Brezza Facelift: புதிய அவதாரத்தில் மாருதி பிரெஸ்ஸா.! மிடில் கிளாஸ் மக்களுக்கு செம சாய்ஸ்.! விலை எவ்வளவு?

2026 Maruti Brezza Facelift Launch: மாருதி சுஸுகி நிறுவனம் தனது பிரெஸ்ஸா SUV காரை 2026-ல் புதுப்பிக்க உள்ளது. இந்த புதிய மாடலில் 1.0-லிட்டர் டர்போ-பெட்ரோல் இன்ஜின், புதிய டிசைன், பிரீமியம் கேபின் மற்றும் ADAS போன்ற பாதுகாப்பு அம்சங்கள் இடம்பெறும்.

2026 Maruti Brezza Facelift Launch

மாருதி சுஸுகி பிரெஸ்ஸா, அதன் செக்மென்ட்டில் மிகவும் பிரபலமான SUV-களில் ஒன்று. இப்போது, இந்த காருக்கு ஒரு புதிய ஃபேஸ்லிஃப்ட் அப்டேட் வரப்போகிறது. 2026 ஜூலையில் இது அறிமுகமாகும் என எதிர்பார்க்கப்படுகிறது. டிசைன், வசதிகள், இன்ஜின் என பல மாற்றங்கள் இதில் இருக்கும். இதன் ஆரம்ப விலை சுமார் 8.5 லட்சம் ரூபாய் இருக்கலாம்.

புதிய டர்போ இன்ஜின்

புதிய பிரெஸ்ஸா ஃபேஸ்லிஃப்ட்டின் மிகப்பெரிய ஹைலைட், அதன் புதிய இன்ஜின்தான். இதில் 1.0-லிட்டர் டர்போ-பெட்ரோல் இன்ஜின் ஆப்ஷன் கொடுக்கப்படலாம் என தகவல்கள் தெரிவிக்கின்றன. இந்த புதிய டர்போ இன்ஜின் சிறந்த பிக்கப், ஸ்மூத்தான டிரைவிங் அனுபவம் மற்றும் அதிக மைலேஜ் தரும். தற்போதைய 1.5-லிட்டர் பெட்ரோல் இன்ஜினும் சில அப்டேட்களுடன் தொடரும். மேலும், 6-ஸ்பீடு டிரான்ஸ்மிஷனும் இதில் இருக்கும்.

புதிய ஸ்டைலிங் அப்டேட்கள்

புதிய பிரெஸ்ஸாவின் ஒட்டுமொத்த டிசைன் தற்போதைய மாடலைப் போலவே இருந்தாலும், சில புதிய ஸ்டைலிங் அப்டேட்கள் கிடைக்கும். இதில் புதிய முன்பக்க கிரில், அப்டேட் செய்யப்பட்ட LED ஹெட்லேம்ப்ஸ், DRL-கள், புதிய டிசைன் அலாய் வீல்கள் மற்றும் புதுப்பிக்கப்பட்ட டெயில்லேம்ப்ஸ் ஆகியவை இடம்பெறும். முன்பக்க மற்றும் பின்பக்க பம்பர்களிலும் சிறிய மாற்றங்கள் செய்யப்பட்டு, காருக்கு ஷார்ப்பான லுக் கொடுக்கப்படும்.

உட்புறத்திலும் பல மாற்றங்கள்

புதிய பிரெஸ்ஸா ஃபேஸ்லிஃப்ட்டின் உட்புறத்திலும் பல மாற்றங்கள் எதிர்பார்க்கப்படுகின்றன. இதில் பெரிய டச்ஸ்கிரீன் இன்ஃபோடெயின்மென்ட் சிஸ்டம், புதிய டிஜிட்டல் இன்ஸ்ட்ரூமென்ட் கிளஸ்டர் மற்றும் மேம்பட்ட கனெக்டட் கார் தொழில்நுட்பம் ஆகியவை இடம்பெறும் என எதிர்பார்க்கப்படுகிறது. வயர்லெஸ் ஆண்ட்ராய்டு ஆட்டோ, ஆப்பிள் கார்பிளே மற்றும் தரமான கேபின் மெட்டீரியல்கள் மூலம் பிரீமியம் அனுபவம் கிடைக்கும்.

பாதுகாப்பு அம்சங்களுக்கு பெரிய அப்டேட்கள்

மாருதி சுஸுகி பிரெஸ்ஸா ஃபேஸ்லிஃப்ட்டில் பாதுகாப்பு அம்சங்களுக்கு பெரிய அப்டேட்கள் இருக்கும். உயர் ரக வேரியன்ட்களில் கூடுதல் ஏர்பேக்குகள், மேம்பட்ட கட்டமைப்பு பாதுகாப்பு மற்றும் பார்க்கிங் அசிஸ்ட் அம்சங்கள் கொடுக்கப்படலாம். மேலும், பிரெஸ்ஸாவில் முதல் முறையாக ADAS (அட்வான்ஸ்டு டிரைவர் அசிஸ்டன்ஸ் சிஸ்டம்) தொழில்நுட்பமும் இடம்பெறலாம். இது காரின் பாதுகாப்பை இன்னும் அதிகரிக்கும்.

புதிய மாருதி பிரெஸ்ஸாவின் விலை

புதிய மாருதி பிரெஸ்ஸாவின் எக்ஸ்-ஷோரூம் விலை சுமார் 8.5 லட்சம் ரூபாயில் இருந்து தொடங்கும் என எதிர்பார்க்கப்படுகிறது. இதன் டாப் வேரியன்ட்டின் எக்ஸ்-ஷோரூம் விலை 14 லட்சம் முதல் 15 லட்சம் ரூபாய் வரை இருக்கலாம்.