Planetary Conjunctions in February 2025 Palan in Tamil : பிப்ரவரி 7, 2025 அன்று சூரியன், செவ்வாய் மற்றும் புதன் ஆகிய கிரகங்களின் சேர்க்கை மிகவும் சிறப்பானதாக இருக்கும். இந்த மூன்று கிரகங்களின் சேர்க்கையால் 5 ராசிகளுக்கு பணவரவு அதிகரிக்கும்.
பிப்ரவரி 7 முதல் 5 ராசிகளுக்கு சூரியன், செவ்வாய், புதன் சேர்க்கையால் கோடீஸ்வர யோகம்!
ஜோதிட சாஸ்திரத்தின் படி, பிப்ரவரி மாதம் கிரகங்களின் சஞ்சாரத்தைப் பொறுத்தவரை சிறப்பானதாக இருக்கும். பிப்ரவரி 7, வெள்ளிக்கிழமை அன்று கிரகங்களின் சிறப்பான சேர்க்கையும் இருக்கும். பிப்ரவரி 7 அன்று சில முக்கியமான வானியல் நிகழ்வுகள் நடக்கும். இந்த நாளில் மூன்று சக்தி வாய்ந்த கிரகங்களின் சிறப்பான சேர்க்கை இருக்கும். இதன் தாக்கம் அனைத்து ராசிகளிலும், நாட்டிலும், உலகிலும் இருக்கும். ஜோதிடத்தின் படி, வெள்ளிக்கிழமை மற்றும் பிப்ரவரி 7 அன்று பிற்பகல் 2.58 மணிக்கு, சூரியனும் செவ்வாயும் ஒருவருக்கொருவர் 150 டிகிரியில் அமைந்திருக்கும்.
ஜோதிட மொழியில், இந்த நிகழ்வு ஷடாஷ்டக யோகம் என்றும் அழைக்கப்படுகிறது. அதேபோல், இந்த நாளில் மாலை 6.37 மணிக்கு புதன், கிரகங்களின் இளவரசர் நட்சத்திரத்தை மாற்றுவார். புதன், ஸ்ரவண நட்சத்திரத்திலிருந்து வெளியேறி தனுஷ் நட்சத்திரத்தில் நுழைவார். இந்த நட்சத்திரத்தின் அதிபதியும் செவ்வாய். இப்படி பிப்ரவரி 7ஆம் தேதி சூரியன், செவ்வாய் மற்றும் புதன் ஆகிய கிரகங்களின் சேர்க்கை நிகழும் நிலையில் 5 ராசிகளுக்கு கோடீஸ்வர யோகம் அடிக்க போகிறது. அதைப் பற்றி பார்க்கலாம்.
26
மகர ராசிக்கான புதன் செவ்வாய் சூரியன் சேர்க்கை பலன்
புதன் மற்றும் செவ்வாயின் தாக்கம் வியாபாரத்தில் முன்னேற்றத்தை ஏற்படுத்தும். குடும்பம் மற்றும் நிதி விஷயங்களில் நிலைத்தன்மை இருக்கும். வேலையில் புதிய பொறுப்புகள் வரலாம். தொழிலில் முன்னேற்றம் ஏற்படும் மற்றும் உடல்நலம் மேம்படும். மன அமைதி நிலவும். அலுவலகத்தில் பதவி உயர்வு, ஊதிய உயர்வு கிடைக்கும். இனி நீங்கள் தான் கோடீஸ்வரன் என்று சொல்லும் அளவிற்கு காசு, பணம் கைக்கு வந்து சேரும்.
36
விருச்சிக ராசிக்கான சூரியன் செவ்வாய் புதன் சேர்க்கை பலன்:
செவ்வாய் கிரகத்தின் தாக்கத்தால் திடீர் பணவரவு ஏற்படலாம். புதிய சொத்து அல்லது வாகனம் வாங்குவதற்கும் வாய்ப்புள்ளது. பணியிடத்தில் உங்களுக்கு நல்ல வெற்றி கிடைக்கும். எதிரிகளை வெல்வீர்கள். மன அமைதி கிடைக்கும். குடும்பத்தில் உறவினர்களின் வருகையால் மகிழ்ச்சி தாண்டவம் ஆடும். தொழில் மற்றும் வியாபாரம் சிறப்பாக நடைபெறும்.
46
மேஷ ராசிக்கான செவ்வாய், சூரியன், புதன் பெயர்ச்சி பலன்
சூரியன் மற்றும் செவ்வாயின் சிறப்பான அருளால் தொழில் மற்றும் வியாபாரத்தில் எதிர்பாராத லாபம் கிடைக்கும். தடைப்பட்ட வேலைகள் நிறைவேறும். புதிய திட்டங்கள் வெற்றி பெறும். பணவரவுக்கும் வாய்ப்பு உள்ளது. வியாபாரம் தொடர்பான வேலைகளுக்கு நல்ல நேரம். குடும்ப வாழ்க்கையில் மகிழ்ச்சியும் அமைதியும் நிலவும். கணவன் மனைவிக்கிடையில் நல்ல புரிதல் இருக்கும் வங்கி சேமிப்பு உயரும். இனி வாழ்க்கையில் லச்சாதிபதி, கோடீஸ்வரர் நீங்கள் தான் என்று சொல்லும் அளவிற்கு காசு, பணம் வரும்.
56
சிம்ம ராசிக்கான புதன் செவ்வாய் சூரியன் சேர்க்கை பலன்
சமூகத்தில் மதிப்பு, மரியாதை அதிகரிக்கும். தொழிலில் அபரிமிதமான வளர்ச்சி இருக்கும். அரசுத் துறையில் பணிபுரிபவர்களுக்கு சாதகமான நேரம். நிதி வலிமை அதிகரிக்கும். வியாபாரத்தில் பெரிய ஒப்பந்தம் இறுதி செய்யப்படலாம். காதல் உறவுகள் வலுப்படும். திருமண வாழ்க்கையில் மகிழ்ச்சி அதிகரிக்கும். குடும்பத்தில் அமைதி இருக்கும். வெளியூர், வெளிநாடு சென்று வருவீர்கள். காதல் உறவில் இரட்டிப்பு சந்தோஷம் இருக்கும்.
66
ரிஷப ராசிக்கான சூரியன் செவ்வாய் புதன் சேர்க்கை பலன்
புதனின் தாக்கம் நிதி நிலையை வலுப்படுத்தும். முதலீடு செய்வதற்கு சாதகமான நேரம். பங்குச் சந்தை மற்றும் சொத்துக்கள் தொடர்பான வேலைகள் லாபகரமாக இருக்கும். வேலை செய்பவர்களுக்கு பதவி உயர்வு அல்லது சம்பள உயர்வு கிடைக்க வாய்ப்புள்ளது. புதிதாக வேலை தேடும் இளைஞர்களுக்கு நல்ல சம்பளத்தில் வேலை கிடைக்கும். குடும்பத்தில் அமைதியும், மகிழ்ச்சியும் நிலவும். தொழில் மற்றும் வியாபாரம் விரிவடையும்.
