Weekly Rasi Palan: விருச்சிக ராசி நேயர்களே, இந்த வாரம் அடிச்சு தூள் கிளப்பப்போறீங்க.! அதிர்ஷ்டம் உங்கள் பக்கம் தான்.!

Viruchiga Rasi Weekly Rasi Palan: டிசம்பர் 08 முதல் 14 ஆம் தேதி வரையிலான காலக்கட்டம் விருச்சிக ராசிக்காரர்களுக்கு எப்படி இருக்கப்போகிறது என்பது குறித்த வார ராசிப்பலன்கள் பற்றி இந்த பதிவில் விரிவாகப் பார்க்கலாம். 

வார ராசிப்பலன்கள் - விருச்சிகம்

விருச்சிக ராசி நேயர்களே, இந்த வாரம் உங்களுக்கு சாதகமாக இருக்கும். எதிர்பாராத அதிர்ஷ்டங்களும் வாய்ப்புகளும் தேடி வரும். வாரத்தின் தொடக்கத்தில் மனதளவில் சஞ்சலம் அல்லது அமைதியின்மை இருந்தாலும் நாட்கள் செல்ல செல்ல மனத் தெளிவும், நம்பிக்கையும் அதிகரிக்கும். நீங்கள் தைரியத்துடனும், உறுதியுடனும் முடிவுகளை எடுத்து இந்த வாரத்தில் வெற்றியைக் காண்பீர்கள்.

நிதி நிலைமை:

வாரத்தின் ஆரம்பம் நிதி ரீதியாக சாதகமாக இருக்கும். எதிர்பாராத பணவரவு அல்லது தடைபட்டிருந்த பணம் கிடைப்பதற்கான வாய்ப்புகள் உண்டு. நீண்ட கால முதலீடுகள் அல்லது வைப்பு நிதிகள் போன்ற பாதுகாப்பான திட்டங்களில் கவனம் செலுத்துவீர்கள். அனுமானத்தின் அடிப்படையில் முதலீடுகளை தவிர்க்கவும். வாரத்தின் இறுதியில் செலவுகளை கண்காணிக்க வேண்டும். பட்ஜெட்டை மறுபரிசீலனை செய்து சேமிப்பை அதிகப்படுத்த முயற்சி செய்வது நல்லது.

ஆரோக்கியம்:

உடல் ஆரோக்கியம் சீராக இருக்கும். மனதளவில் லேசான அமைதியின்மை காணப்படலாம். உணர்ச்சிகளை அடக்கி வைக்காமல் அதை மனதிற்கு பிடித்தவர்களிடம் வெளிப்படுத்தி விடுவது நல்லது. வாரத்தின் நடுவில் அமைதி திரும்பும். ஆரோக்கியம் மேம்படும். வார இறுதியில் அதிகப்படியான உழைப்பு அல்லது தேவையற்ற சிரமத்தை தவிர்ப்பது நல்லது. போதுமான ஓய்வு உங்களுக்கு சமநிலையை அளிக்கும்.

கல்வி:

மாணவர்கள் இந்த வாரத்தை தன்னம்பிக்கையுடனும், வெற்றியுடனும் தொடங்குவார்கள். தேர்வுக்கு தயாராகி வரும் மாணவர்கள் நல்ல முடிவுகளை எதிர்பார்க்கலாம். வாரத்தின் பிற்பகுதியில் அதிக கவனத்துடன் படிக்க வேண்டும். வெளிநாட்டுப் பல்கலைக்கழகங்களில் படிப்பதற்கான வாய்ப்புகளை சிலர் பெறுவதற்கான வாய்ப்புகளும் கிடைக்கும்.

தொழில் மற்றும் வியாபாரம்:

இந்த வாரம் தொழிலில் அபரிமிதமான வளர்ச்சி காணப்படும். புதிய மற்றும் ஆக்கப்பூர்வமான யோசனைகளை செயல்படுத்தி வாடிக்கையாளர்களை கேட்பீர்கள். அன்றாட வேலைகளை அன்றன்றே முடிப்பதன் மூலம் பாராட்டுக்களைப் பெறுவீர்கள். நீண்டகால இலக்குகளைப் பற்றிய தெளிவு கிடைக்கும். வியாபாரத்தை விரிவுபடுத்துவதற்கான முயற்சிகளை இப்போது தொடங்க வேண்டாம். வருமானத்திற்கான வழிகள் திறக்கப்படும்

குடும்ப உறவுகள்:

இந்த வாரத்தில் குடும்ப உறவுகளில் சிறிய கருத்து வேறுபாடுகள் வரலாம். எனவே பேச்சில் நிதானம் தேவை. வாரத்தின் பிற்பகுதியில் காதல் உறவு திருப்திகரமாக மாறும். திருமணமானவர்களுக்கு துணையுடன் பாசம் அதிகரிக்கும். குழந்தைகளிடமிருந்தும், குடும்ப உறுப்பினர்களிடமிருந்தும் மகிழ்ச்சியும் உணர்ச்சிப்பூர்வமான ஆறுதலும் கிடைக்கும். குடும்பத்தினர் அல்லது நண்பர்கள் மூலம் எதிர்பாராத உதவிகள் கிடைக்கக்கூடும்.

பரிகாரம்:

இந்த வாரம் வாய்ப்பு கிடைக்கும் சமயங்களில் எல்லாம் அமைதியாக மௌன விரதம் மேற்கொள்வது நல்லது. சுக்கிரன் மற்றும் புதனுக்கு உரிய தெய்வங்களான மகாலட்சுமி அல்லது விஷ்ணு பகவானை வழிபடுங்கள். வெள்ளிக்கிழமைகளில் தயிர் சாதம் அல்லது வெள்ளை நிறப் பொருட்களை ஏழைகளுக்கு தானமாக கொடுப்பது நிதி ஸ்திரத்தன்மைக்கு உதவும்.

(பொறுப்பு துறப்பு: இந்தக் கட்டுரையில் குறிப்பிடப்பட்டுள்ள தகவல்கள் அனைத்தும் ஜோதிட கருத்துக்கள், மத நூல்கள், பஞ்சாங்கம் ஆகியவற்றை அடிப்படையாகக் கொண்டவை. இதை ஏசியாநெட் தமிழ் நிறுவனம் சரி பார்க்கவில்லை. தகவல்களை வழங்குவது மட்டுமே எங்கள் நோக்கம். இதன் துல்லியம், நம்பகத்தன்மை மற்றும் விளைவுகளுக்கு ஏசியாநெட் தமிழ் நிறுவனம் எந்த வகையிலும் பொறுப்பேற்காது)