தினமும் ரூ.100 முதலீடு செய்தால்.. 10, 20, 30, 40 ஆண்டுகளில் எவ்வளவு கிடைக்கும் தெரியுமா?

தினசரி ரூ.100 சேமித்து மியூச்சுவல் ஃபண்ட் எஸ்ஐபி-யில் முதலீடு செய்வதன் மூலம் நீண்ட காலத்தில் கோடீஸ்வரராகும் வாய்ப்பு உள்ளது. சிறிய முதலீடு கூட்டு வட்டியின் பலனால் எப்படி வளரக்கூடும் என்பதை பார்க்கலாம்.

ரூ.100 தினசரி முதலீடு

இன்றைய பொருளாதார சூழலில் குறைந்த தொகையிலேயே நீண்ட கால முதலீடு செய்து செல்வம் சேர்க்க விரும்புகின்றனர். அந்த வரிசையில் சிஸ்டமாட்டிக் இன்வெஸ்ட்மென்ட் பிளான் (எஸ்ஐபி) இடத்தைப் பெற்றுள்ளது. தினமும் ரூ.100 சேமித்து மியூச்சுவல் ஃபண்ட் எஸ்ஐபியில் முதலீடு செய்தால், காலப்போக்கில் அது எவ்வளவு பெரிதாக வளரும் என்பதை எஸ்ஐபி கணக்கீட்டின் மூலம் அறியலாம்.

சராசரி 12% வருமானம்

தினமும் ரூ.100 என்றால் மாதத்திற்கு சுமார் ரூ.3,000 முதலீடு செய்யலாம். சராசரியாக 12% வருமானம் கிடைக்கும் என எடுத்துக்கொண்டால், 10 ஆண்டுகளில் உங்கள் முதலீட்டுத் தொகை ரூ.3.6 லட்சமாக இருக்கும். ஆனால் சேர்க்கப்பட்ட வருமானத்துடன் மொத்த நிதி சுமார் ரூ.6.9 லட்சமாக வளர வாய்ப்பு உள்ளது. இதில் மூலதன லாபம் மட்டும் ரூ.3.3 லட்சத்திற்கும் அதிகமாக இருக்கும்.

எஸ்ஐபி கணக்கீடு

இந்த முதலீட்டை 20 ஆண்டுகள் தொடர்ந்தால் விளைவு இன்னும் வியப்பாக இருக்கும். மொத்த முதலீடு ரூ.7.2 லட்சம் மட்டுமே இருந்தாலும், சுமார் ரூ.29.9 லட்சம் வரை நிதி உருவாகும் என கணக்கிடப்படுகிறது. 30 ஆண்டுகள் தொடர்ந்து முதலீடு செய்தால் ரூ.10.8 லட்சம் முதலீட்டில் இருந்து சுமார் ரூ.1.05 கோடி வரை செல்வம் உருவாகும் வாய்ப்பு உள்ளது.

கூட்டு வட்டி பலன்

அதே எஸ்ஐபி-யை 40 ஆண்டுகள் தொடர்ந்தால், மொத்த முதலீடு ரூ.14.4 லட்சம் மட்டுமே இருந்தாலும், அது சுமார் ரூ.3.5 கோடிக்கு மேல் வளரக்கூடும் என கணக்கீடுகள் தெரிவிக்கின்றன. 20 வயதில் தொடங்கி 60 வயது வரை மாதம் ரூ.3,000 முதலீடு செய்தால் கோடீஸ்வரராகும் இலக்கு சாத்தியமாகலாம்.

நீண்டகால முதலீடு

ஆனால் எஸ்ஐபி முதலீடுகள் சந்தை அபாயங்களுக்குட்பட்டவை என்பதை நினைவில் கொள்ள வேண்டும். நீண்டகால முதலீடு, ஒழுங்கான சேமிப்பு மற்றும் கூட்டு வட்டி ஆகியவை செல்வத்தை உருவாக்க உதவினாலும், வருமானம் உறுதி செய்யப்படவில்லை. முதலீடு செய்வதற்கு முன் உங்கள் வருமானம், இலக்கு மற்றும் அபாய சக்தியை மதிப்பீடு செய்து நிதி ஆலோசகரின் கருத்தை பெறுவது நல்லது ஆகும்.