Weekly Rasi Palan: கடக ராசியை பார்க்கும் 4 கிரகங்கள்.! தடைகள் அகலும். முட்டுக்கட்டைகள் உடையும்.!

Weekly Rasi Palan Kadagam: ஜனவரி 26 முதல் பிப்ரவரி 01 ஆம் தேதி வரையிலான காலக்கட்டம் கடக ராசிக்காரர்களுக்கு எப்படி இருக்கப்போகிறது என்பது பற்றி இந்த பதிவில் விரிவாகப் பார்க்கலாம். 

கிரக நிலைகள்:

கடக ராசி நேயர்களே, இந்த வாரம் உங்கள் ராசிக்கு புதன், சுக்கிரன், செவ்வாய், சூரியன் ஆகிய நான்கு கிரகங்களின் பார்வை இருப்பதால் இதுவரை நிலவி வந்த தடைகள் அகலும். முட்டுக்கட்டைகள் உடையும். ஆன்ம பலம் பெருகும். மனதில் இருந்த போராட்டம் விலகி, புதிய உற்சாகம் பிறக்கும். நினைத்த காரியங்களை சாதித்துக் காட்டுவீர்கள்.

பொதுவான பலன்கள்:

இந்த வாரம் எடுத்த காரியங்களில் தாமதங்கள் ஏற்பட்டாலும், இறுதியில் நிச்சயம் வெற்றி கிடைக்கும். தன்னம்பிக்கையும், தைரியமும் அதிகரிக்கும் வாரமாக இருக்கும். தேவையில்லாத வாக்குவாதங்களை தவிர்ப்பது நல்லது. பல நல்ல மாற்றங்கள் வரலாம். வாழ்க்கைத் துணையின் மூலம் சாதகமான மாற்றங்கள் கிடைக்கும். தனவரவு தாராளமாக வந்து சேரும்.

நிதி நிலைமை:

இந்த வாரம் பொருளாதார ரீதியாக சாதகமாக இருக்கும். கொடுக்கல் வாங்கல் சீராகும். தன வரவு அதிகரிக்கும். தாய் வீட்டு சீதனமாக மதிப்பான பொருட்கள் அல்லது சொத்துக்கள் கைக்கு கிடைக்கலாம். வேலையில் பணவரவு கிடைக்கும். நிலுவையில் இருந்த பாக்கிகள் வசூலாகும். திடீர் மருத்துவச் செலவுகள் வர வாய்ப்பு இருப்பதால் அவசர கால நிதியை சேமிப்பது நல்லது.

வேலை மற்றும் தொழில்:

இந்த வாரம் வாழ்க்கைத் துணைக்கு படிப்புக்கு ஏற்ற வேலை கிடைக்கும். வேலையில் நிலவும் அசௌகரியம் குறையும். வேறு பணிக்காக காத்திருப்பவர்களுக்கு நல்ல செய்திகள் கிடைக்கலாம். உத்தியோகத்தில் இருப்பவர்களுக்கு தொழில் செய்யும் எண்ணம் உருவாகும். சிலருக்கு கௌரவ பதவிகள் போன்றவை கிடைக்கலாம். எதிர்பார்த்த சலுகைகள் அல்லது அனுமதி கிடைப்பதில் இருந்த தடைகள் விலகும்.

குடும்ப உறவுகள்:

குடும்ப உறவுகள் இந்த வாரம் இனிமையானதாக மாறும். நீண்ட நாட்களாக பேச்சுவார்த்தையில் இருந்த வரன்கள் முடிவுக்கு வரும். வீட்டில் ஆடம்பரப் பொருட்களின் சேர்க்கை நடைபெறும். உறவுகளிடம் இருந்த பகை மறையும். சுப காரியங்கள் கைகூடும். வாழ்க்கைத் துணையின் தாய் வழி மூலம் சொத்துக்கள் அல்லது சீதனங்கள் கிடைக்கலாம். பெண்களின் முயற்சிக்கு கணவரின் ஆதரவும், உதவியும் கிட்டும்.

ஆரோக்கியம் மற்றும் கல்வி:

அஜீரணக் கோளாறுகள் அல்லது வாயு தொல்லைகள் ஏற்படலாம் என்பதால் வெளி உணவுகளை தவிர்ப்பது நல்லது. பெண்களுக்கு முதுகு வலி அல்லது கால் வலி பிரச்சனைகள் தலை தூக்கலாம். ஆரோக்கியத்தில் கவனத்துடன் இருக்க வேண்டியது அவசியம்.

மாணவர்கள் கல்வியில் மிகுந்த எச்சரிக்கையுடன் இருக்க வேண்டும். ஞாபக மறதி ஏற்படாமல் இருக்க எழுதி படிப்பது சிறந்தது. போட்டித் தேர்வுகளுக்கு தயாராகி வருபவர்களுக்கு நல்ல செய்தி காத்திருக்கிறது.

சந்திராஷ்டம நாட்கள்:

இந்த வாரம் சந்திராஷ்டம நாட்கள் கிடையாது. எனினும் சந்திரன் எட்டாம் இடத்தில் மறையும் நாட்களில் கவனத்துடன் இருக்க வேண்டும். ஜனவரி 26, 27 ஆகிய தேதிகளில் முடிவுகளை எடுப்பதற்கு முன்னர் ஒரு முறைக்கு இரு முறை யோசிப்பது நல்லது.

பரிகாரங்கள்:

திங்கட்கிழமைகளில் சிவன் வழிபாடு செய்வது நன்மைகளைத் தரும். சிவாலயங்களுக்கு சென்று நந்திக்கு பாலபிஷேகம் செய்வது, சிவபெருமானுக்கு வில்வ இலைகளால் அர்ச்சனை செய்வது ஆகியவை நன்மைகளை அதிகரிக்கும். ஏழை எளியவர்களுக்கு தயிர்சாதம் வழங்குவது சனி பகவானின் தோஷத்தை குறைக்கும்.

(பொறுப்பு துறப்பு: இந்தக் கட்டுரையில் குறிப்பிடப்பட்டுள்ள தகவல்கள் அனைத்தும் ஜோதிட கருத்துக்கள், மத நூல்கள், பஞ்சாங்கம் ஆகியவற்றை அடிப்படையாகக் கொண்டவை. இதை ஏசியாநெட் தமிழ் நிறுவனம் சரி பார்க்கவில்லை. தகவல்களை வழங்குவது மட்டுமே எங்கள் நோக்கம். இதன் துல்லியம், நம்பகத்தன்மை மற்றும் விளைவுகளுக்கு ஏசியாநெட் தமிழ் நிறுவனம் எந்த வகையிலும் பொறுப்பேற்காது)