Low Income ITR: வருமானம் வரி வரம்புக்குள் இல்லையென்றாலும், சிலருக்கு ஐடிஆர் தாக்கல் செய்வது கட்டாயமாக இருக்கலாம். அந்த முக்கிய நிபந்தனைகள் என்ன என்பதை தெரிந்து கொள்ளுங்கள்.
வருமான வரி என்பது, ஒரு தனிநபர் அல்லது நிறுவனம் அரசுக்குச் செலுத்தும் ஆண்டு வரி. உங்கள் சம்பளம், தொழில் லாபம், வீட்டு வாடகை, வங்கி வட்டி, சொத்து விற்பனை லாபம் என அனைத்து வருமானத்தின் ஒரு பகுதியை சட்டப்படி அரசுக்கு வரியாகச் செலுத்த வேண்டும்.
அரசு கணக்குப்படி, ஆண்டுக்கு 4 லட்சம் ரூபாய்க்குக் குறைவாக சம்பாதிப்பவர்களுக்கு வருமான வரி இல்லை. ஆனால், சில சமயங்களில் 4 லட்சத்துக்கும் குறைவான வருமானம் இருந்தாலும், சில நிபந்தனைகளின் கீழ் ஐடிஆர் தாக்கல் செய்வது கட்டாயம்.
36
வரி விலக்கு
இந்திய வருமான வரிச் சட்டப்படி, உங்கள் வருமானத்துக்கு வரி விலக்கு இருந்தாலும், வங்கி கணக்கில் ஆண்டுக்கு 1 கோடி ரூபாய்க்கு மேல் பரிவர்த்தனை செய்தாலோ, சேமிப்புக் கணக்கில் 50 லட்ச ரூபாய்க்கு மேல் டெபாசிட் செய்தாலோ ஐடிஆர் தாக்கல் செய்வது கட்டாயம்.
வெளிநாட்டு பயணத்திற்கும் வருமான வரி செலுத்த வேண்டுமா?
ஒரு இந்தியக் குடிமகன் வெளிநாட்டுப் பயணத்துக்காக 2 லட்ச ரூபாய்க்கு மேல் செலவு செய்தால், அவர் ஐடிஆர் தாக்கல் செய்ய வேண்டும். மேலும், ஆண்டுக்கு 1 லட்ச ரூபாய்க்கு மேல் மின்சாரக் கட்டணம் செலுத்தினாலும் ஐடிஆர் தாக்கல் செய்வது கட்டாயம் என அரசு கூறுகிறது.
56
வருமானம் குறைவாக இருந்தாலும் ஐடிஆர் ஏன் கட்டாயம்?
குறைந்த வருமானம் இருந்தாலும் சில காரணங்களுக்காக ஐடிஆர் தாக்கல் செய்வது கட்டாயம். பிடித்தம் செய்யப்பட்ட TDS தொகையைத் திரும்பப் பெற, உங்கள் அரசு ஆவணங்களைப் பாதுகாக்க, மற்றும் தொழில் நஷ்டங்களைக் கணக்கு காட்ட ஐடிஆர் தாக்கல் செய்வது அவசியமாகிறது.
66
வருமான வரிச் சட்ட விதிகள்
வருமான வரிச் சட்டத்தின்படி, வரி செலுத்தத் தவறினால் பல சிக்கல்கள் வரும். பிரிவு 234F-ன் கீழ் அதிகபட்சம் 5,000 ரூபாய் வரை அபராதம் விதிக்கப்படலாம். மொத்த வருமானம் 5 லட்சம் வரை இருந்தால், அபராதம் 1,000 ரூபாயாக இருக்கலாம். மேலும், TDS ரீஃபண்ட் பெறுவதிலும், தொழில் நஷ்டங்களை ஈடு செய்வதிலும் சிக்கல் ஏற்படும். வீட்டுக்கடன், கல்விக்கடன், விசா விண்ணப்பங்களிலும் பிரச்சனைகள் வரலாம்.
வணிகம் (Business Ideas in Tamil), வங்கிகள் (Banking News), நிதி, இந்திய பொருளாதாரம் , உலக சந்தை, பங்கு சந்தை, முதலீடு உள்ளிட்ட பல்வேறு தகவல்கள் மற்றும் சமீபத்திய நிதி செய்திகள் அனைத்தையும் ஏஷ்யாநெட் தமிழ் நியூஸில் படிக்கலாம்.
