2026 நிதியாண்டில் வரி சேமிக்க உதவும் எளிய வழிகள்.. வரி செலுத்தும் முன் இதை தெரிஞ்சுக்கோங்க

சரியான வரி திட்டமிடல் மூலம் வரிச்சுமையைக் குறைக்கலாம். ஓய்வூதிய முதலீடுகள், கல்வி மற்றும் மருத்துவச் செலவுகள், வீட்டுக் கடன் போன்றவற்றுக்கான வரி விலக்குகளைப் பயன்படுத்துவது அவசியம்.

வரி சேமிப்பு வழிகள்

வருமானம் அதிகரித்தால் வரியும் அதிகரிக்குமா என்ற பயம் பலருக்கும் உண்டு. ஆனால் நிதி ஆலோசகர்கள் சொல்வது ஒன்று சரியான திட்டமிடல் இருந்தால் வரி ஒரு சுமையாக இருக்காது. பெரும்பாலானோர் வரி செலுத்தும் காலத்தில் மன அழுத்தம் அடைவதற்குக் காரணம், கடைசி நேரத்தில் அவசரமாக முடிவெடுப்பதுதான். தொடக்கத்திலேயே வரி திட்டமிடலை ஆரம்பித்தால், சட்டபூர்வமான வழிகளில் வரிச்சுமையைக் குறைக்க முடியும்.

எதிர்காலத்தை நினைத்த முதலீடுகள் வரியைக் குறைக்கும் முதல் படி. ஓய்வூதிய காலத்திற்கான முதலீடுகள் மூலம் தற்போதைய வரிக்குட்பட்ட வருமானத்தை குறைக்கலாம். போன்ற முதலீடுகள் நீண்ட காலத்தில் பாதுகாப்பையும் உருவாக்கும். சம்பளம் உயரும்போது முதலீட்டுத் தொகையையும் மெல்ல உயர்த்துவது நல்ல பழக்கமாகும்.

வரி விலக்குகள் மற்றும் கிரெடிட்களை சரியாக பயன்படுத்த வேண்டும். பலருக்கு கிடைக்கக்கூடிய வரி சலுகைகள் பற்றிய முழு தகவல் இல்லாததால், அவற்றை இழக்க நேரிடுகிறது. கல்விச் செலவுகள், மருத்துவச் செலவுகள், வீட்டுக் கடன் வட்டி, காப்பீட்டு பிரீமியம் போன்றவற்றின் மூலம் வரி விலக்கு பெற முடியும். இதற்காக ரசீதுகள் மற்றும் ஆவணங்களை முறையாகச் சேமித்தல் அவசியம்.

வருமான வரி குறைப்பு

சுகாதாரச் செலவுகளுக்கும் வரி சேமிப்பு வழி உள்ளது. ஹெல்த் சேவிங்ஸ் கணக்குகள் போன்ற வசதிகள், மருத்துவச் செலவுகளுக்காக ஒதுக்கும் தொகைக்கு வரி விலக்கு அளிக்கின்றன. இதனால் உடல்நல பாதுகாப்பு கிடைக்கும்; அதே நேரத்தில் வரிச்சுமையும் குறையும்.

வருமானம் வரும் நேரத்தை மாற்றுவதும் ஒரு யுக்தி. போனஸ் அல்லது கூடுதல் வருமானத்தை அடுத்த நிதியாண்டிற்கு மாற்றிக் கொள்ள முடிந்தால், இந்த ஆண்டு வரி வரம்பு அதிகரிப்பதைத் தவிர்க்கலாம். குறிப்பாக ஒரு ஆண்டில் வருமானம் அதிகமாக இருக்கும் போது இது பயனளிக்கும். புத்திசாலித்தனமான முதலீடுகளும் சமூக பங்களிப்பும் உதவும்.

நீண்டகால பங்குச் சந்தை அல்லது மியூச்சுவல் ஃபண்ட் முதலீடுகள் குறைந்த வரி விகிதம் கொண்டவை. மேலும், அங்கீகரிக்கப்பட்ட தொண்டு நிறுவனங்களுக்கு வழங்கும் நன்கொடைகள் வரி விலக்கு தருவதுடன், சமூகத்திற்கு உதவும் மனநிறைவும் தரும். வரி செலுத்த கடைசி நாள் வரை காத்திருப்பது, விதிமுறைகளைப் புதுப்பிக்காமல் இருப்பது போன்ற தவறுகளைத் தவிர்த்தால், வரி திட்டமிடல் எளிதாக மாறும்.