Air India: நீங்கள் அடிக்கடி ஏர் இந்தியா விமானத்தில் பயணம் செய்பவரா? ஏர் இந்தியா நிறுவனம் தங்களது சேவைகளில் கொண்டு வந்துள்ள புதிய மாற்றங்கள் என்னென்ன என்பது குறித்து இந்த செய்தியில் விரிவாக பார்க்கலாம்.
ஏர் இந்தியா விமான நிறுவனம் தனது விமானங்கள் மற்றும் சேவைகளில் பெரிய மாற்றங்களைத் தொடங்கியுள்ளது. இதன் மூலம், நீண்ட தூர விமானங்களில் பயணம் செய்யும் பயணிகள் பல புதிய வசதிகளை அனுபவிக்க முடியும். இது பயணிகளின் அனுபவத்தை முற்றிலும் மாற்றும் என எதிர்பார்க்கப்படுகிறது. ஏர் இந்தியா தற்போது தனது பழைய விமானங்களின் கேபின்களை முழுமையாக அப்கிரேடு செய்கிறது.
24
டிக்கெட் புக்கிங், செக்-இன், பாதுகாப்பு சோதனை
அதாவது புதிய, வசதியான இருக்கைகள் மற்றும் பயணிகளுக்கு அதிக லெக் ரூம் (leg room) போன்ற வசதிகளை ஏற்படுத்துகிறார்கள். இந்த மாற்றங்கள் நீண்ட தூரப் பயணங்களை மிகவும் வசதியாக மாற்றும். இதனுடன், அதிநவீன இன்-ஃப்ளைட் என்டர்டெயின்மென்ட் சிஸ்டமும் நிறுவப்படுகிறது. விமானத்திற்குள் மட்டுமல்ல, ஒட்டுமொத்த பயண அனுபவத்தையும் ஏர் இந்தியா மேம்படுத்தி வருகிறது. டிக்கெட் புக்கிங், செக்-இன், பாதுகாப்பு சோதனை, போர்டிங் மற்றும் பேக்கேஜ் சேவைகள் உட்பட 28-க்கும் மேற்பட்ட பயணிகள் தொடர்புடைய சேவைகளில் நிறுவனம் சீர்திருத்தங்களைச் செய்துள்ளது.
'Vihaan.AI' 5 ஆண்டு மாஸ்டர் பிளான்
ஏர் இந்தியாவின் இந்த அதிரடி மாற்றங்கள் அனைத்தும் 'Vihaan.AI' என்ற 5 ஆண்டுக்கால மாஸ்டர் பிளானின் கீழ் தற்பொழுது நடந்து வருகின்றன. இதன் இலக்கு, அடுத்த சில ஆண்டுகளில் உலக அளவில் மிகச்சிறந்த டாப் 5 விமான நிறுவனங்களில் ஒன்றாக ஏர் இந்தியாவை மாற்றுவதாகும்.
34
வாடிக்கையாளர் சேவை நெட்வொர்க் அப்டேட்
ஏர் இந்தியா தனது வாடிக்கையாளர் சேவை நெட்வொர்க்கை பலப்படுத்தியுள்ளது. நீண்ட வரிசைகளைத் தவிர்க்க, விமான நிலையங்களில் செல்ஃப்-சர்வீஸ் கியோஸ்க்குகள் மற்றும் ஆட்டோமேட்டிக் பேக் டிராப் போன்ற டிஜிட்டல் வசதிகளை வழங்க உள்ளது. இது பயணிகளின் நேரத்தை மிச்சப்படுத்துவதோடு, முழு செயல்முறையையும் முன்பை விட எளிதாக்கும். மேலும், பேக்கேஜ் டிரான்ஸ்ஃபர் மற்றும் கனெக்டிங் விமான ஏற்பாடுகளும் மேம்படுத்தப்பட்டுள்ளன.
ஏர் இந்தியா தனது லாயல்டி மற்றும் ரிவார்டு சிஸ்டத்தையும் அப்கிரேடு செய்துள்ளது. பயணிகள் இப்போது தங்கள் ரிவார்டு பாயிண்ட்களைப் பயன்படுத்தி டிக்கெட் புக் செய்வது அல்லது எகானமி வகுப்பிலிருந்து பிசினஸ் கிளாஸுக்கு அப்கிரேடு செய்வது போன்றவற்றை எளிதாகச் செய்ய முடியும். ஸ்டார் அலையன்ஸ் (Star Alliance) உறுப்பினர் என்பதால், 25-க்கும் மேற்பட்ட சர்வதேச விமான நிறுவனங்களில் இந்தப் பாயிண்ட்களைப் பயணிகள் பயன்படுத்திக்கொள்ளலாம். எதிர்காலத்தில், ஏர்போர்ட் லவுஞ்ச், கூடுதல் லக்கேஜ் மற்றும் பார்ட்னர் ஹோட்டல்கள் போன்ற வசதிகளுக்கும் இந்தப் பாயிண்ட்களைப் பயன்படுத்த முடியும்.
விஸ்தாரா (Vistara) இணைப்பு மற்றும் 'மகாராஜா' கிளப் மாற்றம்
ஏர் இந்தியா மற்றும் விஸ்தாரா விமான நிறுவனங்களின் இணைப்பு முழுமையாக முடிவடைந்துள்ளது. இதன் காரணமாக, விஸ்தாராவின் புகழ்பெற்ற 'கிளப் விஸ்தாரா' (Club Vistara) லாயல்டி புரோகிராம், ஏர் இந்தியாவின் புதிய 'மகாராஜா கிளப்' (Flying Returns) உடன் இணைக்கப்பட்டுள்ளது. விஸ்தாராவில் பயணிகள் வைத்திருந்த பாயிண்ட்கள் மற்றும் எலைட் ஸ்டேட்டஸ்கள் அப்படியே ஏர் இந்தியாவிற்கு மாற்றப்பட்டுள்ளன.
வணிகம் (Business Ideas in Tamil), வங்கிகள் (Banking News), நிதி, இந்திய பொருளாதாரம் , உலக சந்தை, பங்கு சந்தை, முதலீடு உள்ளிட்ட பல்வேறு தகவல்கள் மற்றும் சமீபத்திய நிதி செய்திகள் அனைத்தையும் ஏஷ்யாநெட் தமிழ் நியூஸில் படிக்கலாம்.
