Mercury Transit 2026: ராஜயோகம் தரும் புதன் பெயர்ச்சி.. யாருக்கு பணமழை? யாருக்கு பதவி உயர்வு? முழு ராசிபலன் இதோ!

Zodiac Signs: வரும் மே 14 அன்று, புதன் பகவான் மேஷ ராசியிலிருந்து ரிஷப ராசிக்கு இடம் பெயர்கிறார். இந்த புதன் பெயர்ச்சியால் மேஷம் முதல் மீனம் வரையிலான 12 ராசிக்காரர்களுக்கும் ஏற்படப்போகும் சாதக பாதகமான பலன்கள் பார்க்கலாம்.

புதன் பகவான்

நவக்கிரகங்களில் 'புத்தி காரகன்' என்று அழைக்கப்படும் புதன் பகவான், வரும் மே 14 (வியாழக்கிழமை) மதியம் 12:30 மணிக்கு மேஷ ராசியிலிருந்து விலகி ரிஷப ராசிக்குள் பிரவேசிக்கிறார். இந்த மாற்றத்தினால் ஒவ்வொரு ராசிக்காரர்களுக்கும் ஏற்படப்போகும் மாற்றங்கள் மற்றும் பலன்கள் குறித்து இங்கே பார்க்கலாம்.

மேஷம்

புதன் உங்கள் ராசிக்கு 2-ம் இடத்திற்கு வருவதால், பணப்புழக்கம் அதிகரிக்கும். சேமிப்பு உயரும் என்றாலும், குடும்ப பொறுப்புகள் கூடும். ஆரோக்கிய விஷயத்தில் அலட்சியம் காட்டாமல் இருப்பது நல்லது.

ரிஷபம்

உங்கள் ராசியிலேயே புதன் அமர்வதால் தன்னம்பிக்கை உச்சத்தில் இருக்கும். புதிய திட்டங்களைத் தீட்டவும், முக்கியமான முடிவுகளை எடுக்கவும் இது பொன்னான காலம். உங்கள் அறிவாற்றல் வெளிப்படும்.

மிதுனம்

12-ம் இட புதனால் தேவையற்ற செலவுகள் வரிசைகட்டி வரும். வருமானத்திற்கும் செலவுக்கும் இடையே சமநிலையைப் பேணுவது அவசியம். பேசுவதற்கு முன்பு யோசித்துப் பேசுவது உறவுகளில் விரிசல் ஏற்படாமல் தடுக்கும்.

கடகம்

11-ம் இடத்திற்கு வரும் புதன் உங்களுக்கு அதிர்ஷ்டத்தைத் தரப்போகிறார். சமுதாயத்தில் மதிப்பு கூடும், எதிர்பார்த்த இடங்களிலிருந்து வருமானம் வரும். புதிய நண்பர்கள் மூலம் ஆதாயம் உண்டாகும்.

சிம்மம்

10-ம் இடத்திற்கு புதன் வருவதால் தொழில் மற்றும் வேலையில் அதிக கவனம் செலுத்துவீர்கள். பதவி உயர்வு கிடைக்க வாய்ப்புள்ளது. ஆனால், வேலையில் இருக்கும் டென்ஷனை வீட்டிற்குள் கொண்டு வராமல் இருப்பது அமைதிக்கு வழிவகுக்கும்.

கன்னி

9-ம் இட புதன் உங்களுக்குப் பெரும் லாபத்தைத் தரப்போகிறார். அதிர்ஷ்டம் பிரகாசிக்கும். உங்கள் அனுபவத்தை வைத்துப் பெரிய காரியங்களைச் சாதிப்பீர்கள். ஆன்மீகப் பயணங்கள் மற்றும் அறிவு சார்ந்த தேடல்கள் வெற்றியைத் தரும்.

துலாம்

8-ம் இடத்திற்கு புதன் வருவதால் இது கலவையான காலம். திடீரெனப் பணம் வரலாம், அதே சமயம் எதிர்பாராத செலவுகளும் இருக்கலாம். கணவன்-மனைவி இடையே வாக்குவாதங்களைத் தவிர்த்துப் விட்டுக்கொடுத்துச் செல்வது நல்லது.

விருச்சிகம்

7-ம் இட புதனால் கூட்டுத் தொழில் செய்பவர்களுக்கு நல்ல முன்னேற்றம் உண்டு. புதிய ஒப்பந்தங்கள் கையெழுத்தாகலாம். இருப்பினும், அதிக ரிஸ்க் எடுக்கும் காரியங்களில் நிதானமாகச் செயல்படுவது அவசியம்.

தனுசு

6-ம் இடத்திற்கு புதன் வருவதால் வேலைப்பளு அதிகரிக்கும். சவால்களைச் சமாளிக்கும் திறன் கூடும். எதிரிகளை எளிதில் முறியடிப்பீர்கள். அன்றாடப் பணிகளைச் சரியாகத் திட்டமிட்டுச் செய்வது டென்ஷனைக் குறைக்கும்.

மகரம்

5-ம் இட புதன் உங்களுக்குப் பல வெற்றிகளைக் கொடுப்பார். உங்கள் புதிய யோசனைகள் வேலையில் அங்கீகாரம் பெறும். கலை மற்றும் கல்வித் துறையில் இருப்பவர்களுக்கு இது மிகச் சிறந்த காலகட்டமாக அமையும்.

கும்பம்

4-ம் இடத்திற்கு புதன் வருவதால் சுகபோகங்கள் அதிகரிக்கும். நீண்ட நாட்களாகத் தள்ளிப்போன வாகன யோகம் இப்போது கைகூடும். குடும்பத்தில் மகிழ்ச்சியும், சொகுசு வசதிகளும் கூடும்.

மீனம்

3-ம் இட புதனால் உங்கள் தைரியம் மற்றும் வீரியம் கூடும். முக்கியமான முடிவுகளைத் துணிச்சலாக எடுப்பீர்கள். சிறு பயணங்கள் மூலம் ஆதாயம் உண்டு. தகவல் தொடர்பு மற்றும் நெட்வொர்க்கிங் துறையில் இருப்பவர்களுக்கு லாபம் கிடைக்கும்.