Budget Cars: வெறும் 3.50 லட்சத்தில் கார்! சூப்பர் மைலேஜ், கம்மி விலையில் கிடைக்கும் டாப் 5 மாடல்கள் இதோ!

Top 5 Budget Cars : நம்ம பட்ஜெட்டுக்குள்ளயே கார் வாங்கணுமா? வெறும் 3.50 லட்ச ரூபாயில் கார் கனவை நனவாக்கலாம்! சூப்பரான மைலேஜ், குறைவான விலையில் கிடைக்கும் இந்தியாவின் டாப் 5 பட்ஜெட் கார்கள்.

மாருதி சுஸுகி எஸ்-பிரஸ்ஸோ

குறைந்த பட்ஜெட்டில் கார் வாங்க நினைப்பவர்களுக்கு விலை மட்டுமல்லாமல், மைலேஜும் முக்கியமான காரணியாக உள்ளது. குறிப்பாக பெட்ரோல் விலை உயர்ந்து வரும் நிலையில், சிறந்த மைலேஜ் வழங்கும் ஹேட்ச்பேக் கார்களுக்கு தொடர்ந்து வரவேற்பு உள்ளது. அந்த வகையில், ரூ.3.50 லட்சம் முதல் கிடைக்கும் டாப் 5 பட்ஜெட் கார்களைப் பற்றி இந்த தொகுப்பில் விரிவாக பார்க்கலாம்.

மாருதி சுஸுகி எஸ்-பிரஸ்ஸோவின் ஆரம்ப எக்ஸ்-ஷோரூம் விலை ரூ.3.50 லட்சமாக உள்ளது. பெட்ரோல் மற்றும் சிஎன்ஜி ஆப்ஷன்களில் கிடைக்கும் இந்த கார், பெட்ரோல் மாடலில் லிட்டருக்கு 24.12 முதல் 25.30 கி.மீ வரை மைலேஜ் வழங்குகிறது. சிஎன்ஜி வெர்ஷன் ஒரு கிலோவுக்கு 32.73 கி.மீ வரை செல்லும் திறன் கொண்டதாக கூறப்படுகிறது.

மாருதி சுஸுகி ஆல்டோ K10

ஆல்டோ K10 காரின் ஆரம்ப எக்ஸ்-ஷோரூம் விலை ரூ.3.70 லட்சம். பெட்ரோல் மற்றும் சிஎன்ஜி தேர்வுகளுடன் விற்பனை செய்யப்படும் இந்த மாடல், பெட்ரோலில் 24.39 முதல் 24.90 கி.மீ/லி வரையிலும், சிஎன்ஜியில் 33.40 முதல் 33.85 கி.மீ/கி.கி வரையிலும் மைலேஜ் தருகிறது.

ரெனால்ட் க்விட் (Renault Kwid)

ரெனால்ட் க்விட் காரின் விலை ரூ.4.30 லட்சம் முதல் தொடங்குகிறது. பெட்ரோல் ஹேட்ச்பேக் மாடலான இது லிட்டருக்கு சுமார் 22 கி.மீ மைலேஜ் வழங்குகிறது. சிஎன்ஜி மாடலில் 26.49 கி.மீ/கி.கி வரை மைலேஜ் கிடைக்கும் என தெரிவிக்கப்படுகிறது.

டாடா டியாகோ (Tata Tiago)

டாடா நிறுவனத்தின் பிரபலமான ஹேட்ச்பேக் மாடல்களில் ஒன்றான டியாகோவின் ஆரம்ப எக்ஸ்-ஷோரூம் விலை ரூ.4.57 லட்சம். பெட்ரோல் மற்றும் சிஎன்ஜி ஆப்ஷன்களில் கிடைக்கும் இந்த காரில், பெட்ரோல் மாடல் சுமார் 20 கி.மீ/லி மைலேஜையும், சிஎன்ஜி மாடல் 27.28 கி.மீ/கி.கி மைலேஜையும் வழங்குகிறது.

மாருதி சுஸுகி செலிரியோ (Maruti Suzuki Celerio)

இந்த பட்டியலில் மைலேஜ் அடிப்படையில் கவனம் ஈர்க்கும் மற்றொரு கார் மாருதி சுஸுகி செலிரியோ. இதன் ஆரம்ப எக்ஸ்-ஷோரூம் விலை ரூ.4.70 லட்சமாகும். பெட்ரோல் வெர்ஷன் 24.97 முதல் 26.68 கி.மீ/லி வரை மைலேஜ் வழங்குகிறது. சிஎன்ஜி மாடல் ஒரு கிலோவுக்கு 34.43 கி.மீ வரை மைலேஜ் தருவதாக கூறப்படுகிறது.

குறைந்த விலை, நல்ல மைலேஜ் மற்றும் தினசரி பயன்பாடு ஆகியவற்றை கருத்தில் கொண்டு கார் தேடுபவர்களுக்கு இந்த மாடல்கள் பட்ஜெட்டுக்கு ஏற்ற தேர்வுகளாக இருக்கலாம். வேரியன்ட், எரிபொருள் வகை மற்றும் நகரும் சூழலைப் பொறுத்து உண்மையான மைலேஜ் மாறுபடலாம்.