Mileage Bikes : இந்தியாவில் குறைந்த பட்ஜெட்டில் அதிக மைலேஜ் தரும் டாப் 5 பைக்குகளின் விலை, மைலேஜ் மற்றும் சிறப்பம்சங்கள் பற்றிய விவரங்களை விரிவாக காண்போம்.
இந்தியாவில் தினசரி பைக் பயன்படுத்துபவர்கள் அதிக மைலேஜ் மற்றும் குறைந்த பராமரிப்பு செலவு கொண்ட பைக்குகளையே விரும்புகின்றனர். பெட்ரோல் விலை உயர்ந்து வரும் நிலையில், ரூ.60,000 முதல் ரூ.80,000 பட்ஜெட்டில் கிடைக்கும் 100cc - 110cc பைக்குகளுக்கான வரவேற்பும் அதிகரித்துள்ளது. நிஜமான சாலைப் பயன்பாட்டில் லிட்டருக்கு 75 கி.மீ வரை மைலேஜ் தரும் டாப் 5 பைக்குகள் குறித்து பார்க்கலாம்.
பட்ஜெட் பைக்குகளில் மிகவும் குறைவான விலை டிவிஎஸ் ஸ்போர்ட்டுக்குத்தான். இதன் 109.7 cc ET-Fi இன்ஜின், லிட்டருக்கு 70-75 கி.மீ வரை மைலேஜ் தருகிறது. இதன் எக்ஸ்-ஷோரூம் விலை ரூ.59,431 முதல் ரூ.70,200 வரை உள்ளது. நகர டிராஃபிக்கில் ஓட்ட இது சிறந்த பைக்.
இந்தியாவில் அதிகம் விற்பனையாகும் பைக் ஹீரோ ஸ்பிளெண்டர். இதன் எக்ஸ்-ஷோரூம் விலை ரூ.75,141 முதல் ரூ.79,991 வரை. இது லிட்டருக்கு 70-80 கி.மீ வரை மைலேஜ் தருகிறது. இதன் i3S டெக்னாலஜி, டிராஃபிக் சிக்னல்களில் பெட்ரோலை சேமிக்க உதவுகிறது. XTEC வேரியண்ட்டில் டிஜிட்டல் டிஸ்ப்ளே, ப்ளூடூத் கனெக்டிவிட்டி போன்ற அம்சங்கள் உள்ளன.
சொகுசான பயணத்திற்கு பிளாட்டினா சீரிஸ் பெயர் பெற்றது. இதன் 'ComforTec' சஸ்பென்ஷன், மேடு பள்ளமான சாலைகளிலும் மென்மையான பயணத்தை உறுதி செய்கிறது. இதன் எக்ஸ்-ஷோரூம் விலை ரூ.67,808 முதல் ரூ.75,797 வரை. இது லிட்டருக்கு 70-75 கி.மீ மைலேஜ் தருகிறது. 110cc மாடலில் பாதுகாப்புக்கு ABS ஆப்ஷனும் உண்டு.
ஸ்பிளெண்டருக்குப் போட்டியாக ஹோண்டா, தனது ஷைன் பிராண்டை 100cc பிரிவில் களமிறக்கியுள்ளது. இதன் எக்ஸ்-ஷோரூம் விலை ரூ.64,900 முதல் ரூ.65,996 வரை. இது லிட்டருக்கு 65-75 கி.மீ மைலேஜ் தருகிறது. eSP டெக்னாலஜி இருப்பதால், பைக் ஸ்டார்ட் ஆவதுகூடத் தெரியாது. அதிர்வுகள் இல்லாத மென்மையான பயண அனுபவத்தை இது வழங்குகிறது.
ஸ்பிளெண்டரை விடக் குறைந்த விலையில், அதே நம்பகமான இன்ஜின் வேண்டுமென்றால் ஹீரோ HF டீலக்ஸ் சரியான தேர்வு. இதன் எக்ஸ்-ஷோரூம் விலை ரூ.59,998 முதல் ரூ.68,500 வரை. இது லிட்டருக்கு 65-70 கி.மீ மைலேஜ் தருகிறது. இதில் உள்ள xSens ஃபியூயல் இன்ஜெக்ஷன் சிஸ்டம், எரிபொருள் சிக்கனத்தை மேம்படுத்துகிறது.
