SIP என்பது மியூச்சுவல் ஃபண்டுகளில் முதலீடு செய்வதற்கான முதலீட்டுத் திட்டம் ஆகும். இந்த முறையில் 5x12x40 ஃபார்முலாவை பின்பற்றி நிலையான இடைவெளியில் குறிப்பிட்ட தொகையை முதலீடு செய்தால் நீங்களும் கோடீஸ்ரவனாக முடியும்.
ஒவ்வொரு நபரும் தனது குழந்தைகளின் எதிர்காலத்தை மேம்படுத்துவதற்காக கடினமாக உழைத்து சம்பாதித்த பணத்தை சேமித்து வைக்கிறார்கள். அந்தப் பணத்தைப் பெருக்க SIP இல் முதலீடு செய்தால், குழந்தையின் எதிர்காலம் மேம்படுவதோடு மட்டுமல்லாமல், நீங்களும் கோடீஸ்வரராக உயரலாம். இதற்கு ஒரு எளிய SIP ஃபார்முலா உள்ளது. அதுதான் 5x12x40.
SIP என்றால் என்ன?
எஸ்.ஐ.பி. (SIP) அல்லது முறையான முதலீட்டுத் திட்டம் என்பது மியூச்சுவல் ஃபண்டுகளில் முதலீடு செய்வதற்கான வசதியான மற்றும் ஒழுக்கமான வழியாகும். நிலையான இடைவெளியில் (மாதாந்திர, காலாண்டு அல்லது ஆண்டுதோறும்) ஒரு குறிப்பிட்ட தொகையை முதலீடு செய்ய வேண்டும். இதன் மூலம் சிறு முதலீடுகளை காலப்போக்கில் பெரிய தொகையாக மாற்ற முடியும்.
SIP முதலீடின் நன்மைகள்:
தொடர்ந்து முதலீடு செய்வது நிதி ஒழுக்கத்தை உருவாக்குகிறது. சிறிய முதலீட்டுக்கு பெரிய லாபம் கிடைக்கும். வெறும் ரூ.500 முதல் முதலீட்டைத் தொடங்கலாம். சந்தை ஏற்ற இறக்கங்கள் இருந்தபோதிலும், உங்கள் முதலீடுகளின் சராசரி செலவு குறைவாகவே இருக்கும். நீண்ட காலம் முதலீடு செய்வதன் மூலம், முதலீட்டாளர்கள் வட்டிக்கு வட்டி பெறுகிறார்கள். SIP நெகிழ்வுத்தன்மை கொண்டது. உங்கள் முதலீட்டை எப்போது வேண்டுமானாலும் அதிகரிக்கலாம், குறைக்கலாம் அல்லது நிறுத்தலாம். குழந்தைகளின் கல்வி, வீடு வாங்குதல் அல்லது ஓய்வூதிய திட்டமிடல் போன்ற நீண்ட கால இலக்குகளுக்கு SIP பயனுள்ளதாக இருக்கும்.
SIP எப்படி வேலை செய்கிறது?
நீங்கள் மியூச்சுவல் ஃபண்ட் திட்டத்தைத் தேர்ந்தெடுத்து முதலீட்டுத் தொகையை முடிவு செய்யுங்கள். ஒவ்வொரு மாதமும் ஒரு தேதியில் இந்தத் தொகை உங்கள் வங்கிக் கணக்கிலிருந்து கழிக்கப்பட்டு, மியூச்சுவல் ஃபண்டில் முதலீடு செய்யப்படும்.
முதலீடு செய்யப்பட்ட பணத்தில் ஃபண்ட் யூனிட்கள் வாங்கப்படுகின்றன. அவற்றின் எண்ணிக்கை அந்த நாளில் ஃபண்டின் NAV ஐ பொறுத்தது. முதலீடு காலப்போக்கில் வளரும். சந்தையில் ஃபண்டின் செயல்பாட்டிற்கு ஏற்ப வருமானம் கிடைக்கும்.
SIP 5x12x40 ஃபார்முலா என்றால் என்ன?
இந்த ஃபார்முலா உங்கள் குழந்தைக்கானது என எளிமையாகப் புரிந்துகொள்ளலாம். அதாவது, உங்கள் குழந்தைக்கு 5 வயதாகும்போது, ஒவ்வொரு மாதமும் 5000 ரூபாய் அவர் பெயரில் டெபாசிட் செய்ய வேண்டும். இதில் முக்கியமான விஷயம் என்னவென்றால், நீங்கள் தொடர்ந்து 40 ஆண்டுகளுக்கு ஒவ்வொரு மாதமும் 5000 ரூபாய் டெபாசிட் செய்ய வேண்டும். இதில் நீங்கள் ஆண்டுதோறும் சுமார் 12% வருமானத்தைப் பெறலாம். உங்கள் மகன் அல்லது மகளுக்கு 45 வயதாகும்போது, அவருக்கு ரூ.6 கோடி கிடைக்கும்.
SIP மூலம் 5 வயது குழந்தை கோடீஸ்வரனாவது எப்படி?
SIP மூலம் முதலீடு செய்து 5 வயது குழந்தைகூட ரூ.6 கோடி பெறலாம். இதற்காக, குழந்தையின் 18 வயது வரை ஒவ்வொரு மாதமும் 5000 ரூபாய் டெபாசிட் செய்ய வேண்டும். உங்கள் பிள்ளைக்கு 18 வயதாகும்போது, இந்த SIP கணக்கு அவரது பெயருக்கு மாற்றப்படும். மேலும் அவர் ஒவ்வொரு மாதமும் தானாகவே தனது பணத்தை டெபாசிட் செய்வார். அவருக்கு 40 வயது நிறைவடையும் வரை ஒவ்வொரு மாதமும் 5000 ரூபாய் டெபாசிட் செய்ய வேண்டும். அவருக்கு 40 வயதாகும் போது சுமார் ரூ.6 கோடி கிடைக்கும்.
SIP இல் எவ்வளவு வருமானம் கிடைக்கும்?
எஸ்ஐபி மூலம் ஈக்விட்டி மியூச்சுவல் ஃபண்டுகளில் முதலீடு செய்வது சராசரியாக 12% ஆண்டு வருமானத்தை அளிக்கிறது. 5 வயதிலிருந்து 40 வயது வரை சுமார் 480 தவணைகளில் மாதம்தோறும் ரூ.5000 டெபாசிட் செய்தால். மொத்த டெபாசிட் ரூ.24 லட்சம் ஆகும். இதற்கு சுமார் 12% வீதம் வருமானம் கிடைக்கும்.
5000 ரூபாயில் தொடங்கி 6 கோடி வரை:
உங்கள் குழந்தையின் பெயரில் ஒவ்வொரு மாதமும் 5000 ரூபாய் டெபாசிட் செய்கிறீர்கள் என்று வைத்துக்கொள்வோம். அவருக்கு 40 வயது ஆகும்போது மொத்த முதலீட்டுத் தொகை ரூ.24 லட்சமாக இருக்கும். இதற்கு 12% வருடாந்திர வருமானம் கிடைத்திருக்கும். இதன் மூலம் சுமார் ரூ.5,70,12,101 வருமானம் கிடைக்கும். இதில் மொத்த முதலீட்டுத் தொகையான ரூ.24 லட்சத்தையும், ரிட்டர்ன் தொகையான ரூ.5,70,12,101ஐயும் சேர்த்தால், உங்களுக்கு ரூ.5,94,12,101 கிடைக்கும். அதாவது சுமார் ரூ.6 கோடி கிடைக்கும்.
சேனலை கிளிக் செய்து பின்தொடரவும்