8-வது ஊதியக் குழு எப்போது அமலுக்கு வரும் என மத்திய அரசு ஊழியர்களும் ஓய்வூதியதாரர்களும் ஆவலோடு காத்திருக்கிறார்கள். புதிய ஊதியக் குழு வந்தால் பென்ஷன் எவ்வளவு உயரும் என்பது குறித்த கணக்கீடுகள் இப்போதே தொடங்கிவிட்டன.
8-வது ஊதியக் குழு மீது மத்திய அரசு ஊழியர்களுக்கும் ஓய்வூதியதாரர்களுக்கும் எதிர்பார்ப்பு எகிறியுள்ளது. புதிய ஊதியக் குழு அமலுக்கு வந்தால் பென்ஷன் எவ்வளவு உயரும் என பலரும் கணக்கு போட்டு வருகிறார்கள். குறிப்பாக, ஃபிட்மென்ட் ஃபேக்டர் (Fitment Factor) எவ்வளவு என்பதைப் பொறுத்துதான் புதிய பென்ஷன் தொகை முடிவாகும்.
ஒரு உத்தேச கணக்கீட்டின்படி, ஓய்வூதியதாரர் ஒருவரின் தற்போதைய அடிப்படை பென்ஷன் ரூ.25,000 ஆக இருந்தால், 3.5 ஃபிட்மென்ட் ஃபேக்டர் அடிப்படையில் அது ரூ.87,500 ஆக உயரலாம். இதுவே ஃபிட்மென்ட் ஃபேக்டர் 3 ஆக இருந்தால் பென்ஷன் ரூ.75,000 ஆகவும், 2.5 ஆக இருந்தால் ரூ.62,500 ஆகவும் மாற வாய்ப்புள்ளது. ஆனால், இவை எல்லாமே உத்தேச கணக்கீடுதான். அரசு இன்னும் அதிகாரப்பூர்வமாக எதையும் அறிவிக்கவில்லை.
பழைய அடிப்படை சம்பளம் அல்லது பென்ஷனை புதிய ஊதியக் கட்டமைப்புக்கு ஏற்ப மாற்றுவதற்குப் பயன்படும் ஒரு பெருக்கல் எண்தான் இந்த ஃபிட்மென்ட் ஃபேக்டர். உதாரணத்துக்கு, ஒருவரின் தற்போதைய அடிப்படை பென்ஷன் ரூ.25,000 என வைத்துக்கொள்வோம். 2.5 ஃபிட்மென்ட் ஃபேக்டர் அடிப்படையில் இது ரூ.62,500 ஆகவும், 3 ஃபிட்மென்ட் ஃபேக்டர் அடிப்படையில் ரூ.75,000 ஆகவும், 3.5 அடிப்படையில் ரூ.87,500 ஆகவும் உயரும்.
தற்போது ரூ.50,000 அடிப்படை பென்ஷன் வாங்கும் ஒருவருக்கு, 2.5 ஃபிட்மென்ட் ஃபேக்டர் அடிப்படையில் புதிய பென்ஷன் ரூ.1 லட்சத்து 25 ஆயிரமாக உயரலாம். இதுவே 3 ஃபிட்மென்ட் ஃபேக்டராக இருந்தால் ரூ.1 லட்சத்து 50 ஆயிரமாகவும், 3.5 ஆக இருந்தால் ரூ.1 லட்சத்து 75 ஆயிரமாகவும் பென்ஷன் தொகை அதிகரிக்க வாய்ப்புள்ளது.
கோரிக்கைகளும் குழுவின் இறுதிப் பரிந்துரைகளும் வெவ்வேறானவை
8-வது ஊதியக் குழுவிடம் ஊழியர் மற்றும் ஓய்வூதியதாரர் சங்கங்கள் பல கோரிக்கைகளை முன்வைத்துள்ளன. பென்ஷன் தொகையை உயர்த்துவது, குறைந்தபட்ச பென்ஷனை அதிகரிப்பது, குடும்ப ஓய்வூதிய பலன்களை மேம்படுத்துவது ஆகியவை இதில் அடங்கும். ஆனால், சங்கங்களின் கோரிக்கைகளும் குழுவின் இறுதிப் பரிந்துரைகளும் வெவ்வேறானவை. 2.5, 3 அல்லது 3.5 என எந்த ஃபிட்மென்ட் ஃபேக்டரையும் அரசு இன்னும் இறுதி செய்யவில்லை. அதிகாரப்பூர்வ அறிவிப்பு வரும் வரை நாம் காத்திருக்க வேண்டும்.
வணிகம் (Business Ideas in Tamil), வங்கிகள் (Banking News), நிதி, இந்திய பொருளாதாரம் , உலக சந்தை, பங்கு சந்தை, முதலீடு உள்ளிட்ட பல்வேறு தகவல்கள் மற்றும் சமீபத்திய நிதி செய்திகள் அனைத்தையும் ஏஷ்யாநெட் தமிழ் நியூஸில் படிக்கலாம்.
