பாதுகாப்பான முதலீட்டை விரும்புவோருக்கு நிலையான வைப்பு நிதி திட்டம் சரியான தேர்வாக இருக்கும். அரசு நடத்தும் வங்கிகளில் இப்போது பிக்ஸட் டெபாசிட்டுகளுக்கு அதிக வட்டி விகிதங்கள் வழங்கப்படுகின்றன.
பிக்ஸட் டெபாசிட் மூலம் உங்கள் சேமிப்பை அதிகரிக்க விரும்புகிறீர்களா? பல பொதுத்துறை வங்கிகள் தற்போது ஃபிக்ஸட் டெபாசிட்டுகளுக்கு கவர்ச்சிகரமான வட்டி விகிதங்களை வழங்குகின்றன. இத்தொகுப்பில் வட்டி விகிதங்கள் அடிப்படையில் டாப் 5 பொதுத்துறை வங்கிகளைப் பார்க்கலாம்.
சென்ட்ரல் பேங்க் ஆஃப் இந்தியாவில் 444 நாட்களுக்கு 7.45% வட்டி விகிதம் கிடைக்கிறது. 1 வருட பிக்ஸட் டெபாசிட் முதலீட்டுக்கு 6.85% வழங்கப்படுகிறது. 3 ஆண்டுகளுக்கு 6.75%, 5 ஆண்டுகளுக்கு 6.50% வழங்கப்படுகிறது.
யூனியன் பேங்க் ஆஃப் இந்தியாவில் 333 நாட்களுக்கு 7.40% வட்டி கிடைக்கும். 1 வருட பிக்ஸட் டெபாசிட்டுக்கு 6.80%, 3 ஆண்டு பிக்ஸட் டெபாசிட்டுக்கு 6.70%, 5 ஆண்டு பிக்ஸட் டெபாசிட்டுக்கு 6.50% வட்டி விகிதம் நிர்ணயம் செய்யப்பட்டுள்ளது.
பாங்க் ஆப் பரோடாவில் 399 நாட்களுக்கு 7.30% வட்டி வழங்கும் மழைக்கால தமாகா திட்டம் தற்போது செயல்பாட்டில் உள்ளது. 1 வருட FD திட்டத்தில் 6.85%, 3 ஆண்டு FD திட்டத்தில் 7.15% மற்றும் 5 ஆண்டு FD திட்டத்தில் 6.50% வட்டி தரப்படுகிறது. மூத்த குடிமக்களுக்கான வட்டி விகிதம் 4.75% முதல் 7.80% வரை இருக்கும். இந்த வட்டி விகிதங்கள் செப்டம்பர் 5, 2024 முதல் அமலுக்கு வந்துள்ளன.
இந்தியன் ஓவர்சீஸ் வங்கி 444 நாட்களுக்கு பிக்ஸட் டெபாசிட் கணக்கில் முதலீடு செய்தால் 7.30% வட்டி தருகிறது. மேலும், ஒரு வருடத்திற்கான FD திட்டத்தில் 7.10%, 3 மற்றும் 5 ஆண்டு FD திட்டத்தில் 6.50% வட்டி விகிதம் வழங்கப்படுகிறது.
பஞ்சாப் & சிந்து வங்கியில் 666 நாட்களுக்கான பிக்ஸட் டெபாசிட் திட்டத்தில் 7.30% வட்டி விகிதம் வழங்கப்படுகிறது. 3 ஆண்டு பிக்ஸட் டெபாசிட்டுக்கு 6.30%, 5 வருட பிக்ஸட் டெபாசிட்டுக்கு 6% வட்டி விகிதம் வழங்கப்படுகிறது.
சேனலை கிளிக் செய்து பின்தொடரவும்