Best Family Car: ஒரே சார்ஜில் சென்னை டூ மதுரை .. 10 ஆண்டு வாரண்டி! மிரட்டும் VinFast VF MPV 7

Best Family Car: வியட்நாமின் VinFast நிறுவனம் தனது VF MPV 7 காரை இந்தியாவில் அறிமுகம் செய்துள்ளது. இந்த காரின் விலை என்ன? சிறப்பம்சங்கள் என்ன? என்பது குறித்து இந்த செய்தியில் பார்க்கலாம்.

VinFast VF MPV 7 கார் அறிமுகம்

இந்தியாவில் அதிக ரேஞ்ச், சிறந்த தொழில்நுட்பம் கொண்ட பிரீமியம் எலெக்ட்ரிக் கார்களுக்கு மவுசு கூடி வருகிறது. அதிக வருமானம் உள்ள வாடிக்கையாளர்கள், வசதிகள் நிறைந்த எலெக்ட்ரிக் கார்களை வாங்க ஆர்வம் காட்டுகின்றனர். இந்த நிலையில், வியட்நாமின் VinFast நிறுவனம் தனது VF MPV 7 காரை இந்தியாவில் அறிமுகம் செய்துள்ளது. VinFast VF MPV 7 கார், பெரிய குடும்பங்களுக்கு ஏற்ற மூன்று வரிசை இருக்கைகள் கொண்ட ஒரு நல்ல தேர்வாகப் பார்க்கப்படுகிறது.

10 ஆண்டுகள் வாரண்டி

எலெக்ட்ரிக் கார்களுக்குப் பராமரிப்புச் செலவும் குறைவு. அந்த வகையில், VinFast நிறுவனம் 3 ஆண்டுகள் அல்லது 36,000 கி.மீ வரை இலவசப் பராமரிப்புச் சேவையை வழங்குகிறது. மேலும், காருக்கு 7 ஆண்டுகள்/1,60,000 கி.மீ வாரண்டியும், பேட்டரிக்கு 10 ஆண்டுகள்/2,00,000 கி.மீ வாரண்டியும் கொடுக்கப்படுகிறது. இந்த MPV கார், குடும்பங்களின் வசதி மற்றும் பயன்பாட்டைக் கருத்தில் கொண்டு வடிவமைக்கப்பட்டுள்ளது.

முழு சார்ஜில் 517 கிமீ ரேஞ்ச்

MIDC சான்றிதழின்படி, இந்த காரை ஒருமுறை முழுமையாக சார்ஜ் செய்தால் 517 கி.மீ வரை பயணிக்கலாம். மூன்று வரிசைகளுக்கும் ஏசி வசதி, தேவைக்கேற்ப மடக்கிக்கொள்ளும் 60:40 இரண்டாவது வரிசை மற்றும் 50:50 மூன்றாவது வரிசை இருக்கைகள், சொகுசான பயணத்திற்கு மல்டி-லிங்க் ரியர் சஸ்பென்ஷன் மற்றும் ரிமோட் ஏசி கண்ட்ரோல் போன்ற கனெக்டட் அம்சங்களும் இதில் உள்ளன. சாதாரண MPV கார்களுடன் ஒப்பிடும்போது, VF MPV 7 ஒரு வித்தியாசமான ஓனர்ஷிப் அனுபவத்தை அளிக்கிறது. இதன் எலக்ட்ரிக் மோட்டார் 204 PS பவரையும், 280 Nm டார்க்கையும் வெளிப்படுத்துகிறது.

₹1,96,000 மதிப்புள்ள சலுகைகள்

ரீஜெனரேட்டிவ் பிரேக்கிங், டிரைவ் மோடுகள் மற்றும் கனெக்டட் கார் தொழில்நுட்பம் போன்ற அம்சங்கள், இந்த செக்மென்டில் உள்ள பல பாரம்பரிய கார்களை விட இதை நவீனமாகக் காட்டுகின்றன.

இந்த காரின் ஆன்ரோடு விலை சுமார் ₹25.70 லட்சம் முதல் ₹25.90 லட்சம் வரை ஆகும். தற்போது பெட்ரோல், டீசல் கார்களில் இருந்து EV-க்கு மாறும் வாடிக்கையாளர்களுக்கு, VinFast நிறுவனம் தனது EV டிரான்சிஷன் திட்டத்தின் கீழ் ₹1,96,000 மதிப்புள்ள சலுகைகளை வழங்குகிறது.

டெல்லியில் உள்ள VinFast ஷோரூமில் இந்த காரை டெஸ்ட் டிரைவ் செய்த ஆட்டோமொபைல் ஆர்வலர் ரோஹித் எஸ்., இந்த காரின் மதிப்பு இந்திய குடும்பங்களைக் கவரும் என்று நம்புகிறார். VinFast நிறுவனம் தற்போது பலவிதமான எலக்ட்ரிக் எஸ்யூவிகள், இ-ஸ்கூட்டர்கள் மற்றும் இ-பஸ்களைத் தயாரித்து வருகிறது என்பது குறிப்பிடத்தக்கது.