Upcoming Mid Size SUVs: கிரெட்டாவின் ஆதிக்கத்திற்கு ஆப்பு வைக்க வரும் 2 புதிய எஸ்யூவி-கள்!

Upcoming Mid Size SUVs : இந்திய மிட்-சைஸ் எஸ்யூவி செக்மென்ட்டில் போட்டி அதிகமாகப் போகிறது. இரண்டு புதிய மாடல்கள் களமிறங்குகின்றன. இந்த இரண்டும் ஹூண்டாய் கிரெட்டாவிற்கு கடும் போட்டியை உருவாக்கும் என எதிர்பார்க்கப்படுகிறது.

Upcoming Mid Size SUV

இந்தியாவின் மிட்-சைஸ் எஸ்யூவி மார்க்கெட் அடுத்த 14 நாட்களில் அனல் பறக்கப் போகிறது. ஹூண்டாய் கிரெட்டா மற்றும் கிரெட்டா எலக்ட்ரிக் கார்களுக்கு சவால் விடும் வகையில், டாடா மோட்டார்ஸ் மற்றும் நிசான் இந்தியா ஆகிய நிறுவனங்கள் இரண்டு புதிய எஸ்யூவி-க்களை அறிமுகப்படுத்த தயாராகி வருகின்றன. டாடா சியாரா EV ஜூன் 30-ஆம் தேதியும், நிசான் டெக்டன் ஜூலை 9, 2026-அன்றும் அதிகாரப்பூர்வமாக அறிமுகமாக உள்ளன.

டாடா சியாரா EV: 500 கி.மீ. ரேஞ்ச் உடன் மாஸ் என்ட்ரி!

டாடா மோட்டார்ஸ் நிறுவனம், சியாரா EV காரின் அதிகாரப்பூர்வ டீசர் வீடியோவை வெளியிட்டுள்ளது. காரின் பவர்டிரெய்ன் குறித்த தகவல்களை நிறுவனம் இன்னும் வெளியிடவில்லை. ஆனாலும், டாடா ஹாரியர் EV-யில் பயன்படுத்தப்படும் 65kWh மற்றும் 75kWh பேட்டரி பேக்குகள்தான் சியாரா EV-யிலும் பயன்படுத்தப்படும் என்று தகவல்கள் தெரிவிக்கின்றன.

உயர்ந்த வேரியன்ட்களில் டூயல் மோட்டார் ஆல்-வீல் டிரைவ் (AWD) சிஸ்டம் இருக்கும் என்றும் எதிர்பார்க்கப்படுகிறது. ஒருமுறை முழுமையாக சார்ஜ் செய்தால் 500 கிலோமீட்டருக்கும் அதிகமான ரேஞ்சை இந்த கார் வழங்கும் என எதிர்பார்க்கலாம். காரின் வெளிப்புறத்தில், பாடி கலரிலேயே மூடப்பட்ட கிரில், புதிய முன்பக்க பம்பர், பளபளப்பான கருப்பு நிற ஃபினிஷ், சில்வர் ஸ்கிட் பிளேட் மற்றும் 'சியாரா.ev' பேட்ஜிங் ஆகியவை முக்கிய அம்சங்களாக உள்ளன.

இத்தனை வசதிகளா?

உட்புறத்தில், ட்ரிபிள் ஸ்கிரீன் செட்டப், வயர்லெஸ் ஆப்பிள் கார்பிளே மற்றும் ஆண்ட்ராய்டு ஆட்டோ, ஆக்மென்டட் ரியாலிட்டி ஹெட்ஸ்-அப் டிஸ்ப்ளே (HUD), பனோரமிக் சன்ரூஃப், 13 ஸ்பீக்கர்கள் கொண்ட ஜேபிஎல் ஆடியோ சிஸ்டம், iRA கனெக்டட் கார் தொழில்நுட்பம், லெவல்-2 ADAS பாதுகாப்பு அமைப்பு மற்றும் பல ஏர்பேக்குகள் போன்ற நவீன வசதிகள் இடம்பெறும் என எதிர்பார்க்கப்படுகிறது. இந்த காரின் விலை சுமார் 18 லட்சம் முதல் 25 லட்சம் ரூபாய் வரை இருக்கலாம்.

நிசான் டெக்டன்: டஸ்டரின் புதிய அவதாரம்!

நிசான் டெக்டன் என்பது அடிப்படையில் புதிய ரெனால்ட் டஸ்டரின் ரீபேட்ஜ் செய்யப்பட்ட மாடல்தான். ஆனால், நிசானின் ஃபிளாக்ஷிப் மாடலான பேட்ரோல் எஸ்யூவி-யை பார்த்து இன்ஸ்பயர் ஆகி, ஒரு புதிய டிசைனில் இதை உருவாக்கியுள்ளனர். பெரிய கருப்பு நிற கிரில், சிவப்பு நிற அலங்காரப் பட்டை, இணைக்கப்பட்ட எல்இடி டேடைம் ரன்னிங் லைட்டுகள், உயரமான பானெட், முரட்டுத்தனமான வீல் ஆர்ச்கள், இணைக்கப்பட்ட எல்இடி டெயில்லைட்டுகள், சில்வர் ஸ்கிட் பிளேட் மற்றும் ரூஃப் ஸ்பாய்லர் ஆகியவை இந்த காரின் முக்கிய டிசைன் அம்சங்கள்.

இன்ஜினைப் பொறுத்தவரை, 100 bhp பவர் கொண்ட 1.0 லிட்டர் டர்போ பெட்ரோல் மற்றும் 162 bhp பவர் கொண்ட 1.3 லிட்டர் டர்போ பெட்ரோல் இன்ஜின்கள் இதில் இடம்பெறும். டிரான்ஸ்மிஷன் ஆப்ஷன்களும் ரெனால்ட் டஸ்டரைப் போலவே இருக்கும். டெக்டனின் எதிர்பார்க்கப்படும் விலை 10 லட்சம் முதல் 19 லட்சம் ரூபாய் வரை. இந்த இரண்டு புதிய எஸ்யூவி-க்களின் வருகையால், ஹூண்டாய் கிரெட்டா ஆதிக்கம் செலுத்தும் இந்திய மிட்-சைஸ் எஸ்யூவி மார்க்கெட்டில் போட்டி இன்னும் கடுமையாகும் என்பது உறுதி.