்கிய நிறுவனம். டெலிகாம் மற்றும் டிஜிட்டல் சேவைகளில் ஜியோவின் வளர்ச்சி அபாரமாக இருப்பதால், இந்த ஐபிஓ மீது சந்தை வட்டாரங்களில் பெரும் ஆர்வம் நிலவுகிறது. ஐபிஓ தேதி, பங்கு விலை போன்ற முழு விவரங்களை நிறுவனம் விரைவில் வெளியிடும்.
வணிகம் (Business Ideas in Tamil), வங்கிகள் (Banking News), நிதி, இந்திய பொருளாதாரம் , உலக சந்தை, பங்கு சந்தை, முதலீடு உள்ளிட்ட பல்வேறு தகவல்கள் மற்றும் சமீபத்திய நிதி செய்திகள் அனைத்தையும் ஏஷ்யாநெட் தமிழ் நியூஸில் படிக்கலாம்.
