Weekly Rasi Palan: கன்னி ராசி நேயர்களே, இந்த வாரம் அடிக்கும் யோகம்.! நீங்க நினைத்தது அனைத்தும் நடக்கப்போகுது.!

Kanni Rasi This Week Rasi Palan: ஜனவரி 12 முதல் ஜனவரி 18 ஆம் தேதி வரையிலான காலக்கட்டம் கன்னி ராசிக்காரர்களுக்கு எப்படி இருக்கப்போகிறது என்பது குறித்த வார ராசிப்பலன்கள் பற்றி இந்த பதிவில் விரிவாகப் பார்க்கலாம். 

This Week Rasi Palan Kanni

கன்னி ராசி நேயர்களே, இந்த வாரம் உற்சாகம் பொங்கும் மகிழ்ச்சியான வாரமாக இருக்கும். ராசியின் அதிபதியான புதன் பகவான், குரு பகவானுடன் பரிவர்த்தனை செய்கிறார். இதன் காரணமாக நீங்கள் எண்ணிய எண்ணங்கள் அனைத்தும் ஈடேறும். தன்னம்பிக்கை, தைரியம் அதிகரிக்கும். உங்களுடைய தனித்திறமைகள் வெளிப்படும். தாய் வழி உறவுகள் மூலம் ஆதாயம் கிடைக்கும்.

நிதி நிலைமை:

இந்த வாரம் வரவுக்கு மீறிய செலவுகள் ஏற்பட வாய்ப்பு உள்ளது. எனவே பட்ஜெட் போட்டு செலவு செய்வது நல்லது. பழைய கடன்களை திருப்பி செலுத்துவதற்கான வாய்ப்புகள் உருவாகலாம். ஆடம்பரப் பொருட்கள் வாங்குவதை தவிர்த்து சேமிப்பிற்கு முக்கியத்துவம் கொடுங்கள். ஷேர் மார்க்கெட் மற்றும் வணிகத்தில் பெரிய தொகையை முதலீடு செய்வதை தவிர்க்கவும்.

ஆரோக்கியம்:

கண், காது, மூக்கு தொடர்பான உபாதைகள் வந்து நீங்கலாம். உடல் ஆரோக்கியத்தில் இருந்து வந்த இன்னல்கள் குறையும். ஆரோக்கியம் சிறக்கும். குழந்தை வரம் வேண்டி மருத்துவம் பார்த்து வருபவர்களுக்கு நல்ல செய்திகள் கிடைக்கும். மன உளைச்சல் காரணமாக தூக்கமின்மை ஏற்படலாம். வயிறு சம்பந்தப்பட்ட கோளாறுகள் வர வாய்ப்பு உள்ளதால் வெளி உணவுகளை தவிர்க்கவும்.

கல்வி:

மாணவர்கள் கல்வியில் அதிக கவனம் செலுத்த வேண்டிய வாரமாகும். பாடங்களை மீண்டும் மீண்டும் எழுதிப் பார்ப்பது நினைவாற்றலை அதிகரிக்கும். நண்பர்களுடன் சேர்ந்து படிக்கும் பொழுது அரட்டை அடிக்காமல் நேரத்தை சரியாக பயன்படுத்தவும். உயர்கல்வி பயிலும் மாணவர்களுக்கு எதிர்பார்த்த உதவித் தொகை கிடைக்க வாய்ப்பு உள்ளது.

தொழில் மற்றும் வியாபாரம்:

பணியிடத்தில் மேலதிகாரிகளுடன் பேசும் பொழுது நிதானம் தேவை. உங்கள் வேலைகளை நீங்களே கவனித்துக் கொள்வது நல்லது. யாரை நம்பியும் பணிகளை ஒப்படைக்க வேண்டாம். சக ஊழியர்களிடமிருந்து ஒத்துழைப்பு கிடைக்கும். இருப்பினும் மற்றவர்களை நம்பி பணிகளை ஒப்படைக்க கூடாது. தொழிலதிபர்களுக்கு பெரிய முதலீடுகள் அல்லது ஆர்டர்களைப் பெறுவதில் சிக்கல்கள் நீடிக்கலாம். வாரத்தின் இறுதியில் நிலைமை சீராகும்.

குடும்ப உறவுகள்:

குடும்ப உறுப்பினர்களிடையே விட்டுக் கொடுத்து செல்வது நல்லது. திருமணத்தில் ஏற்பட்ட தடைகள் அகலும். சிலருக்கு மறுமணம் குறித்த யோகம் உண்டாகும். தந்தை வழி சொத்து தொடர்பான பிரச்சனைகள் விலகும். சொத்து விஷயங்களில் இடைத்தரகர்களை நம்ப வேண்டாம். பெண்களுக்கு தாய் வழி சீதனம் கிடைக்கும். குடும்ப விஷயங்களை மூன்றாம் நபர்களுடன் பகிர்ந்து கொள்வதை தவிர்க்கவும்.

சந்திராஷ்டம நாட்கள்:

ஜனவரி 17 சனிக்கிழமை மாலை முதல் ஜனவரி 18 ஞாயிற்றுக்கிழமை வரை சந்திராஷ்டமம் என்பதால் மிகுந்த கவனம் தேவை. புதிய ஒப்பந்தங்களில் கையெழுத்து விடுவதை தவிர்க்கவும். வாகனங்களில் செல்லும் பொழுது மிதமான வேகம் நல்லது. முக்கிய முடிவுகளை தள்ளி வைப்பது நல்லது.

பரிகாரங்கள்:

பச்சைப்பயிறு தானம் செய்வது நல்லது. பசுவிற்கு அருகம்புல் கொடுப்பது விசேஷம். விஷ்ணு சகஸ்ரநாமம் கேட்பது அல்லது மகாவிஷ்ணுவை வழிபடுவது தடைகளை நீக்கும். ஆஞ்சநேயர் கோவிலுக்கு சென்று நெய் தீபம் ஏற்றி வழிபடுவது நன்மைகளைத் தரும். இயலாதவர்கள், ஏழை, எளியவர்களுக்கு அன்னதானம் வழங்குவது சிறப்பு.

(பொறுப்பு துறப்பு: இந்தக் கட்டுரையில் குறிப்பிடப்பட்டுள்ள தகவல்கள் அனைத்தும் ஜோதிட கருத்துக்கள், மத நூல்கள், பஞ்சாங்கம் ஆகியவற்றை அடிப்படையாகக் கொண்டவை. இதை ஏசியாநெட் தமிழ் நிறுவனம் சரி பார்க்கவில்லை. தகவல்களை வழங்குவது மட்டுமே எங்கள் நோக்கம். இதன் துல்லியம், நம்பகத்தன்மை மற்றும் விளைவுகளுக்கு ஏசியாநெட் தமிழ் நிறுவனம் எந்த வகையிலும் பொறுப்பேற்காது)