லைட் வெயிட், 125சிசி இன்ஜின்: ரூ.90,000-க்குள் கிடைக்கும் 5 கெத்தான லோ-சீட் ஸ்கூட்டர்கள்!

ரூ.90,000 பட்ஜெட்டில் கிடைக்கும் குறைந்த எடை மற்றும் குறைந்த இருக்கை உயரம் (Seat Height) கொண்ட சிறந்த 5 ஸ்கூட்டர்களின் விவரங்களை பற்றி பார்ப்போம்.

குறைந்த சீட் உயரம் ஸ்கூட்டர்கள்

உயரம் குறைவாக இருப்பவர்கள் ஒரு புதிய ஸ்கூட்டரைத் தேர்ந்தெடுக்கும் போது, அதன் இருக்கையின் உயரம் (Seat Height) மற்றும் வண்டியின் எடை மிக முக்கியப் பங்காற்றுகின்றன. டிராஃபிக்கில் நிற்கும் போதும், வாகனத்தைப் பார்க் செய்யும் போதும் கால்கள் தரைக்கு எட்ட வேண்டும் என்றால், அதிக எடையும் உயரமான இருக்கையும் கொண்ட வண்டிகளை ஓட்டுவது சிரமமாக இருக்கும். இந்தச் சிக்கல்களுக்கெல்லாம் ஒரு முற்றுப்புள்ளி வைக்கும் விதமாக, ரூ.90,000 விலைக்குள் கிடைக்கும் 5 லேசான ஸ்கூட்டர்கள் பற்றிய விவரங்களை பார்போம்.

டிவிஎஸ் ஸ்கூட்டி ஜெஸ்ட் 110 (TVS Scooty Zest 110)

குறைந்த உயரம் உள்ளவர்களுக்கு மிகவும் பொருத்தமான மற்றும் பிராக்டிகலான ஸ்கூட்டர்களில் இது முதலிடத்தில் உள்ளது.

இருக்கை உயரம் - 760 மிமீ (வண்டியை நிறுத்தும் போது கால்கள் சுலபமாகத் தரைக்கு எட்டும்)

இன்ஜின் - 109.7சிசி ஏர்-கூல்டு இன்ஜின்

எடை - 103 கிலோ (கையாளுவது மிக எளிது)

சிறப்பம்சங்கள் - 19 லிட்டர் அண்டர்-சீட் ஸ்டோரேஜ், டெலஸ்கோபிக் சஸ்பென்ஷன், டூப்லெஸ் டயர்கள்

மைலேஜ் - லிட்டருக்கு 45 முதல் 50 கி.மீ வரை

எக்ஸ்-ஷோரூம் விலை - தோராயமாக ரூ.70,000 முதல் ரூ.75,000 வரை

யமஹா பாஸினோ 125 எஃப்ஐ ஹைப்ரிட் (Yamaha Fascino 125 Fi Hybrid)

சற்று கூடுதல் பவர் கொண்ட 125சிசி இன்ஜின் வேண்டும், அதே நேரத்தில் வண்டியும் மிகவும் லேசாக இருக்க வேண்டும் என்று நினைப்பவர்களுக்கு இது ஒரு சிறந்த தேர்வாகும்.

இருக்கை உயரம் - 780 மிமீ

எடை - 98 முதல் 99 கிலோ வரை

சிறப்பம்சங்கள் - ஸ்மார்ட் மோட்டார் ஜெனரேட்டர் (Smart Motor Generator) தொழில்நுட்பம் (முடுக்கத்தை எளிதாக்குகிறது), 21 லிட்டர் ஸ்டோரேஜ், எல்இடி லைட்டிங், ப்ளூடூத் கனெக்டிவிட்டி

மைலேஜ் - லிட்டருக்கு 49 முதல் 55 கி.மீ வரை

எக்ஸ்-ஷோரூம் விலை - தோராயமாக ரூ.78,000 முதல் ரூ.90,000 வரை

ஹீரோ பிளஷர்+ எக்ஸ்டெக் (Hero Pleasure+ XTEC)

கச்சிதமான வடிவம் மற்றும் லேசான எடையுடன் தினசரி பயன்பாட்டுக்கு ஏற்ற வகையில் உருவாக்கப்பட்டுள்ளது.

இருக்கை உயரம் - 765 மிமீ

எடை - சுமார் 104 முதல் 106 கிலோ வரை

இன்ஜின் - 110.9சிசி இன்ஜின்

சிறப்பம்சங்கள் - ப்ளூடூத் கனெக்டிவிட்டி, கால்/எஸ்எம்எஸ் அலெர்ட், எல்இடி புரெக்டர் ஹெட்லேம்ப், யூஎஸ்பி சார்ஜிங் போர்ட்

மைலேஜ் - லிட்டருக்கு தோராயமாக 50 கி.மீ

எக்ஸ்-ஷோரூம் விலை - சுமார் ரூ.70,000 முதல் ரூ.85,000 வரை

டிவிஎஸ் ஸ்கூட்டி பெப்+ (TVS Scooty Pep+)

மிகவும் குறைந்த எடையில் வண்டியை இயக்க விரும்பும் ஆரம்ப நிலை ரைடர்களுக்காகப் பரவலாக அறியப்பட்ட மாடல்.

இருக்கை உயரம் - சுமார் 765 மிமீ

எடை - 93 முதல் 95 கிலோ (குறுகிய வீதிகளிலும் டிராஃபிக்கிலும் மிக எளிதாக ஓட்டலாம்)

இன்ஜின் - 87.8சிசி இன்ஜின்

மைலேஜ் - லிட்டருக்கு தோராயமாக 50 கி.மீ

இந்த மாடல் தற்போது புதிய உற்பத்தியில் இல்லை என்பதால், செகண்ட்-ஹேண்ட் (Used Market) மார்க்கெட்டில் மட்டுமே கிடைக்க வாய்ப்புள்ளது.

யமஹா ரே இசட்ஆர் 125 ஹைப்ரிட் (Yamaha RayZR 125 Fi Hybrid)

சற்று ஸ்போர்ட்டியான லுக்கில், அதே சமயம் அதிக எடையில்லாத ஒரு ஸ்கூட்டரைத் தேடும் குறுகிய உயர ரைடர்களுக்கு யமஹா ரே இசட்ஆர் ஒரு சரியான தேர்வாகும்.

இருக்கை உயரம் - 785 மிமீ

எடை - 99 கிலோ

இன்ஜின் - பாஸினோ போலவே இதுவும் 125சிசி ஹைப்ரிட் இன்ஜின் பிளாட்ஃபார்மைப் பயன்படுத்துகிறது.

சிறப்பம்சங்கள் - ஸ்போர்ட்டி டிசைன், ஸ்டாப்-ஸ்டார்ட் சிஸ்டம், நல்ல முடுக்கம்

மைலேஜ் - லிட்டருக்கு 49 முதல் 55 கி.மீ வரை

எக்ஸ்-ஷோரூம் விலை - தோராயமாக ரூ.78,000 முதல் ரூ.90,000 வரை