தங்கம், வெள்ளி வாங்க இதுதான் சரியான நேரமா? இன்று விலை உயர்ந்ததா? குறைந்ததா?

Today Gold Rate: தங்கம் விலை எவ்வளவு தான் உயர்ந்து வந்தாலும் அதன் மீதான ஆசை மக்களிடையே குறையவில்லை. நகைக்கடைகளில் கூட்டம் குவிந்த வண்ணம் உள்ளது. இன்றைய தங்கம் விலை

வரலாறு காணாத உச்சத்தில் தங்கம் விலை

தங்கம் என்பது அனைவருக்கும் பிடித்தமான ஒன்று. இந்நிலையில் புதிய ஆண்டு பிறந்ததளில் இருந்து தங்கம் விலை தாறுமாறாக உயர்ந்து வரலாறு காணாத வகையில் புதிய உச்சத்தை எட்டியுள்ளது. இந்த ஆண்டு தொடக்கத்தில் ஒரு லட்சத்தை நெருங்கிய தங்கம் விலை தற்போது ஒரு லட்சத்து 20 ஆயிரத்து நெருங்கி வருகிறது. இதனால் திருமணத்திற்காக நகை வாங்குவர்கள் மத்தியில் பெரும் அதிர்ச்சியை ஏற்படுத்தியுள்ளது. ஆனால் தங்கம் விலை எவ்வளவு தான் உயர்ந்து வந்தாலும் அதன் மீதான ஆசை மக்களிடையே குறையவில்லை. நகைக்கடைகளில் கூட்டம் குவிந்த வண்ணம் உள்ளது.

தங்கம் விலை உயர்வுக்கு என்ன காரணம்?

இந்த விலை உயர்வுக்கு முக்கிய காரணம் பல்வேறு நாடுகளில் நிலவும் போர் பதற்றம், ரஷ்யா மீது அமெரிக்கா விதித்த தடைகள் ஆகியவற்றால் தங்கத்தின் மீதான முதலீடு அதிகரித்து வருவதாக கூறப்படுகிறது. தங்கம் விலை தான் உயர்கிறது என்று பார்த்தால் அதற்கு போட்டியாக வெள்ளி விலையும் உயர்ந்த வண்ணம் உள்ளது. இந்நிலையில் நேற்று தங்கம் விலை உயர்ந்த நிலையில் இன்றைய நிலவரம் என்ன என்பதை பார்ப்போம்.

நேற்றைய தங்கம் விலை

நேற்று காலை நிலவரப்படி தங்கம் கிராமுக்கு ரூ.160 உயர்ந்து ஒரு கிராம் ரூ.14,560க்கும், சவரனுக்கு ரூ.1280 உயர்ந்து ரூ.1,16,480க்கும் விற்பனை செய்யப்பட்டு வந்தது.

இன்றைய தங்கம் விலை

இந்நிலையில் இன்றைய (பிப்ரவரி15) நிலவரப்படி தங்கம் விலையில் எந்த மாற்றமும் இல்லாமல் அதே விலையில் நீடிக்கிறது. சென்னையில் 22 கேரட் ஆபரணத் தங்கத்தின் விலை சவரன் ரூ.116,480ஆக விற்பனை செய்யப்படுகிறது. 22 கேரட் தங்கம் கிராம் ரூ.14,560ஆக விற்பனையாகிறது. 24 கேரட் தங்கம் கிராம் ஒன்று ரூ.15,884ஆக விற்பனையாகிறது. 24 கேரட் தங்கம் சவரன் ரூ.127,072ஆக விற்பனையாகிறது.

வெள்ளி விலை

வெள்ளி விலை கடந்த மூன்று நாட்களாக ஒரே விலையில் நீடித்து வருகிறது. ஒரு கிராம் வெள்ளி விலை ரூ.280க்கு விற்பனை செய்யப்படுகிறது. மேலும் ஒரு கிலோ வெள்ளி ரூ.280,000க்கும் விற்பனை செய்யப்படுகிறது.