ஒரே மாதத்தில் 1.5 லட்சம் கார்கள் விற்பனை.. ஜனவரியில் ஹிட் அடித்த கார் எது தெரியுமா?

2026 ஜனவரியில் இந்திய பயணிகள் வாகனச் சந்தை வலுவான வளர்ச்சியுடன் தொடங்கியுள்ளது. முதல் 10 அதிகம் விற்பனையான கார்கள் மட்டும் 1.57 லட்சம் யூனிட்களை விற்று, 28.49% ஆண்டு வளர்ச்சியை பதிவு செய்துள்ளன.

ஜனவரி 2026 கார் விற்பனை

2026 ஆம் ஆண்டை இந்திய பயணிகள் வாகனச் சந்தை உற்சாகமான தொடக்கத்துடன் ஆரம்பித்துள்ளது. 2026 ஜனவரி மாதத்தில் அதிகம் விற்பனையான முதல் 10 கார்கள் மட்டும் சேர்த்து 1,57,416 யூனிட்கள் விற்றுள்ளன. இது கடந்த 2025 ஜனவரியில் பதிவான 1,22,513 யூனிட்களுடன் ஒப்பிடும்போது 28.49 சதவீத ஆண்டு வளர்ச்சியாகும். குறிப்பாக காம்பாக்ட் எஸ்யூவிகள் மற்றும் நான்கு மீட்டருக்கும் குறைவான எஸ்யூவிகள் தான் வாடிக்கையாளர்களின் முக்கிய தேர்வாக மாறியுள்ளனர்.

டாடா நெக்ஸான் விற்பனை

இந்த பட்டியலில் முதலிடத்தை டாடா நெக்ஸான் கைப்பற்றியுள்ளது. பெட்ரோல், டீசல் தவிர எலக்ட்ரிக் வேரியண்ட் ஆதரவுடன், ஜனவரியில் மொத்தம் 23,365 யூனிட்கள் விற்பனையாகி உள்ளது. இது கடந்த ஆண்டை விட 51.75 சதவீத வளர்ச்சியை பதிவு செய்துள்ளது. இதனை தொடர்ந்து டாடா பஞ்ச் இரண்டாவது இடத்தில் உள்ளது. பஞ்ச் தனது வரலாற்றிலேயே சிறந்த மாதாந்திர விற்பனையை பதிவு செய்து, 19,257 யூனிட்களை விற்றுள்ளது.

அதிகம் விற்பனையான கார்கள்

மூன்றாவது இடத்தில் ஹூண்டாய் கிரெட்டா 17,921 யூனிட்கள் விற்பனையுடன் இடம் பெற்றுள்ளது. இருப்பினும், நடுத்தர எஸ்யூவி பிரிவில் போட்டி அதிகரித்ததன் காரணமாக அதன் விற்பனையில் 3.24 சதவீத சரிவு காணப்படுகிறது. இதனை தொடர்ந்து மாருதி பிரெஸ்ஸா 17,486 யூனிட்களை விற்று, நகரங்கள் மற்றும் சிற்றூர்களில் இருந்து கிடைக்கும் நிலையான தேவையால் 18.57 சதவீத வளர்ச்சியை பதிவு செய்துள்ளது.

2026 கார் விற்பனை பட்டியல்

மஹிந்திரா ஸ்கார்பியோ மற்றும் ஸ்கார்பியோ-என் மாடல்கள் இணைந்து 15,542 யூனிட்கள் விற்றுள்ளன. ஆனால், கடந்த ஆண்டுடன் ஒப்பிடும்போது வெறும் 0.65 சதவீத வளர்ச்சியே காணப்படுகிறது. இதே நேரத்தில், மாருதி விக்டோரிஸ் (விட்டாரா) 15,240 யூனிட்கள் முதல் 10 பட்டியலில் தனது இடத்தை உறுதிப்படுத்தியுள்ளது.

காம்பாக்ட் எஸ்யூவி விற்பனை

பட்டியலின் கீழ் பகுதிகளில் மாருதி சுசுகி ஃப்ராங்க்ஸ், ஹூண்டாய் வென்யூ, மஹிந்திரா பொலிரோ மற்றும் கியா சோனெட் ஆகியவை இடம் பெற்றுள்ளன. குறிப்பாக பொலிரோ கிராமப்புற சந்தையில் தனது வலுவான பிடிப்பை காட்டி 36.39 சதவீத வளர்ச்சியை பதிவு செய்துள்ளது. கியா சோனெட் 52.88 சதவீத வளர்ச்சியுடன் முதல் 10 பட்டியலில் கடைசி இடத்தை பிடித்துள்ளது. மொத்தத்தில், 2026 தொடக்கமே இந்திய கார் சந்தைக்கு நம்பிக்கையூட்டும் வகையில் அமைந்துள்ளது.