காலையிலேயே வந்த குட்நியூஸ்! சிலிண்டர் விலை அதிரடியாக குறைந்தது!

டிசம்பர் 1ம் தேதி முதல், வணிக பயன்பாட்டிற்கான 19 கிலோ சிலிண்டரின் விலையை எண்ணெய் நிறுவனங்கள் ரூ.10.50 குறைத்துள்ளன. இதனால் அதன் புதிய விலை ரூ.1,739.50 ஆக உள்ளது. இருப்பினும், வீட்டு உபயோக சிலிண்டர் விலையில் எந்த மாற்றமும் செய்யப்படவில்லை.

எண்ணெய் நிறுவனங்கள்

சர்வதேச சந்தையில் நிலவும் கச்சா விலைக்கு ஏற்றார் போல இந்தியாவில் பெட்ரோல், டீசல் மற்றும் சிலிண்டர் விலை நிர்ணயம் செய்ய எண்ணெய் நிறுவனங்களுக்கு மத்திய அரசு அனுமதி வழங்கியுள்ளது.

மாதந்தோறும் எரிவாயு சிலிண்டர் விலை நிர்ணயம்

அதன்படி பெட்ரோல், டீசல் விலைகளை எண்ணெய் நிறுவனங்கள் தினமும் மாற்றி அமைத்து வருகிறது. ஆனால், கிட்டத்தட்ட பல மாதங்களாகவே பெட்ரோல், டீசல் விலையில் எந்த மாற்றமும் இல்லாமல் ஒரே விலையில் நீடிக்கிறது. அதே நேரத்தில் சமையல் எரிவாயு சிலிண்டரின் விலை ஒவ்வொரு மாதமும் சர்வதேச சந்தை நிலவரத்திற்கு ஏற்ப விலை நிர்ணயம் செய்யப்படுகிறது.

வணிக பயன்பாட்டிற்கான சிலிண்டர் விலை

ஒவ்வொரு மாதமும் 1-ம் தேதி எண்ணெய் நிறுவனங்கள் புதிய விலையை நிர்ணயித்து வருகின்றன. கடந்த அக்டோபர் மாதம் வணிக பயன்பாட்டிற்கான சிலிண்டர் விலையை ரூ.16 உயர்ந்த நிலையில் நவம்பர் மாதம் ரூ.4.50 காசுகள் குறைந்து ரூ.1,750ஆக விற்பனை செய்யப்பட்டது.

டிசம்பர் 1ம் சிலிண்டர் விலை குறைந்தது

இந்நிலையில், டிசம்பர் 1ம் தேதியான இன்று வணிக பயன்பாட்டிற்கான சிலிண்டர் விலையை எண்ணெய் நிறுவனங்கள் அதிரடியாக குறைத்து பொதுமக்களுக்கு இன்ப அதிர்ச்சி கொடுத்துள்ளது. அதாவது 19 கிலோ எடை கொண்ட வணிக பயன்பாட்டிற்கான சிலிண்டர் விலை நேற்று ரூ.1,750க்கு விற்பனை செய்யப்பட்டு வந்த நிலையில் இன்று ரூ.10.50 காசுகள் ரூ.1,739 ரூபாய் 50 காசுக்கு விற்பனையாகிறது. இந்த விலை குறைப்பு இன்று நள்ளிரவு முதல் அமலுக்கு வருகிறது.

வீட்டு உபயோக சிலிண்டர் விலை

அதேநேரத்தில் வீட்டு உபயோகத்திற்கான சிலிண்டர் விலையின் நிலவரத்தை பார்ப்போம். அதாவது வீட்டு உபயோக சிலிண்டர் விலையில் எந்த மாற்றமும் செய்யப்படவில்லை. வீட்டு உபயோகத்துக்கான சிலிண்டர் விலை ரூ.868.50க்கு விற்பனையாகிறது. கடந்த சில மாதங்களாகவே வீட்டு உபயோக சிலிண்டர் விலையில் எந்த மாற்றமும் இல்லாமல் ஒரே விலையில் நீடித்து வருவது குறிப்பிடத்தக்கது.