இந்த ஆண்டு வருமான வரி தாக்கல் செய்ய செப்டம்பர் 15 கடைசி நாள் ஆகும். 6 கோடிக்கும் மேற்பட்டோர் ஏற்கனவே தாக்கல் செய்துள்ள நிலையில், தொழில்முறை அமைப்புகள் கால அவகாசம் நீட்டிக்கக் கோரிக்கை விடுத்துள்ளன.
இந்தாண்டு வருமான வரி (ITR) தாக்கல் கடைசி தேதி செப்டம்பர் 15 ஆக நிர்ணயிக்கப்பட்டுள்ளது. கடந்த சில நாட்களாக தொழில்முறை அமைப்புகள் இந்த காலக்கெடுவை மேலும் நீட்டிக்க வேண்டும் என்று கோரிக்கை விடுத்து வருகின்றன. இருப்பினும், இதுவரை வருமான வரித் துறையில் எந்த அதிகாரப்பூர்வ அறிவிப்பும் வெளியாகவில்லை.
25
வருமான வரித்துறை
இந்நிலையில், வருமான வரித் துறை தனது எக்ஸ் (எக்ஸ்) பக்கத்தில், "ஏற்கனவே 6 கோடிக்கு மேற்பட்ட ஐடிஆர் தாக்கல்கள் எங்களிடம் வந்து சேர்ந்துள்ளன. இதுவரை வருமான வரி தாக்கல் செய்யாதவர்கள் உடனே தாக்கல் செய்துவிடவும். கடைசி நிமிட நெரிசலை தவிர்க்கவும்" என்று வேண்டுகோள் விடுத்துள்ளது. மேலும், வரித் துறையின் ஹெல்ப் டெஸ்க் 24 மணி நேரமும் செயல்பட்டு வருவதாகவும் தெரிவித்துள்ளது.
35
வருமான வரி தாக்கல் 2025
பொதுவாக ஐடிஆர் (ITR) தாக்கல் கடைசி தேதி ஜூலை 31. ஆனால், இந்த ஆண்டு இடைக்கால பட்ஜெட்டில் வந்த மாற்றங்கள் காரணமாக ITR படிவங்கள் தாமதமாக வெளியானதால், கடைசி தேதி செப்டம்பர் 15 வரை நீட்டிக்கப்பட்டது. கடந்த ஆண்டு ஜூலை 31க்குள் 7.6 கோடி ITR தாக்கல் செய்யப்பட்டன. ஆனால், இந்த ஆண்டு செப்டம்பர் 13-ஆம் தேதியளவில் சுமார் 6 கோடி மட்டுமே தாக்கப்பட்டுள்ளது.
இந்நிலையில், கர்நாடக சாசனக் கணக்காளர்கள் சங்கம் (KSCAA), ICAI மத்திய இந்தியா பிராந்திய சபை, வழக்கறிஞர்கள் வரி வழக்கறிஞர் சங்கம் போன்ற அமைப்புகள், CBDT-க்கு கடிதம் எழுதுதல், போர்டல் கோளாறுகள், வெள்ளப்பெருக்கு, பண்டிகை கால நேரம் போன்ற காரணங்களால் கால அவகாசம் நீட்டிக்க வேண்டும் என்று கோரியுள்ளனர். பலரும் சமூக வலைதளங்களிலும் கடைசி நிமிட நெரிசல் குறித்து எச்சரிக்கின்றனர்.
55
வரி தாக்கல் கடைசி நாள்
செப்டம்பர் 15 கடைசி தேதி ஊதியம் பெறுபவர்கள், ஓய்வு பெற்றவர்கள், வெளிநாட்டு வாழ் இந்தியர்கள் உள்ளிட்ட கணக்குத் தணிக்கைக்கு உட்படாதவர்களுக்கு மட்டுமே பொருந்தும். தணிக்கைக்கு உட்பட்ட தொழில் மற்றும் வியாபாரிகளுக்கு செப்டம்பர் 30க்குள் தணிக்கை அறிக்கை தாக்கல் செய்ய வேண்டும். ITR தாக்கல் அக்டோபர் 31 வரை செய்யலாம். காலக்கெடு தாமதத்தால் ரூ.5,000 வரை அபராதம் விதிக்கப்படும். ரூ.5 லட்சம் குறைவானவர்களுக்கு ரூ.1,000 மட்டுமே அபராதம் விதிக்கப்படும்.
வணிகம் (Business Ideas in Tamil), வங்கிகள் (Banking News), நிதி, இந்திய பொருளாதாரம் , உலக சந்தை, பங்கு சந்தை, முதலீடு உள்ளிட்ட பல்வேறு தகவல்கள் மற்றும் சமீபத்திய நிதி செய்திகள் அனைத்தையும் ஏஷ்யாநெட் தமிழ் நியூஸில் படிக்கலாம்.
