பிரதமர் நரேந்திர மோடி தலைமையிலான அரசு, தீபாவளிக்கு முன்னதாக மத்திய அரசு ஊழியர்களின் அகவிலைப்படியை 3% உயர்த்தியுள்ளது. உயர்த்தப்பட்ட தொகை நவம்பர் மாதத்தில் வழங்கப்படும்.
தீபாவளியையொட்டி மத்திய அரசு ஊழியர்களுக்கு அகவிலைப்படியை உயர்த்தியுள்ளது. அதாவது மோடி அரசு ஊழியர்களுக்கு (DA) 3% உயர்த்தியுள்ளது.
இந்த வாரம் நடைபெற்ற மத்திய அமைச்சரவைக் கூட்டத்தில் அகவிலைப்படி (DA) மற்றும் அகவிலை நிவாரணம் (DR) உயர்த்தப்பட்டன. மத்திய அரசின் இந்த முடிவால் சுமார் ஒரு கோடி மத்திய அரசு ஊழியர்கள் மற்றும் ஓய்வூதியதாரர்கள் பயனடைந்துள்ளனர்.
இதையும் படிங்க: TASMAC Shop: டோட்டலாக மாறப்போகும் டாஸ்மாக் கடை! என்னென்ன வசதிகள் வரப்போகுது தெரியுமா? குஷியில் குடிமகன்கள்!
மத்திய அரசு ஊழியர்களுக்கு உயர்த்தப்பட்ட அகவிலைப்படி ஜூலை 1-ம் தேதி முதல் கணக்கிட்டு வழங்கப்படும். பணியில் உள்ளவர்கள் மற்றும் ஓய்வு பெற்ற ஓய்வூதியதாரர்கள் இருவருக்கும் DA மற்றும் DR இரண்டும் அதிகரிக்கப்பட்டுள்ளன.
மத்திய அரசு ஊழியர்கள் மற்றும் ஓய்வூதியர்களுக்கான அகவிலைப்படி ஏற்கனவே 50%ஆக இருந்த நிலையில் தற்போது 53% உயர்ந்துள்ளது.
அரசின் இந்த முடிவால் மத்திய அரசு ஊழியர்களுக்கு ஜூலை,ஆகஸ்ட்,செப்டம்பர் மாதங்களுக்கான நிலுவைத் தொகை கிடைக்கும்.
இதையும் படிங்க: Diwali Bonus: இன்ப அதிர்ச்சி! அரசு ஊழியர்களுக்கு ரூ.7000 தீபாவளி போனஸ் அறிவிப்பு!
மத்திய அரசின் ஓய்வுபெற்ற ஊழியர்களுக்கும் பண்டிகை காலத்தில் DR நிலுவைத் தொகை கிடைக்கும். இதனால் கணிசமான தொகை அவர்களின் பாக்கெட்டுகளுக்கு வரும். மத்திய அரசு கடைசியாக இந்த ஆண்டு மார்ச் மாதம் DA உயர்வை அறிவித்தது.
அந்த நேரத்தில், DA 4% அதிகரிக்கப்பட்டது. ஜனவரியில், அகவிலைப்படி 46% இலிருந்து 50% ஆக உயர்ந்தது. இந்த முறை அகவிலைப்படி 3% உயர்த்தப்பட்டதை அடுத்து 53% ஆக உயர்ந்துள்ளது. இந்த DA ஜூலை 1 முதல் அமலுக்கு வரும்.
மத்திய அரசு தனது ஊழியர்களுக்கு ஜனவரி மற்றும் ஜூலை மாதங்களில் வருடத்திற்கு இரண்டு முறை அகவிலைப்படியை உயர்த்துகிறது. மத்திய ஊழியர்களுக்கான DA உயர்வு ஜூலை முதல் டிசம்பர் வரையிலான காலத்திற்கு அறிவிக்கப்பட்டுள்ளது.
அக்டோபர் மாத சம்பளத்துடன் ஜூலை, ஆகஸ்ட் மற்றும் செப்டம்பர் மாதங்களுக்கான நிலுவைத் தொகையும் அரசு ஊழியர்களுக்கு வழங்கப்படும்.
இதையும் படிங்க: TN Government Employees: அரசு ஊழியர்களுக்கு குட் நியூஸ்! இந்த மாதம் முன்கூட்டியே சம்பளம்? எப்போது தெரியுமா?
இந்த முறை, அரசு ஊழியர்கள் 8வது ஊதியக் குழுவை கோருகின்றனர், இது 2026 முதல் பொருந்தும் என்று கருதப்படுகிறது. இருப்பினும், 8வது ஊதியக் குழுவைப் பற்றி அரசு இன்னும் எந்த முடிவையும் எடுக்கவில்லை.
சேனலை கிளிக் செய்து பின்தொடரவும்