Astrology: சனி வீட்டில் குடியேறும் 5 கிரகங்கள்.! 2026 முதல் 4 ராசிகளுக்கு நல்ல காலம் தொடங்கும்.!

Panchgrahi Yog 2026: 2026 ஆம் ஆண்டில் மகர ராசியில் ஐந்து கிரகங்கள் இணைவதால் பஞ்சகிரஹி யோகம் உருவாக இருக்கிறது. பஞ்சகிரஹி யோகத்தால் அதிர்ஷ்டம் பெறும் ராசிகள் குறித்து இந்த பதிவில் பார்க்கலாம். 

பஞ்சகிரஹி யோகம் 2026

வேத ஜோதிடத்தின்படி கிரகங்கள் குறிப்பிட்ட கால இடைவெளியில் நகர்ந்து கொண்டே இருக்கின்றன. அப்போது அவை பிரகங்களுடன் இணைந்து யோகங்களை உருவாக்குகின்றன. மூன்று கிரகங்கள் இணைந்து திரிகிரஹி யோகம், நான்கு கிரகங்கள் இணைந்து சதுர்கிரஹி யோகம், ஐந்து கிரகங்கள் இணைந்து பஞ்சகிரஹி யோகம் ஆகிய யோகங்கள் உருவாகின்றன. இதில் பஞ்சகிரஹி என்பது ஐந்து கிரகங்கள் இணையும் நிகழ்வாகும். 2026 ஆம் ஆண்டு மகர ராசியில் சந்திரன், செவ்வாய், புதன், சுக்கிரன், சூரியன் இணைவதன் மூலமாக பஞ்சகிரஹி யோகம் உருவாகிறது.

மகர ராசி என்பது சனி பகவானின் சொந்த வீடாகும். இந்த ராசியில் 5 கிரகங்கள் இணைவது என்பது ஜோதிடத்தில் முக்கிய நிகழ்வாக கருதப்படுகிறது. இந்த பஞ்சகிரஹி யோகத்தால் சில ராசிக்காரர்களின் வாழ்க்கையில் அதிர்ஷ்டம் பிரகாசிக்க உள்ளது. அந்த அதிர்ஷ்ட ராசிகள் குறித்து இந்த பதிவில் பார்க்கலாம்.

மகரம்

பஞ்சகிரஹி யோகம் மகர ராசியின் முதல் வீடான லக்ன ஸ்தானத்தில் உருவாவதால் மகர ராசிக்காரர்கள் அதிகபட்ச பலன்களைப் பெற உள்ளனர். மகர ராசிக்காரர்கள் அதிர்ஷ்டத்தின் உச்சத்தைப் பெறுவீர்கள். நீங்கள் எதிர்பார்க்காத அளவிற்கு வருமானம் கிடைக்கும். தொழிலில் அபரிமிதமான வளர்ச்சி காணப்படும். புதிய தொழில் தொடங்கும் வாய்ப்புகள் கிடைக்கலாம். புதிய வீடு அல்லது சொத்துக்கள் வாங்கும் யோகம் கைகூடும். வெளிநாட்டு பயணங்கள் அல்லது வெளிநாடு சார்ந்த வேலைகளில் வெற்றி ஆகியவை கிடைக்கக்கூடும்.

மேஷம்

மேஷ ராசியின் பத்தாவது வீடான தொழில் ஸ்தானத்தில் பஞ்சகிரஹி யோகம் உருகாவதால் தொழிலில் சிறப்பான முன்னேற்றத்தைக் காண்பீர்கள். பணியிடத்தில் உங்களுக்கான அங்கீகாரம் கிடைக்கும். பதவி உயர்வு, புதிய பொறுப்புக்கள் கிடைக்கலாம். பணியிடத்தில் இருந்து வந்த அரசியல்கள், சவால்கள் ஆகியவற்றை வெற்றிகரமாக முறியடிப்பீர்கள். உங்கள் எதிரிகளை வீழ்த்தி தொழிலில் வெற்றியைப் பெறுவீர்கள். சமூகத்தில் உங்கள் நற்பெயரும், அந்தஸ்தும் உயரும்.

ரிஷபம்

ரிஷப ராசியின் ஒன்பதாவது வீடான பாக்கிய ஸ்தானத்தில் பஞ்சகிரஹி யோகம் உருவாவதால் அதிர்ஷ்டம் கைகூடும். உங்களின் வருமானம் மற்றும் லாபம் கணிசமாக உயரும். புதிய வருமானத்திற்கான ஆதாரங்கள் திறக்கப்படும். தொழிலில் நீங்கள் எடுக்கும் முடிவுகள் உங்களுக்கு சாதகமாக அமையும். உயர்கல்வி, நீண்ட தூர பயணங்கள் மூலம் வெற்றி கிடைக்கும். தந்தை வழி மூலம் சொத்துக்கள் கிடைத்தல் அல்லது தந்தை வழி பூர்வீக சொத்துக்கள் மூலம் ஆதாயம் ஆகியவற்றைப் பெறலாம். அரசு அதிகாரிகளின் உதவி கிடைக்கும். வங்கி இருப்பு அதிகரிக்கும். முதலீடுகள் மூலம் லாபம் கிடைக்கும். வணிக ஒப்பந்தங்கள் இறுதியாகும்.

கன்னி

கன்னி ராசியின் ஐந்தாவது வீட்டில் பஞ்சகிரஹி யோகம் உருவாகிறது. ஐந்தாவது வீடு பூர்வ புண்ணிய ஸ்தானம் என்று அழைக்கப்படுகிறது. எனவே இந்த காலகட்டத்தில் உங்கள் மனதில் இருந்த ஆசைகள் ஒவ்வொன்றாக நிறைவேறும். காதல் உறவுகள் மகிழ்ச்சியாக மாறும். குழந்தைகள் மூலம் மகிழ்ச்சியான செய்திகளைக் கேட்பீர்கள். பங்குச்சந்தை அல்லது முதலீடுகள் மூலம் லாபம் கிடைக்க வாய்ப்பு உள்ளது. உங்கள் படைப்புத்திறன் மூலம் வருமானத்தை ஈட்டுவீர்கள்.

(பொறுப்பு துறப்பு: இந்தக் கட்டுரையில் குறிப்பிடப்பட்டுள்ள தகவல்கள் அனைத்தும் ஜோதிட கருத்துக்கள், மத நூல்கள், பஞ்சாங்கம் ஆகியவற்றை அடிப்படையாகக் கொண்டவை. இதை ஏசியாநெட் தமிழ் நிறுவனம் சரி பார்க்கவில்லை. தகவல்களை வழங்குவது மட்டுமே எங்கள் நோக்கம். இதன் துல்லியம், நம்பகத்தன்மை மற்றும் விளைவுகளுக்கு ஏசியாநெட் தமிழ் நிறுவனம் எந்த வகையிலும் பொறுப்பேற்காது)