சோம்பேறித்தனம் மிகுந்த 4 ராசிக்காரர்கள் இவங்க தான்: இவர்களில் நீங்களும் ஒருவரா?

பிரபஞ்ச ஆற்றல் மனிதருக்கு மனிதர் மாறுபடும். சிலர் கடுமையாக உழைக்க, சிலர் குறைந்த உழைப்பில் அதிக பலனையும் மன அமைதியையும் பெற விரும்புவர். அப்படி சொகுசாக இருந்து கொண்டே மொத்த பலனையும் அனுபவிக்க நினைக்கும் 4 ராசிக்காரர்கள் யார் தெரியுமா?

சோம்பேறித்தனமான 4 ராசிக்காரர்கள் :

மனிதர்களின் குணாதிசயங்களை தீர்மானிப்பதில் நவகிரகங்களின் நிலையும், அவர்கள் பிறக்கும் ராசியும் முக்கிய பங்கு வகிக்கின்றன. சிலர் எப்போதும் சுறுசுறுப்பின் உச்சமாக இயங்கிக் கொண்டிருப்பார்கள். ஆனால், சில ராசிக்காரர்களுக்கோ அதிக வேலை செய்வதை விட, அமைதியாக ஓய்வெடுப்பதே அலாதி பிரியமாக இருக்கும். ஜோதிட ரீதியாக, குறிப்பிட்ட சில கிரகங்களின் ஆதிக்கமும், ராசியின் தன்மைகளும் ஒருவரை இயல்பாகவே மந்தமாகவோ அல்லது 'ரிலாக்ஸ்' ஆக இருக்கவோ தூண்டுகின்றன.

இதனைச் சோம்பேறித்தனம் என்று சொல்வதை விட, அவர்களின் தனித்துவமான வாழ்க்கை முறை என்றுதான் கூற வேண்டும். அப்படி ஜோதிட சாஸ்திரத்தின்படி, ஓய்வை அதிகம் விரும்பும் அந்த 4 ராசிக்காரர்கள் யார் யார், அவர்கள் ஏன் அப்படி இருக்கிறார்கள் என்பதன் சுவாரஸ்யமான காரணத்தை தெரிந்து கொள்ளலாம். இந்த ராசிகளில் உங்கள் ராசியும் இருக்கிறதா என்பதை சரி பார்த்துக் கொள்ளுங்கள்.

ரிஷப ராசி (Taurus) – சொகுசை விரும்பும் சுகவாசிகள் :

சுக்கிரனை அதிபதியாகக் கொண்ட ரிஷப ராசிக்காரர்கள், கடின உழைப்பை விட சொகுசான வாழ்க்கையையே அதிகம் விரும்புவார்கள். இவர்களால் அவசர அவசரமாக ஓடி வேலை செய்ய முடியாது. தங்களுக்குப் பிடித்த சூழலில், சௌகரியமாக அமர்ந்து கொண்டு காரியங்களை மெதுவாகச் செய்யவே ஆசைப்படுவார்கள். இவர்களின் மந்தநிலைக்குக் காரணம் சோம்பேறித்தனம் அல்ல; வாழ்க்கையை நிதானமாக ரசிக்க வேண்டும் என்ற இவர்களின் எண்ணமே ஆகும்.

கடக ராசி (Cancer) – வீட்டு வளையத்திற்குள் வாழ்பவர்கள் :

சந்திரனின் ஆதிக்கம் நிறைந்த கடக ராசிக்காரர்களுக்குத் தங்களின் வீடும், படுக்கையறையும் தான் உலகத்திலேயே மிகப்பிடித்த இடங்கள். வெளியில் சென்று போராடுவதை விட, வீட்டுக்குள்ளேயே முடங்கி ஓய்வெடுப்பதில் இவர்களுக்கு அலாதி இன்பம் உண்டு. மனரீதியாக இவர்கள் மிகவும் உணர்ச்சிவசப்படக் கூடியவர்கள் என்பதால், மன அழுத்தம் ஏற்படும் போதெல்லாம் தங்களைச் சுற்றிய ஒரு பாதுகாப்பு வளையத்தை உருவாக்கிக் கொண்டு, செயலற்று அமர்ந்து விடுவார்கள்.

சிம்ம ராசி (Leo) – கட்டளையிட மட்டுமே பிடிக்கும் அரசர்கள் :

சூரியனை அதிபதியாகக் கொண்ட சிம்ம ராசியினர் பொதுவாகத் தலைவராக்கத் தகுதியானவர்கள். ஆனால், களத்தில் இறங்கி வேலை செய்ய இவர்களுக்குக் கடும் தயக்கம் இருக்கும். மற்றவர்களுக்குக் கட்டளையிட்டு, வேலை வாங்குவதையே விரும்புவார்கள். தங்களின் உழைப்பைக் கொட்டி வேலை செய்வதை விட, புகழையும் அங்கீகாரத்தையும் மட்டும் பெற நினைப்பதால், இவர்களைப் பார்ப்பதற்குப் பிறருக்குச் சோம்பேறி போலத் தோன்றும்.

மீன ராசி (Pisces) – பகல் கனவு காணும் கற்பனையாளர்கள்

குரு பகவானின் ஆதிக்கம் பெற்ற மீன ராசிக்காரர்கள் எப்போதுமே தங்களின் கற்பனை உலகத்திலேயே வாழ்ந்து கொண்டிருப்பார்கள். நிஜ உலகத்தின் கடமைகளையும், பொறுப்புகளையும் எதிர்கொள்ளத் தயங்கி, தூக்கத்திலும் பகல் கனவிலும் நேரத்தைக் கழிப்பார்கள். செயல்திறனை விட சிந்தனைத் திறன் இவர்களிடம் அதிகமாக இருப்பதால், உடல் உழைப்பு தேவைப்படும் இடங்களில் சட்டென்று பின்வாங்கி, ஓய்வெடுக்கத் தொடங்கி விடுவார்கள்.