சனி பகவான் பிடியில் சிக்கப்போகும் 5 ராசிகள்.! சனியின் வக்ர ஆட்டத்தால் சோதனை காலம் ஆரம்பம்.! நிதி இழப்புகள் உறுதி.!

சனி வக்ர பெயர்ச்சி 2026: சனி பகவான் சுமார் 138 நாட்கள் வக்ர நிலையில் இருப்பார். இது 5 ராசிகளின் வாழ்க்கையில் ஆழமான தாக்கத்தை ஏற்படுத்தும். அந்த ராசிகள் குறித்து இங்கு காணலாம். 

சனி வக்ர பெயர்ச்சி 2026

திருக்கணித பஞ்சாங்கத்தின்படி, சனி பகவான் ஜூலை 13, 2026 அன்று வக்ர பெயர்ச்சி அடைகிறார். பின்னர், நவம்பர் 28, 2026 அன்று நேர்கதிக்கு திரும்புவார். ஜோதிடத்தில், சனி பகவான் கர்மம், ஒழுக்கம், நீதி, பொறுமை மற்றும் கடினமான சோதனைகளின் கிரகமாக கருதப்படுகிறார். வக்ர பெயர்ச்சியின் போது, சனி பகவான் ஒருவரின் கடந்தகால கர்ம வினைகளுக்கு ஏற்ப கடுமையான தண்டனைகளை வழங்குவார். இதன் காரணமாக இந்த காலம் சில ராசிகளுக்கு சவாலானதாக இருக்கும். அந்த ராசிகள் குறித்து இந்த பதிவில் பார்க்கலாம்.

மேஷம்

மேஷ ராசிக்காரர்களுக்கு, சனியின் வக்ர பெயர்ச்சியால் பொறுப்புகள் அதிகரிக்கும். வேலையில் அடிக்கடி தடைகள் ஏற்படலாம். பழைய மற்றும் முடிக்கப்படாத பணிகள் மீண்டும் தோன்றி, அவற்றை முடிக்க முடியாமல் போகலாம் அல்லது இழுபறியில் இருக்கும் பணிகளை முடிக்க அதிக முயற்சி தேவைப்படலாம். குடும்பத்தில் தேவையற்ற சண்டைகள் அல்லது சச்சரவுகள் ஏற்படலாம் என்பதால் நிதானம் மற்றும் புரிதல் அவசியம். தொழில் முன்னேற்றம் மெதுவாக இருக்கும். பொறுமையாக இருந்தால் வெற்றி உறுதி செய்யப்படும்.

சிம்மம்

சிம்ம ராசிக்கு இது அஷ்டம சனியின் காலமாகும். சனி வக்ரம் அடைவதால் சிம்ம ராசிக்காரர்கள் இந்த நேரத்தில் பல சவால்களை சந்திக்க வேண்டியிருக்கும். கடந்தகால முடிவுகள் மற்றும் நடத்தை பற்றி தீவிரமாக சிந்திப்பீர்கள். உறவுகளில் தவறான புரிதல்கள் ஏற்பட வாய்ப்புள்ளது. எனவே, பேச்சில் கவனம் தேவை. அதிகப்படியான பணச் செலவுகளைத் தவிர்ப்பது நல்லது. இந்த காலம் உங்களுக்கு பொறுப்பு மற்றும் சுய கட்டுப்பாட்டின் முக்கியத்துவத்தை கற்பிக்கும். வண்டி, வாகனங்களில் செல்லும்போது மிகக் கூடுதல் கவனம் தேவை. யாரையும் நம்பிப் பெரிய பொறுப்புகளை ஒப்படைக்க வேண்டாம். 

தனுசு

தனுசு ராசிக்காரர்களுக்கு, இது அர்த்தாஷ்டம சனியின் காலமாகும். மேலும் சனியின் வக்ர பெயர்ச்சி வேலை அழுத்தம் மற்றும் மன சோர்வை அதிகரிக்கும். முன்பு நிர்ணயிக்கப்பட்ட இலக்குகளை அடைய அதிக முயற்சி தேவைப்படும். கல்வி, வேலை அல்லது பயணம் தொடர்பான விஷயங்களில் தாமதங்கள் ஏற்படலாம். உறவுகளில், உணர்ச்சிப்பூர்வமான அணுகுமுறையை விட நடைமுறை அணுகுமுறை தேவை. மன அழுத்தத்தைத் தவிர்க்க உங்கள் ஆரோக்கியத்தில் கவனம் செலுத்துவது அவசியம். சொத்து விவகாரங்களில் பாதிப்பு ஏற்படலாம். தாயாரின் உடல்நிலையில் கூடுதல் கவனம் தேவை.

கும்பம்

கும்ப ராசியின் அதிபதி சனி என்பதால், கும்ப ராசியில் அதிக தாக்கத்தை ஏற்படுத்துவார். இந்த நேரத்தில், ஏழரை சனியின் கடைசி கட்டம் மற்றும் அதன் வக்ர நிலை அவர்களை பாதிக்கும். வேலை அல்லது வியாபாரத்தில் உங்கள் பொறுமை சோதிக்கப்படலாம். எதிரிகள் உங்களுக்கு எதிராக தீவிரமாக வேலை செய்வார்கள். இதனால் மன அழுத்தம் அதிகரிக்கும். நண்பர்கள் அல்லது சக ஊழியர்களுடன் கருத்து வேறுபாடுகள் ஏற்பட வாய்ப்புள்ளது. அவசர நிதி முடிவுகளைத் தவிர்ப்பது நல்லது. குடும்பத்தில் சிறுசிறு குழப்பங்கள், பணவரவில் தடை, கொடுத்த கடன்கள் திரும்புவதில் சிக்கல்கள் உண்டாகலாம்.

மீனம்

மீன ராசிக்காரர்களுக்கு இந்த நேரம் மனக் குழப்பம் மற்றும் நிச்சயமற்ற தன்மையால் நிறைந்திருக்கும். கடின உழைப்பு இருந்தபோதிலும், விரும்பிய பலன்கள் கிடைக்காதது ஏமாற்றத்தை ஏற்படுத்தும். குடும்பப் பொறுப்புகள் திடீரென அதிகரிக்கலாம். உறவுகளில் தெளிவான மற்றும் நேர்மையான தொடர்பு முக்கியமானது. அடங்கியிருந்த பிரச்சினைகள் மீண்டும் தலை தூக்கலாம். உடல் ஆரோக்கியம் சீர்குலையால். வீட்டிற்கும், மருத்துவத்துவமனைக்கும் அலைச்சல் அதிகரிக்கும். மருத்துவச் செலவுகளால் சேமிப்பு, வங்கி இருப்பு கரையக்கூடும்.

முக்கிய குறிப்பு: இந்த பலன்கள் பொதுவானவை. உங்கள் தனிப்பட்ட ஜாதகத்தைப் பொறுத்து பலன்களில் மாற்றங்கள் ஏற்படலாம்.

(பொறுப்பு துறப்பு: இந்தக் கட்டுரையில் குறிப்பிடப்பட்டுள்ள தகவல்கள் அனைத்தும் ஜோதிட கருத்துக்கள், மத நூல்கள், பஞ்சாங்கம் ஆகியவற்றை அடிப்படையாகக் கொண்டவை. இதை ஏசியாநெட் தமிழ் நிறுவனம் சரி பார்க்கவில்லை. தகவல்களை வழங்குவது மட்டுமே எங்கள் நோக்கம். இதன் துல்லியம், நம்பகத்தன்மை மற்றும் விளைவுகளுக்கு ஏசியாநெட் தமிழ் நிறுவனம் எந்த வகையிலும் பொறுப்பேற்காது)