கூகுள் ஃபார் இந்தியா நிகழ்வில், கூகுள் பல புதிய அம்சங்களை அறிமுகப்படுத்தியுள்ளது. Google Pay மூலம் தங்கக் கடன் பெறும் வசதி, தனிநபர் கடனுக்கான வரம்பு உயர்வு, மற்றும் பல இந்திய மொழிகளில் Google AI சேவைகள் ஆகியவை இதில் அடங்கும்.
தொழில்நுட்ப நிறுவனமான கூகுள், இந்தியாவிற்கான தனது வருடாந்திர நிகழ்வான ‘கூகுள் ஃபார் இந்தியா’ நிகழ்ச்சியில் பல முக்கிய அறிவிப்புகளை வெளியிட்டுள்ளது. உங்கள் வீட்டில் தங்கம் இருந்தால், Google Payயில் ரூ.50 லட்சம் வரை தங்கக் கடனாகப் பெறலாம். இதனுடன், தனிநபர் கடனுக்கான வரம்பு 5 லட்ச ரூபாயாக உயர்த்தப்பட்டுள்ளது. அதே நேரத்தில், கூகுள் அதன் செயற்கை நுண்ணறிவு (AI) ஜெமினியை இந்தியாவில் அப்டேட் செய்துள்ளது. அதன்படி. ஜெமினி இப்போது இந்தி உட்பட எட்டு இந்திய மொழிகளில் வேலை செய்யும்.
கூகுள் பே இப்போது முத்தூட் ஃபைனான்ஸ் உடன் இணைந்து தங்கத்துடன் கூடிய பாதுகாப்பான கடன்களையும் வழங்கும். இருப்பினும், கடன் செயல்முறை என்னவாக இருக்கும் மற்றும் அது எவ்வாறு கிடைக்கும் என்பது பற்றிய தகவலை Google இன்னும் வெளியிடவில்லை. அதே நேரத்தில், கூகுள் பே மூலம் கிடைக்கும் தனிநபர் கடனின் 5 ஐந்து லட்ச ரூபாயாக அதிகரிக்கப்பட்டுள்ளது. இது தவிர, UPI Circle அம்சத்தை Google Pay அறிமுகப்படுத்தியுள்ளது. இந்த அம்சத்தின் கீழ், பணம் செலுத்தும் பயனர் தனது UPI கணக்கிலிருந்து மற்றொரு நபருக்கு தேவையான வரம்புடன் பரிவர்த்தனைகளை அனுமதிக்க முடியும்.
கூகுள் ஃபார் இந்தியா நிகழ்வில் அறிவிக்கப்பட்டபடி, ந்தி மட்டுமின்றி பெங்காலி, குஜராத்தி, கன்னடம், மலையாளம், மராத்தி, தெலுங்கு, தமிழ் மற்றும் உருது ஆகிய மொழிகளில் ஜெமினி சேவை கிடைக்கிறது. கூகுள் தேடலின் AI மேலோட்டம் இப்போது இந்திக்கு கூடுதலாக பெங்காலி, மராத்தி, தெலுங்கு மற்றும் தமிழ் ஆகிய மொழிகளிலும் கிடைக்கும்.
கூகுள் லென்ஸ் இப்போது வீடியோ தேடலை அனுமதிக்கும், மேலும் கூகுள் மேப்ஸ் இப்போது AI-உதவி இட தகவல்கள், வானிலை தகவல் மற்றும் "கருப்பொருள் கொண்ட பிறந்தநாள் கேக்குகள்" அல்லது "தனித்துவமான சுற்றுலா இடங்கள்" போன்றவற்றைக் கண்டறியும் திறனைக் கொண்டிருக்கும்.
Google Merchant Center இல் உள்ள புதிய AI கருவிகள், படத்திலிருந்து வீடியோ அனிமேஷன்கள் போன்றவை, வணிகங்கள் தங்கள் தயாரிப்புகளை மிகவும் ஈர்க்கக்கூடிய வகையில் காட்சிப்படுத்த உதவும். அடுத்த ஆண்டு முதல், ஆயுஷ்மான் பாரத் ஹெல்த் அக்கவுண்ட் (ABHA) அடையாள அட்டைகள் Google Wallet இல் கிடைக்கும். Google Play Protect இல் மோசடிப் பாதுகாப்பிற்காக புதிய அம்சங்கள் சோதிக்கப்படும். 2025ல் இந்தியாவில் புதிய Google பாதுகாப்பு பொறியியல் மையம் (GSEC) தொடங்கப்படும் என்று எதிர்பார்க்கப்படுகிறது.