Gold Price Rate: ரூ.1 லட்சத்தை நெருங்கும் தங்கம் விலை.! எப்போ குறையும்!

சென்னையில் இன்று ஆபரணத் தங்கத்தின் விலை மாற்றமின்றி ஒரு சவரன் ரூ.98,960க்கு விற்பனை செய்யப்படுகிறது. அதேசமயம், வெள்ளியின் விலை கிராமுக்கு ரூ.6 குறைந்துள்ளதால், நகை வாங்குவோர் மற்றும் முதலீட்டாளர்கள் சந்தை நிலவரத்தை உன்னிப்பாக கவனித்து வருகின்றனர்.

தங்கம் விலை நலவரம்

சென்னையில் இன்று ஆபரணத் தங்கத்தின் விலையில் எந்த மாற்றமும் இல்லாமல் விற்பனை நடைபெற்று வருகிறது. ஒரு கிராம் ஆபரணத் தங்கம் ரூ.12,370 என்ற விலையிலேயே நிலைத்திருக்கிறது. இதன் அடிப்படையில், ஒரு சவரன் (8 கிராம்) ஆபரணத் தங்கம் ரூ.98,960க்கு விற்பனை செய்யப்படுகிறது. கடந்த சில நாட்களாக தங்க விலை ஏற்ற இறக்கத்துடன் காணப்பட்ட நிலையில், இன்று மாற்றமில்லாமல் நிலைத்திருப்பது நகை வாங்க திட்டமிட்டுள்ள பொதுமக்களுக்கு சற்று நிம்மதியை ஏற்படுத்தியுள்ளது. 

விலை ஏற்றம் அடையாமல் இருப்பது நல்லதுதான்

திருமணம், சுபநிகழ்ச்சிகள் அதிகரித்து வரும் காலகட்டத்தில் தங்கத்தின் விலை நிலையாக இருப்பது நகை விற்பனையாளர்களுக்கும் சாதகமான சூழலை உருவாக்கியுள்ளது. சர்வதேச சந்தையில் தங்கத்தின் விலை பெரிதாக மாற்றமின்றி இருப்பதும், டாலர் மதிப்பில் நிலைத்தன்மை காணப்படுவதும், உள்ளூர் சந்தையில் தங்க விலை மாறாமல் இருக்க முக்கிய காரணங்களாக கூறப்படுகிறது. 

வெள்ளி விலை நிலவரம் இதுதான்

இதற்கிடையில், வெள்ளியின் விலையில் இன்று லேசான சரிவு பதிவாகியுள்ளது. ஒரு கிராம் வெள்ளி ரூ.210க்கு விற்பனை செய்யப்படுகிறது. ஒரு கிலோ வெள்ளி ரூ.2 லட்சத்து 10 ஆயிரம் ரூபாய்க்கு விற்பனை செய்யப்படுகின்றது. இது நேற்றைய விலையை விட கிராமுக்கு ரூ.6 குறைந்துள்ளதாக வியாபாரிகள் தெரிவித்துள்ளனர். தொழில்துறை பயன்பாடு மற்றும் முதலீட்டு தேவை குறைந்ததே இந்த சரிவுக்கு காரணமாக இருக்கலாம் என சந்தை நிபுணர்கள் கூறுகின்றனர்.

மொத்தத்தில், தங்கம் விலை நிலையாகவும், வெள்ளி விலை லேசான சரிவுடனும் காணப்படுவதால், முதலீட்டாளர்கள் மற்றும் நகை வாங்குவோர் சந்தை நிலவரத்தை கவனித்து முடிவெடுக்க வேண்டிய சூழல் உருவாகியுள்ளது. வரும் நாட்களில் சர்வதேச பொருளாதார மாற்றங்கள் மற்றும் பண்டிகை கால தேவையைப் பொறுத்து விலைகளில் மாற்றம் ஏற்படலாம் என எதிர்பார்க்கப்படுகிறது.