தந்தையர் தினத்தில் அப்பாவிற்கு நிதி பாதுகாப்பை பரிசளிப்பது சிறந்தது. சுகாதார காப்பீடு, ஓய்வூதிய திட்டங்கள், முக்கிய நோய் காப்பீடு போன்றவை அவர்களின் எதிர்கால நிதி நிலைத்தன்மையை உறுதி செய்யும்.
மண்ணில் பிறந்த அனைவருக்கும் முதல் தோழன், முதல் ஆசிரியர் அப்பாவாக மட்டுமே இருக்க முடியும். ஆண்களோ பெண்களோ யாராக இருந்தாலும் அப்பாவின் கரங்களை பிடிக்கும் போது மட்டுமே மிகவும் பாதுகாப்பாக உணர்வார்கள் என ஒரு சர்வே சொல்கிறது. அன்பை வெளிக்காட்ட தெரியாமல் நம்மை நல்ல வழியில் அழைத்து செல்லும் அந்த தடித்த கரங்கள் நம்மிடம் எதிர்பார்ப்பது என்னவோ அன்பையும் ஆதரவையும்தான்!
29
தந்தை எனும் பெரும் மரம்
தந்தை… ஒரு குடும்பத்தின் நடுவே அமைதியாக நிற்கும் பெரும மரத்தின் நிழல். நம்மை பாதுகாக்க, வளர்க்க, வாழ்க்கையின் ஏற்றத் தாழ்வுகளை எதுவும் சொல்லாமல் எதிர்கொள்ளும் பெரும் ஆதரவு. அவர்களின் வாழ்க்கையின் இரண்டாம் பாதியில், நம்மால் அவர்களுக்கு தரக்கூடிய மிகச் சிறந்த பரிசு – நிதி பாதுகாப்பு.
39
தந்தையர் தினத்திற்கு என்ன பரிசு தரலாம்?
நம்மை ஈன்றெடுத்த தெய்வங்களான பெற்றோர்களுக்கு அவர்கள் நிம்மதியாகவும் நிதி பாதுகாப்புடன் இருக்கும் வகையில் அவர்களுக்கு ஏற்ற காப்பீடு மற்றும் பென்சன் திட்டங்களை தேர்வு செய்து பரிசளித்தால் அது நல்லதுதானே. ஒவ்வொரு ஆண்டும் ஜூன் மாதம் மூன்றாவது ஞாயிற்றுக்கிழமை, தந்தையர் தினமாக கொண்டாடப்படுகிறது. குழந்தைகளுக்காக வாழ்க்கையை அர்ப்பணித்த ஒரு தந்தைக்கு, அவர் வாழ்க்கையின் பிற்பகுதியில் நிம்மதியுடனும், பாதுகாப்புடனும் வாழ ஒரு சிறந்த பரிசாக, நிதி பாதுகாப்பு கொடுப்பது மிகவும் பொருத்தமானதாக இருக்கும்.
நமது தந்தைக்கு நாம் வாழ்த்து அட்டைகளை விட பாதுகாப்பை பரிசளிக்க முயற்சிப்போமே.வழக்கமாக நாம் அன்பும் மதிப்பும் காட்ட வாழ்த்து மடல்கள், பூக்கள், பூங்கொத்துக்கள் உள்ளிட்டவற்றை பரிசுகளாக கொடுக்கிறோம். ஆனால், இந்த வருடம் சிறிது வித்தியாசமாக, அவர்களின் எதிர்கால வாழ்க்கையை பாதுகாக்கும் நிதி பாதுகாப்புகளை பரிசாக அளிப்பது சிறந்த தீர்வாக இருக்கும்தானே.
59
சுகாதார காப்பீடு – உங்கள் தந்தைக்கு நிதி கவலையற்ற வாழ்வை தரும்!
இந்தியாவில் மருத்துவச் செலவுகள் ஆண்டுக்கு 14% விகிதத்தில் உயர்ந்து வருகின்றன. 50 முதல் 70 வயதுக்குள் உள்ள தந்தைக்கு ஒரு முழுமையான சுகாதார காப்பீடு வழங்குவது மிகுந்த ஞானமிக்க செயல் என்றால் அது மிகையல்ல. அதிலும் எதிர்காலத்திற்கு ஏற்ற வகையில் அவர்களின் வயதிற்கு தகுந்தாற் போல் காப்பீடுகளை தேர்வு செய்து அளிப்பது நல்லது. முன்னமே இருந்த நோய்களும் உள்ளடங்கிய கவரேஜ், மருத்துவமனையில் அனுமதி செலவுகள், டேக்கேர் சிகிச்சைகள் ஆகியவை கண்டிப்பாக இருக்க வேண்டும். காப்பீடு 20 லட்சம் ரூபாய் முதல் 25 லட்சம் ரூபாய் வரை இருந்தால் அது தந்தையின் பாதுகாப்பான மருத்துவ செலவுக்கு உதவி செய்யும். பல வருட காப்பீடு எடுத்தால் பிரீமியம் கட்டணம் சீராக இருக்கும். கட்டணத்தை கட்டுவதும் எளிதாக இருக்கும்.
இது தந்தையின் மருத்துவ செலவுகளை நிம்மதியாக எதிர்கொள்ள உதவும்.
69
ஓய்வு திட்டங்கள் – ஒரு பாதுகாப்பான வருமானம்
உங்கள் தந்தைக்கு ஓய்வு இன்னும் சில ஆண்டுகளில் என்றால், Unit Linked Pension Plan (ULPP) போன்ற திட்டங்களில் முதலீடு செய்யலாம். இது ஈக்விட்டி மற்றும் கடன் (debt) சந்தைகளில் முதலீடு செய்து அதிக வருமானம் தரும். திட்டம் காலாவதியானபின், 60% தொகையை lumpsum ஆக பெறலாம். மீதமுள்ள தொகையால் மாத ஊதியம் கிடைக்கும் (Annuity). இது தந்தையின் ஓய்வு வாழ்க்கையில் கட்டுப்பாடான வருமானம் உறுதி செய்யும்.
79
ஹாஸ்பிடல் கேஷ் மற்றும் முக்கிய நோய் காப்பீடு
வயது அதிகமாகும் போது, முக்கிய நோய்களின் அபாயமும் அதிகரிக்கிறது. இதற்காக Heart Attack, Stroke, Cancer போன்ற நோய்களுக்கு எதிரான காப்பீடு அவசியம். மேலும் Hospital Cash Rider மூலம் நாள் உணவு, பயணம் போன்ற சிறு செலவுகளை மீட்டெடுக்க உதவும். இதனால் மருத்துவ செலவுகள் நேரத்தில் கையாள முடியும்.
89
நீண்டகால முதலீடு – 80 வயதிற்கு மேலாக வாழும் காலத்துக்கான திட்டம்
இன்றைய சூழலில் வாழ்க்கைமுறை நீண்டகாலமாக உள்ளது. ஆகவே, 20-30 ஆண்டுகள் ஓய்விற்குப் பிறகு வாழ்வதற்கான திட்டம் தேவை என்பதை மனதில் வைத்துக்கொள்ள வேண்டும். இதனால் ஈக்விட்டி (பங்கு சந்தை), கடன் (FD, Bonds), நிலத்தில் முதலீடு (real estate) இது போன்ற முதலீடுகளைத் தேர்ந்தெடுக்கலாம். இவை அனைத்து நிதிச் சவால்களையும் சமாளிக்க உதவும்.
99
உண்மையான அன்பு நிதி பாதுகாப்பில்!
தந்தை என்பது ஒரு குடும்பத்தின் தூண். வாழ்க்கையின் பெரும்பாலான காலத்தை மற்றவர்களுக்காகவும் குடும்பத்திற்காகவும் செலவழித்தவர் தந்தை என்றால் மிகையல்ல. அவருடைய நலன் மற்றும் நிதி பாதுகாப்பு நம்முடைய கடமையாகும். நமது அப்பாவின் நிதி பாதுகாப்பு என்பது, அவர்களின் ஓய்வுப்பிறகு வாழ்க்கையை சுயநினைவுடனும், நிம்மதியுடனும் வாழ உதவும் ஒரு முக்கிய அங்கமாகும். நமது தந்தையின் நிதி பாதுகாப்பு என்பது உணர்வுடன் கூடிய நிதி திட்டமிடல். அவர் கடந்த காலத்தில் நமக்காக செய்த தியாகங்களுக்கு நாம் செய்யக்கூடிய சிறந்த மரியாதை, அவர்களின் எதிர்காலத்துக்கு நிதி பாதுகாப்பை வழங்குவதே.இந்த தந்தையர் தினத்தில் உங்கள் தந்தைக்கு உண்மையான பாதுகாப்பு மற்றும் நிம்மதியை பரிசளியுங்கள். அவர்களது வாழ்க்கையின் பொற்காலம், நிதிச்சிக்கலின்றி மகிழ்ச்சியாக அமைய, இப்படி ஒரு திட்டமிடல் அவசியம். அன்பும், நன்றியும் நிதி பாதுகாப்புடன் இணையும் போது, அது ஒரு தந்தைக்கு கிடைக்கும் சிறந்த பரிசாக மாறும். தந்தையர் தின வாழ்த்துகள்!,“அப்பா… நீங்க இருக்கேங்கிறதால தான் நம்ம வாழ்க்கையில நிம்மதி இருக்கு
